Barnehagelærar
Voss herad Kløve barnehage
Raundalsvegen 360, 5706 Voss
Om jobben
- Stillingstittel
- Barnehagelærar vikariat 100 %
- Type ansettelse
- Vikariat, heltid 100%
- Antall stillinger
- 1
- Arbeidsspråk
- Norsk
Søk på jobben
Søk senest mandag 14. september
Barnehagelærar – vikariat 100 % stilling til 31.08.27 ved Kløve barnehage
Har du lyst til å vere med og forme ein ny barnehage?
Kløve barnehage søkjer ein engasjert og trygg barnehagelærar i 100 % stilling, vikariat til 31.08.27
Kløve barnehage er ein nyrenovert barnehage som frå august 2026 er blitt ein ny og større barnehage gjennom samanslåinga av Kløve og Hagahaugen barnehage.
Me er no 42 barn og 14 tilsette, fordelt på 2 avdelingar.
Me er i starten på eit nytt kapittel, og no ønskjer me oss ein barnehagelærar som har lyst til å vere med og utvikle barnehagen vidare. Du får vere med og forme kulturen, samarbeidet og det pedagogiske arbeidet i den nye Kløve barnehage.
Me ser etter deg som
- er ein trygg, varm og engasjert vaksen
- er opptatt av leik, relasjonar, utvikling og læring
- kan ta ansvar og arbeide sjølvstendig, samtidig som du er ein god lagspelar
- bidreg aktivt til eit godt arbeidsmiljø
Me ønskjer oss ein medarbeidar som tør å by på seg sjølv, som tek initiativ og som ønskjer å bidra til at Kløve barnehage blir ein trygg, inkluderande og god barnehage for både barn, føresette og tilsette.
Hos oss får du
- ein spennande arbeidsplass i utvikling
- ein variert og meiningsfull arbeidskvardag
- høve til å påverke og utvikle det pedagogiske arbeidet
- flotte, nyrenoverte lokale og gode uteområde
Som barnehagelærar vil du mellom anna ha ansvar for å:
- planleggje, gjennomføre, dokumentere og evaluere det pedagogiske arbeidet
- bidra til eit godt og inkluderande leike- og læringsmiljø
- observere og følgje opp barna si utvikling og trivsel
- samarbeide tett med kollegaer og føresette
- bidra til eit godt samarbeid på tvers av avdelingane
- vere ein aktiv bidragsytar i utviklinga av Kløve barnehage
- delta i og bidra til fagleg utviklingsarbeid
- Bachelor i barnehagelærarutdanning
- Gode norskkunnskapar, både munnleg og skriftleg
- Gyldig politiattest må leggjast fram før tiltreding
Er du ein barnehagelærar som ønskjer å vere med og byggje noko nytt saman med oss? Då håpar me å høyre frå deg!
Ta gjerne kontakt med Vibeke Brattebø, tlf 47307545 dersom du har spørsmål om stillinga eller ønskjer å vite meir om Kløve barnehage.
Velkomen som søkjar til Kløve barnehage!
Søknad
Voss herad ønskjer eit arbeidsmiljø prega av mangfald og inkludering. Vi oppmodar alle kvalifiserte kandidatar til å søkje, uavhengig av alder, kjønn, funksjonsevne eller kulturell bakgrunn.
Søk via søknadsportalen og legg ved relevante attestar, vitnemål og referansar. I samsvar med offentleglova § 25 kan opplysningar om søkjar verte offentleggjorde sjølv om søkjar har bedt om unntak frå offentleg søkjarliste.
Link til søknadsskjema: Søk her
Kontaktperson for stillingen
Om bedriften
Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport.
Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.
Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.
Verdiane våre er profesjonell - påliteleg - skapande - inkluderande
Sektor
Offentlig
Del annonsen
Annonsedata
Rapporter annonse- Stillingsnummer
025f9768-ec2b-4c22-8c38-37a89f261de9
- Sist endret
31. august 2026
- Hentet fra
visma-easycruit
- Referanse
3656937_212659_nn