100% vikariat som helsefagarbeidar ved Rus og psykisk helse, Odda

Arbeidsstad: Rus- og Psykisk helse (ROP), avd. Odda

Ullensvang kommune har integrerte tenester for Rus og psykisk helse. Tenesta jobbar ut frå ein modell der forskjellige aktørar, etatar og faggrupper jobbar saman på tvers av nivå, for å gje eit heilhetleg tilbod. Tenesta rettar seg mot menneske over 18 år, med ulike psykiske vanskar og / eller rusutfordringar, pårørande og menneske i livskrise. Tenesta omfattar førebygging, utgreiing, behandling, rehabilitering, oppfølging, støtte og rettleiing. 

Tenesteområdet har eit fleirkulturelt miljø, engasjerte medarbeidarar, fagleg utfordrande oppgåver og fokus på å finne individuelt tilpassa løysingar til det beste for kvar einskild brukar. Kvardagen i rus og psykisk helse er innhaldsrik og spanande, og oppgåvene me utfører er mange og varierte.

Stillingen inngår i turnus med vakter på dag, kveld og arbeid 4. kvar helg. Det er mulig å arbeide langvakter om ønskeleg. 

Vil du bidra til ein meiningsfull kvardag, med fokus på mestring og positive opplevingar for våre brukarar? Då er det berre å søkje på stillinga! 

Arbeidsoppgåver:

• Miljøarbeid og oppfølging av brukarane saman med øvrig personale

• Tverrfagleg samarbeid

• Dokumentasjon og ajourhald i elektronisk pasientjournal i Aidn

• Legemiddelhåndtering

• Medansvar for fagleg forsvarlegheit, samt for forsvarleg forvaltning av ressursane

• Medverke til kvalitetsutvikling, helse, miljø og tryggleik

• Medverke til godt arbeidsmiljø

Kvalifikasjonskrav:

• Autorisasjon som helsefagarbeidar 

• Vidareutdanning i psykisk helse er ynskjeleg

• Gode norskkunnskapar skriftleg og muntleg

• Førarkort klasse B 

• Gode digitale ferdigheiter

• Fleksibel og engasjert  

• Godt humør og positiv innstilling

• God samarbeidsevne og evne til å arbeide sjølvstendig

• Evne til god kommunikasjon, vere reflektert og kunna skapa gode relasjonar til brukarane og pårørande

• Evne til å behalde ro i utfordrande situasjonar

• Evne til å tenkje nytt og å vere kreativ

• Personlege eigenskapar blir vektlagt

Krav:

• Politiattest jfr gjeldande lov

• Krav til førarkort: klasse B

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/