Dagleg leiar

Stilling som dagleg leiar blir ledig frå 1. april 2026.

Arbeidsoppgåver

Oppgåver og ansvar:
Dagleg leiar har ansvar for sekretariatet og tar del i aktivitetane i kontrollutvala.
Stillinga er organisatorisk lagt under styret.

Dagleg leiar har ansvaret for sakshandsaming, førebuing og etterarbeid i høve kontrollutvala sine møte. Sekretariatet har i dag ein fulltid tilsett seniorrådgjevar i tillegg til dagleg leiar. Samhandling med revisjonen, administrativ og politisk leiing i deltakarkommunane er viktige oppgåver i sekretariatet. Dagleg leiar er og sekretær for styret i selskapet og har ansvar for framlegging av budsjett for selskapet sin verksemd.

Kvalifikasjonar

Ønska kvalifikasjonar:

• Relevant utdanning på master- eller minimum bachelornivå, innafor revisjonsfaglege, økonomiske, juridiske eller samfunnsfaglege områder.
  
• God kjennskap til og erfaring frå offentleg forvaltning og lovverk.
  
• God kjennskap til arbeidsform og avgjerdsprosessar i folkevalde organ.
  
• Må kunne arbeide sjølvstendig, målretta og strukturert.
  
• Nytte begge målformer (den enkelte kommune si målform blir nytta).
  
• Kjennskap til sak/arkiv systemet ACOS er ein fordel.
  
• Førarkort og bil for køyring til møta i medlemskommunane.

Personlege eigenskapar

• Høg integritet og sterk etisk bevissheit
• Sterke analytiske evner og god på kommunikasjon
• Evne til å prioritere for å oppnå mål.

Vi tilbyr

Sunnmøre kontrollutvalsekretariat IKS tilbyr:

• Rom for fagleg utvikling av dagleg leiar for yting av best mogleg tenester.
  
• Medlemskap i KLP (pliktig tenestepensjon).
  
• Bedriftshelseteneste.
  
• Fleksibel arbeidstid.
  
• Moderne kontorlokale i Breivika i Ålesund.
  
• Lønn etter avtale (leiarvilkår).

 

For meir informasjon om selskapet og oppgåver kan ein vitje www.kontrollutval.no

Søkjarlista kan bli offentleg sjølv om søkar har bedd om anonymitet, jf. Offentleglova § 25, andre ledd. Dersom oppmodinga ikkje blir teken til følgje, vil søkjaren bli varsla om dette.

Kontaktinformasjon

Bjørn Tømmerdal, Daglig leiar, 926 11 735

Arbeidsstad

Lerstadvegen 545
6018 Ålesund

Nøkkelinformasjon:

Arbeidsgivar: Ålesund kommune

Referansenr.: 5055865788
Stillingsprosent: 100%
Fast
Søknadsfrist: 25.01.2026