ID 2496 Barnehagelærar - Sagvåg barnehage avdeling Tjødnalio

Sagvåg barnehage avd. Tjødnalio er eig av Stord kommune og ligg i landlege omgjevnader i Sagvåg. Me har kort veg til skog, vatn, fjell og sjø. Her er 40 barn fordelt på små- og storbarnsavdelingar. Hos oss jobbar me aktivt for inkludering med fokus på at alle barn og tilsette skal ha eit trygt og godt miljø i barnehagen. Me har eit aktivt og engasjert personale med høg fagleg kompetanse og lang erfaring.

Visjonen vår er Saman om den gode barndomen.

Me har ledig følgjande stilling for tilsetjing snarast:

**Fast 80 % stilling for barnehagelærar.**med moglegheit for auke til 100% på sikt

Barnehagen søkjer etter deg som

• har evner til å vera med å vidareutvikla ein god barnehage i tett samarbeid med føresette, tilsette og barnehagen sine samarbeidspartnarar

• har arbeidsglede, arbeidsmot, godt humør og gode samarbeidsevner

• har gode leiareigenskapar i høve barnegrupper og pedagogisk opplegg

• er positiv, initiativrik og løysningsorientert

• er strukturert og fleksibel

• kan bidra til å skapa eit godt læring- og leikemiljø

• har evner til å vera ein tydeleg rollemodell både for barn og vaksne

Ansvar og oppgåver

• Setje i verk og leie det pedagogiske arbeidet i tråd med lov om barnehage og Rammeplan for barnehagen.

  Planlegge, gjennomføre, dokumentere, vurdere og utvikle arbeid i høve enkeltbarn, barnegruppa og det område du er satt til å leie

• Rettleiing av personale

• Foreldresamarbeid

• Tverrfagleg samarbeid

• Prosjektarbeid

Kvalifikasjonskrav

• Søkjar må ha utdanning som barnehagelærar.

• Må beherske digitale verktøy

Politiattest

Det er krav om å leggje fram politiattest for alle som yter tenester innanfor oppvekst og utdanning. ref. Lov:

Opplæringslova § 17-11, jf. opplæringsforskrifta §§ 12-15, 12-16 og 12-18 og Politiregisterlova § 39, 1. ledd.

Tilsetjinga føreset at arbeidstakaren legg fram gyldig politiattest innan tiltreding dersom dette er kravd for stillinga etter lov eller forskrift. Dersom politiattest ikkje blir lagd fram innan fristen, eller attesten viser forhold som etter gjeldande regelverk er til hinder for tilsetjing i stillinga, kan arbeidsgivar avgjere at arbeidstakaren ikkje kan tiltre stillinga.

Me kan tilby:

• Varierte arbeidsoppgåver i eit tverrfagleg fagmiljø

• Godt arbeidsmiljø

• Stord Ve og Vel med moglegheit for leige av leilegheiter i Røldal, Husøy med båt og utleige av tilhengarar mm.

• Løns- og arbeidsvilkår i samsvar med kommunalt avtaleverk

• Offentleg tenestepensjon

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.