Kommunalsjef - Helse og meistring

Sula kommune søker ein framtidsretta og samlande leiar

Er du ein tydeleg, framtidsretta og samlande leiar som brenner for kommunen? Er du ein strategisk leiar som kan vidareutvikle tenesteområdet i tråd med kommunen sine overordna mål, verdiar og visjonen vilje til å lukkast saman?

Vår noværande kommunalsjef for helse og meistring skal avslutte ei lang yrkeskarriere og går over til neste kapittel som pensjonist. Vi søker ein verdig etterfølgjar.

Vil du være med og utvikle kommunalområde helse og meistring?

Som kommunalsjef får du ansvar  for kommunalområde helse og meistring som har 6 driftseiningar med 280 årsverk.  Stillinga har ansvar for økonomi, personal, fagleg utvikling, tenestekvalitet og strategisk styring for tenesteområda heimeteneste, psykiatri, NAV, helse- og legetilbod, eldreomsorg, bustadsosiale tenester, pleie og omsorg samt førebygging og rehabilitering.

Du vil arbeide tett i lag med kommunedirektør, politikarar, medarbeidarar, arbeidstakarorganisasjonar og innbyggarar. Du skal leie, utvikle og følgje opp tenestene i tråd med samfunnsplanen 2025 – 2035 som tar stilling til langsiktige utfordringar, mål og strategiar for kommunen som heilskap, og kommunen som organisasjon. 
Samfunnsplanen sei at Sula kommune skal ha inkluderande lokalsamfunn for innbyggarar i alle faser.

Vi arbeider etter desse føringane når vi omstiller drifta og utviklar tenestene;
Kloke investeringar i gode tenestebygg, som legg til rette for tenester med god kvalitet, effektiv drift og attraktive fagmiljø.
Konkret planlegger vi no m.a. nytt tenestesenter, avlastings- og barneboligar og ROP-boligar. Nytt bufellesskap for mennesker med psykisk utviklingshemming har oppstart i desse dagar.

I Sula kommune har vi ambisjonar om at det skal vere kort veg frå tanke til handling. Som del av kommunedirektøren si leiargruppe vil du vere tett på beslutningsprosessar. Kommunalsjef må også ta førarsete for det heilskaplege styringssystemet i eige kommunalområde. Ei rekke aktivitetar gjennom året skal sikre god og heilskapleg styring. Leiaravtale er ein del av styringssystemet og skal sikre gjensidig forventningsavklaring og strategisk leiing på alle nivå.

Kommunen sitt verdigrunnlag gir uttrykk for haldningar som alle tilsette og folkevalde i kommunen skal strekke seg etter i det daglege virke overfor sine innbyggarar, brukarar, samarbeidspartnarar og overfor kvarandre. Kommunen sine grunnleggande verdiar er ærleg og open, respekt og omsorg, innovativ og humor. 

Vi søker ein kommunalsjef som har

* relevant høgare utdanning
* solid leiarerfaring frå komplekse organisasjonar, gjerne frå helsesektoren
* god forståing for helse- og meistringsfeltet og framtidige utfordringar
* kompetanse innan økonomi- og budsjettstyring
* evne til strategisk leiing, organisasjonsutvikling og endringsarbeid
* gode kommunikasjonsevner, munnleg og skriftleg
* fordel med erfaring frå politiske prosesser

Vi søker deg som

* er ærleg og open, og skaper tillit gjennom tydelig leiing
* viser respekt og omsorg for innbyggarar, medarbeidarar og samarbeidspartnarar
* er innovativ, ser mogelegheiter og finner gode løysingar saman med andre
* har sans for humor, og bidreg til eit godt og inkluderande arbeidsmiljø
* er utviklingsorientert, engasjert og har gjennomføringsevne

Vi kan tilby

* ei spannande og samfunnsnyttig leiarstilling i eit særs godt arbeidsmiljø
* moglegheit til å påverke utviklinga av framtida si helse- og omsorgstenester
* konkurransedyktige løns- og arbeidsvilkår
* gode pensjons- og forsikringsordningar

 

Du må ha vilje til å lukkast saman med medarbeidarar, kollegaer, politikarar og ikkje minst innbyggarar i Sula kommune. Dersom du tenkjer slik, håper vi å høyre frå deg.

Kontaktinformasjon

Bente Glomset Vikhagen, Kommunedirektør, +47 95022878, bente.glomset.vikhagen@sula.kommune.no

Arbeidsstad

Sloghaugvegen 13
6030 Langevåg

Nøkkelinformasjon:

Arbeidsgivar: Sula kommune

Referansenr.: 5011254816
Stillingsprosent: 100%
Fast
Søknadsfrist: 21.09.2025