Vi søkjer sjukepleiar!

Sengepost for gastrokirurgi og urologi, Haugesund sjukehus har behov for fleire medarbeidarar.

Vi ønskjer oss fleire sjukepleiarar som har fokus på fag og kvalitet. Hos oss vil du få gode muligheter til fagutvikling og kompetanseheving innan eitt eller begge fagområda våre. Vi har faste fagdagar og simuleringsdagar i turnusen. Vi har fokus på opplæring av nyansatte, og på at du som ny sjukepleier skal bli trygg i rolla di. Vi skal starte opp med prosjekt " Rett kompetanse på rett plass". Dette inneber at vi skal benytte fleire støttefunksjonar, eks portør, logistikk, reinhald slik at du som sjukepleier skal kunne bruke tida di på pasientane.

Vi handterer både planlagde og akutte innleggingar. Ein stor del av våre pasientar er kreftpasientar i ulike stadier av sjukdomsforløpet, i tillegg til pasientar med andre gastrokirurgiske og urologiske tilstandar. Vi tilbyr fast stilling frå 80-100 % i 3-delt turnus.

Det er mogeleg å søkje om helgestilling dersom dette er av interesse. Interne tilsetjingar kan føre til at det blir ledig andre stillingsstorleikar eller vikariat. Vennlegst oppgi i søknaden din om du er interessert i dette.

Vi har årsplan der vi prøver å imøtekomme så mange ønsker som mulig. Du kan velje mellom vanlege vakter 16 helgar i året, langvakter 16 helgar i året med lønnskompensasjon eller langvakter 12 helgar i året. 

Hos oss vil du få ei rekkje utfordrande arbeidsoppgåver og eit miljø med engasjerte og fagleg dyktige medarbeidarar!

 👉Vi ser fram til å motta søknaden din!

Kva går jobben ut på?

• Pre- og postoperativ sjukepleie
• Delta i utgreiing og behandling av pasientar med gastrokirurgiske og urologiske diagnosar
• Delta i palliativ behandling
• Planlegging av pasientforløp
• Dokumentasjon i journalsystema Dips og Meona
• Delta i tverrfagleg samarbeid på sengeposten, og samarbeid med andre einingar på sjukehuset

Kva kompetanse er viktig i denne rolla?

• Norsk autorisasjon som sjukepleier
• Det er ønskeleg med gode kunnskapar om fagområde i avdelinga
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
  

Kva ser vi etter hos deg?

• Fagleg innsikt, motivasjon og sjølvstende blir vektlagt
• Gode evner til samarbeid og kommunikasjon
• Bidra til eit godt arbeidsmiljø
• Må trivst i eit aktivt og travelt miljø

Personlege eigenskapar blir vektlagd

Kvifor skal du velje oss?

• Eit godt og inkluderande arbeidsmiljø
• Høgt fagleg nivå, med ei rekke fagressurser tilknytta avdelinga (stomisjukepleier, uroterapeut, kreftsjukepleiar, sårsjukepleier m.fl)
• Fagdager og simuleringsdagar i turnus
• Fagutviklingssjukepleier
• Kollegastøtteordning
• Fadder til nyansatte
• Årsturnus med rom for individuelle ønske
• Gode pensjons- og forsikringsordningar, medlemsskap i KLP

For å kunna vurdera førerett til stilling, må søkjar gi til kjenne dette i søknaden.

Kontaktinformasjon

Bodhild Håkull, Funksjonsleiar - gastrokirurgisk/urologisk post, +47 46928593
Kristine Gundegjerde Meling, Funksjonsleiar urologi, +4793439023

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5026466531
Stillingsprosent: 100%
Fast
Søknadsfrist: 02.11.2025