Sokneprest i Søre Sunnmøre prosti med Ørsta som særskild tenestestad

Ørsta og Volda har omlag 22.000 innbyggjarar og vert rekna som den 4. byen i Møre og Romsdal. Mellom høge tindar og djupe fjordar finn du levande bygdebyar som er i stadig utvikling og kan by på det meste av tilbod. Her finn du varierte tilbod innan kultur- og åndsliv, handel, utdanning, idrett og friluftsliv, mm. Regionen har flyplass med fleire daglege avgangar til Oslo og Bergen. Ålesund ligg om lag ein time unna og frå Ålesund lufthamn Vigra er det flyruter til Trondheim og fleire direkte utanlandsruter. I Ørsta og Volda finn du elles høgskule og vidaregåande skular, sjukehus, skisenter, kjøpesenter, bankar og finanshus, og fleire innovative og marknadsleiande industriverksemder. Tunnelsamband både aust- og vestover gir ferjefri og kort køyreavstand til ein endå større arbeidsmarknad, mellom anna innan den maritime klynga. Området har velfungerande bustadmarknad anten ein veljer å bu i sentrum eller i nærområda rundt. Uansett har du nærleiken til det spektakulære sunnmørslandskapet som byd inn til alle slags turar både sommar og vinter. Her er det godt å bu!
 
Ørsta sokn, ein kyrkjelyd i vekst
Ørsta sokn ynskjer å skape meir himmel på jorda ved å vere raus, kvardagsnær og himmelvend. Vi ynskjer å vere ei kyrkje som er synleg for folk i liv og kvardag, byggje ned tersklane og skape eit rom der alle kjenner seg heime. Vi ynskjer at møtet med kyrkja skal vere godt, både i og utanfor kyrkjerommet.
Soknet er med sine 7300 medlemmer det største av dei tre sokna i Ørsta kommune.  Det er brei folkekyrkjeleg tilslutning og svært mange av innbyggarane har ein god relasjon til kyrkja. Det er høge tal for både dåp og konfirmasjon og den store majoriteten vel kyrkjeleg gravferd.
Det er eit aktivt arbeid for born og unge med mellom  anna babysong, to barnekor, søndagsskule, speidar i regi av KFUK-KFUM og ei rekke arrangement knytt til ulike alderstrinn. Soknet har ungdomsarbeid som vedtatt satsingsområde for 2026-2027. Det er eit godt utvikla samarbeid mellom kyrkje, skule og barnehage, særleg knytt til jule- og påskehøgtida. Det diakonale arbeidet omfattar mellom anna språk-kafe, føremiddagstreff og samtaletilbod. Ørsta har rike song- og musikktradisjonar og Ørsta kyrkjekor og dei to barnekora er viktige ressursar i gudstenestearbeidet. Kyrkja er også ein viktig kulturarena og har eit aktivt samarbeid med fleire lokale kor, musikarar, solistar og den kommunale kulturskulen mfl.
I Ørsta kyrkje er det gudsteneste dei fleste høgtidsdagar og kvar søndag med unntak av nokre søndagar i ferieavviklinga. Det er eit variert gudstenesteliv med ei veksling mellom tradisjonelle høgmesser, gudstenester for store og små og kveldsmesser med ei enklare form og folkekyrkjeleg appell.
Soknepresten vert del av ein engasjert stab med kyrkjeverje, sekretær, sokneprest, kyrkjelydsprest, diakon, kateket, trusopplærar, to organistar, to kyrkjetenarar, frivillige medarbeidarar og eit engasjert sokneråd. Det er stabsmøte og morgonbøn ein gong i veka.

Arbeidsoppgåver

-I tråd med "Tjenesteordning for menighetsprester" skal soknepresten forvalte Ord og sakrament slik at kristen tru og liv vert fremma i kyrkjelyden.
-I tillegg til gudstenester, tenesteveker og beredskapsveker, som vert delt etter oppsett arbeidsplan, tek soknepresten del i kyrkjeleg undervisning med mellom anna konfirmantopplæring, sjelesorg og andakter på sjuke- og aldersinstitusjonane i fellesrådsområdet.
-Soknepresten har sete i Ørsta sokneråd og pr i dag Ørsta kyrkjelege fellesråd
-Oppfølging av frivillige
-Ta del i kyrkjelyden sitt øvrige arbeid med barn og ungdom
-Arbeid med heimesida
-Begge sokneprestane tek del i den kommunale krise og omsorgsgruppa , og alle prestane i prostiet er med i beredskapsordninga

Kvalifikasjonar

-Dei formelle kvalifikasjonskrava for tilsetting som kyrkjelydsprest er å finne i "Forskrift om tilsetting av menighetsprest".
-Søkjar må kunne samarbeide også liturgisk med kollegaer uavhengig av kjønn eller teologisk usemje.
-Ordinert søkjar som er statsborgar i anna EØS-land vert gjort oppmerksam på krav om attest som syner autorisasjon til presteteneste i Den norske kyrke, gjeve av Kyrkjerådet, krav om medlemskap i Den norske kyrkja, og krav om å beherske norsk språk, jf. Forskrift om tilsetting av menighetsprest §6.
-Søkjar må opplyse om han/ho meistrar begge målformer. Målforma er nynorsk

Personlege eigenskapar

Vi ynskjer oss ein prest som:

-har hjarte for både søndagskyrkja og kvardagskyrkja
-er ein trygg og allsidig liturg
-evner å knyte relasjonar og kommuniserer godt med menneske i ulike aldersgrupper
-har gode samarbeidsevner og evner å arbeide både sjølvstendig og i team
-ynskjer å ta aktivt del i kyrkjelyden sitt varierte arbeid     
-har god digital kompetanse og interesse for bruk av kyrkja sine digitale verktøy

Personlege eigenskaper vil verte vektlagt

Vi tilbyr

Vi tilbyr:
-Stillinga vert lønna etter hovedtariffavtalen for Den norske kyrkje, stillingskode 1555 sokneprest.
-Offentleg pensjonsordning i KLP.
-Godtgjeringar og tilskot etter dei vilkår som til ei kvar tid er fastsett. 
-Vi legg vekt på å tilby gode vilkår for kompetanseutvikling, arbeidsvegleiing (ABV) og andre former for vegleiing.
-Eit godt samarbeid mellom tilsette i prostiet. Prestane møtes regelmessig til kollega- og fagsamlingar.
 
 
Anna:
-For å bli tilsett må ein ha førarkort klasse B, og kunne disponera eigen bil i arbeidet.
-Den som får tilbod om stillinga må leggje fram politiattest, jf. Lov om tros- og livssynssamfunn §20.
-Det er innført prøvetid på 6 månader for alle faste tilsette.
Møre bispedøme skal vere ein arbeidsplass med rom og respekt for mangfald, uavhengig av etnisitet, alder, kjønnsidentitet, funksjonsevne eller legning. Vi oppfordrar alle kvalifiserte søkjarar til å søkje.
 

Kontaktinformasjon

Ingeborg Matre, Prost Søre Sunnmøre prosti, 94806965, IM557@kyrkja.no

Arbeidsstad

Kyrkjegata 55
6153 Ørsta

Nøkkelinformasjon:

Arbeidsgivar: Den norske kirke

Referansenr.: 5168426506
Stillingsprosent: 100%
Fast
Søknadsfrist: 20.09.2026