Kokk - 100 % fast stilling

Vi har ledig fast stilling som kokk for turnusarbeid i ein spennande internasjonal organisasjon. Arbeidstida vil variere, og du vil arbeide i eit skiftmønster som inkluderer noko kvelds- og helgearbeid.

Vi søkjer deg som er nøyaktig, flittig og oppteken av å ha det kjekt på arbeid saman med gode kollegaer, og som ynskjer å gjere ein forskjel. Vi har som mål at matopplevinga hos oss skal vere sunn, fristande, reflektere skulen sitt ideal om bærekraft og gje elevar og gjestar gode matopplevingar.

Per i dag er det ti tilsette som arbeider i heil- eller deltidsstillingar ved kjøkkenet. Tre av desse er kokkestillingar, som alle er faste og 100 %. Vi har no behov for å tilsette enno ein flink person for å erstatte ein av våre faste kokkar. Du vil rapportere til Operational Service Manager (OSM) og samarbeide nært med resten av kjøkkenteamet.

Ansvars- og arbeidsområde

• Kokkane våre er teamleiarar, og har ansvar for drift av kjøkkenet på sine skift samt oppgåver knytt opp mot bestilling av varer.

• Kokkane inngår i ein turnusplan med arbeid morgon, middag og kveld, og sidan skulen er heim for omlag 200 studentar så vil det også inngå helgarbeid kvar tredje veke i turnusen.

Arbeidsoppgåver

• Internkontroll (IK mat)

• Bestilling og god handtering av mat- og andre varer

• Produksjon av varmmat, kaldmat og salatbar

Kvalifikasjonar

• Fagbrev som kokk

• Erfaring frå liknande stillingar

• Kunnskap og interesse for internasjonal mat og vegetarmat

• Evne til å yte god service til elevane og gjestane våre

• Vi brukar norsk som arbeidsspråk på kjøkkenet

Personlege eigenskapar

• Interesse for mat

• Ynskje om å vere del av eit team som er ein særs viktig del av skulen

• Ha god struktur og like og evne å jobbe sjølvstendig og i Team

• Ha høg integritet og kan trivast med arbeid i eit dynamisk miljø med elevar og tilsette med ulik kulturell og etnisk bakgrunn, jamfør UWC sine verdiar og misjon

Kva kan vi tilby?

• Ein strukturert arbeidskvardag med høve til ulike kurs og eigenutvikling

• Løn etter KS tariff

• Gode pensjons- og forsikringsordningar

• Tilgang til Røde Kors Haugland rehabiliteringssenter sine basseng og treningsrom

• Tilgang til ulike utandørsaktivitetar, organisert gjennom skulen