Jobbspesialist

Vil du hjelpe menneske inn i jobb gjennom målretta oppfølging? 

Nav Kvinnherad søkjer ein engasjert jobbspesialist (IPS) som vil vere med og styrke tilbodet vårt for personar som treng støtte på vegen mot arbeid og aktivitet. Du vil få ei sentral rolle i å kartlegge arbeidsevne, gi individuell rettleiing, samarbeide med arbeidsgivarar og tiltak, og vere ein viktig støttespelar for brukarar på veg mot jobb eller utdanning. Målgruppa du vil følge opp er personar med moderate til alvorlege psykiske lidingar og/eller rusutfordringar. 

Arbeidet skjer i tett samarbeid med Folgefonn DPS (Odda og Valen). Du har arbeidsstad på DPS og jobbar integrert i behandlingsteamet, med tilsetjing i Nav Kvinnherad. Tenesteområde omfattar både Kvinnherad og Ullensvang kommune. 

Hos oss blir du del av eit tverrfagleg miljø med 36 tilsette, der vi saman jobbar for å skape moglegheiter for innbyggjarane i Kvinnherad. Brenn du for arbeidsinkludering og relasjonsbygging? Då vil vi gjerne høyre frå deg!

 

Kva går jobben ut på? 

• Nytta IPS-metoden for å hjelpe menneske med psykiske vanskar og/eller rusutfordringar ut i jobb eller utdanning. 
• Følgje opp inntil 20 deltakarar og støtte dei på vegen mot arbeid eller utdanning.
• Kartleggje kva deltakarane ønskjer, kva dei kan, og kva som passar for dei.
• Motivere deltakarar og samarbeide med eksterne samarbeidspartar som for eksempel arbeidsgivarar, skular og pårørande.
• Oppsøke bedrifter og utdanningsinstitusjonar for å skape kontakt og finne moglegheiter.
• Vere ein støttespelar for deltakar og arbeidsgivar før, under og etter jobbstart.
• Delta i behandlingsteam og samarbeide tett med helsetenesta. 
• Samarbeide med Nav og andre tenester om deltakar treng hjelp med bustad, økonomi eller sosiale forhold.
• Dokumentere arbeidet i Nav sine system og følgje rutinar.

Kva kompetanse er viktig i denne rolla?

Du må ha:

• Fullført utdanning tilsvarande bachelor, fortrinnsvis innan sosialfag, psykologi eller sal- og marknadsføring. Relevant arbeidserfaring kan kompensere for kravet til utdanning. 
• Personar med yrkesfagleg bakgrunn eller erfaring frå privat næringsliv kan vurderast som aktuelle.
• Erfaring frå relasjonsarbeid og arbeid med menneske
• Gode norskkunnskapar. Om ein har eit anna morsmål enn norsk eller skandinavisk, ønsker vi at du dokumenterer språknivå tilsvarande B2.
• Gode digitale ferdigheiter.
• Førarkort klasse B

 

Det er ønskeleg at du har:

• Erfaring med IPS eller kjennskap til prinsippa i IPS
• Erfaring frå oppsøkande kundekontakt og nettverksbygging
• Kompetanse innan rettleiing 

Kva ser vi etter hos deg

• Kommuniserer godt og bygger trygge relasjonar med ulike menneske
• Er god til å motivere og inspirere
• Har god oversikt, prioriterer godt og handterer uventa hendingar
• Trivst med å bli følgd opp på kvalitet og resultat 
• Er sjølvgåande, fleksibel og har sterk gjennomføringsevne
  

Kvifor velje oss

• Ei spennande stilling i eit godt arbeidsmiljø prega av høg kompetanse og engasjerte medarbeidarar
• Store moglegheiter for fagleg og personleg utvikling
• Moglegheit til å utgjera ein skilnad i ein organisasjon med eit særs viktig samfunnsoppdrag
• Fleksibel arbeidstid og mogelegheit for trening i arbeidstida
• Stillinga er løna som rådgivar i lønsspenn 622 000 - 643 000 pr. år. For særs kvalifiserte søkarar kan høgare løn vurderast. 
• God pensjonsordning, låneordning og forsikringar gjennom Statens pensjonskasse
  

Les meir om Nav som arbeidsgivar

Kontaktinformasjon

Marte Strømme, Avdelingsleiar Nav , 94439395, marte.stromme@nav.no
Erlend Hellingsrud, Konst. poliklinikkleiar Folgefonn DPS , 47260535, erlend.hellingsrud@helse-fonna.no
Agnes Reksc, Metoderettleiar IPS, 90143818, agnes.reksc@nav.no

Arbeidssted

Sentrumsvegen 29
5460 Husnes

Nøkkelinformasjon:

Arbeidsgiver: Nav

Referansenr.: 5045086602
Stillingsprosent: 100%
Fast
Søknadsfrist: 04.01.2026