Sjukepleiar ved Institutt for klinisk odontologi, Seksjon for oral kirurgi og oral medisin

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Sjukepleiar

Ved Det medisinske fakultet, Institutt for klinisk odontologi er det ledig ei fast stilling som sjukepleiar (100 %) med tilsetjing så snart som mogleg.

Seksjon for oral kirurgi og oral medisin utdannar tannlegar og spesialistar i oral kirurgi. Vi har eit dynamisk og aktivt miljø, og i tillegg til undervisning driv vi også med forsking, mellom anna på bruk av stamceller for å bygge kjevebein. Arbeidsmiljøet er godt.

Ved tilsetting vert det kravd politiattest etter helsepersonelloven §20 a).

Arbeidsoppgåver:

• Ta del i operasjonsverksemd og poliklinisk verksemd i studentklinikken og spesialistklinikken
• Omsorg for pasientar
• Rettleiing og undervisning av tannlegestudentar, tannpleiarar og spesialistkandidatar
• Ved behov delta i drifta av seksjonens sterilsentral

Det kan verte aktuelt å leggje andre oppgåver til stillinga.

Kvalifikasjonar og eigenskapar:

• Søkjar må ha utdanning og autorisasjon som sjukepleiar
• Relevant vidareutdanning er ønskjeleg, gjerne operasjonssjukepleiar
• Erfaring frå undervisning/rettleiing er ønskjeleg
• For søkjarar utan spesialutdanning vert det kravd relevant erfaring
• Erfaring med verksemd innan oral kirurgi/kjevekirurgi er ein føremon
• Søkjar må beherske norsk munnleg og skriftleg og kunne kommunisere godt

Vi søkjer ein person som

• Er fleksibel og serviceinnstilt
• Har gode kommunikasjons- og samarbeidsevner
• Kan planlegge og utføre eigne arbeidsoppgåver sjølvstendig, effektivt og nøyaktig, samt kunne jobbe godt i team
• Har digital kompetanse og evne til å tileigne seg nye ferdigheiter
• Liker å delta i undervisning
• Er positiv, engasjert, uredd og fleksibel og som raskt kan setje seg inn i nye oppgåver

Ved vurdering av søkjaren vil vi leggje stor vekt på dei personlege eigenskapane som er nødvendige for stillinga. 

Vi kan tilby:

• Spanande og utviklande arbeidsoppgåver i eit sterkt fagmiljø
• Løn er for tida kr 655 000 – 685 000 (kode 807). Løn er brutto per. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn.  
• Medlemskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til førsteamanuensis Cecilie Gjerde, tlf.: 986 98 405 eller e-post: cecilie.gjerde@uib.no For HR-relevante spørsmål ta kontakt med HR-rådgjevar Ivar Øiestad, e-post: ivar.oiestad@uib.no

Ved tilsetjing må politiattest som ikkje er eldre enn 3 månader leggjast fram, etter helsepersonelloven §20 a.

Mangfald er ein styrke og gjer at vi kan løyse oppgåvene våre endå betre. Universitetet i Bergen treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Retningslinjer for arbeidstøy ved Odontologisk universitetsklinikk

Odontologisk Universitetsklinikk ved Universitetet i Bergen følgjer «Faglige anbefalinger for smittevern i klinisk odontologisk praksis», som er utarbeidd av universiteta i Oslo, Tromsø og Bergen i samarbeid med Kompetansesentret for dekontaminering ved OUS, Den Norske Tannlegeforening (NTF), Helsedirektoratet, og Folkehelseinstituttet.

• Tilsette og studentar bruker arbeidstøy under arbeid i Ferdighetsenteret og i klinikkane.
• Arbeidstøyet består av klinikkbukser og kittel med kort erme for å sikre adekvat handhygiene.
• Religiøse hovudplagg og operasjonshette/lue som vert brukt i klinikken vert rekna som arbeidstøy, og følgjer reglar for arbeidstøy.
• Alt arbeidstøy tilhøyrer Odontologisk Universitetsklinikk, og tøyet vert lånt ut til tilsette og studentar.

Meir informasjon om smittevernpraksis ved Odontologisk Universitetsklinikk, Universitetet i Bergen, finn du her: Smittevern og HMS ved Institutt for klinisk odontologi | UiB

Opplysningar om søkjaren kan verte gjort offentlege sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søkje. Dersom du kryssar av for dette i søknaden kan du verte positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. 

Nærare om tilsettingsprosessen her: Slik behandler vi din søknad | UiB