Tilkallingsvikar i språkfag, hovudsakleg engelsk og tysk

Fusa Vidaregåande skule tilbyr: Studiespesialisering og 4 yrkesfaglege utdanningsprogram; helse- og oppvekstfag, teknikk og industriell produksjon, naturbruk og restaurant- og matfag. I tillegg har vi tilbod innan YSK, nettbasert vaksenopplæring for påbygg og HTH/HTA. Skulen har om lag 300 elevar og 50 tilsette som kvar dag arbeider mot visjonen om å vere modige- opne og kompetente. Tett samarbeid med næringslivet er ein sentral del av skulen sitt arbeid for ei relevant opplæring. Sjå skulen si heimeside https://www.fusa.vgs.no og skulen sin film https://youtu.be/37e8hMyhHnA


Skulens elevsyn: Fusa vidaregåande skule legg stor vekt på trivsel og eit godt læringsmiljø. Skulen vil møta eleven med respekt, fleksibilitet og ei positiv innstilling. Ut i frå ulike føresetnader vil vi bidra til at kvar elev vert ein god medborgar, og får tileigna seg relevant fagkunnskap.

Arbeidsoppgåver

Me har behov for tilkallingsvikar i fleire fag ut skuleåret. Trongen for vikar er varierande og kan omfatta undervising i faga engelsk og tysk, og i noko omfang også norsk og nokre av samfunnsfaga.

Me søkjer etter ein lærar med god fagleg og pedagogisk kompetanse som set eleven i sentrum og har evne og lyst til å skape gode læringsarenaer for ungdommane våre

Me forventar vidare at den som vert tilsett deltek i utviklingsarbeid i faggruppa og arbeider for ei heilskapleg skuleutvikling.

Kvalifikasjonar

God munnleg og skriftleg framstillingsevne i norsk og engelsk.

God digital kompetanse.

Til alle undervisningsstillingar er det krav om undervisningskompetanse, minst 240 studiepoeng, inkludert relevant fagleg  (i denne stillinga: 60 studiepoeng i engelsk og helst  også 60 studiepoeng eitt anna språk-/ eller samfunnsfag) og pedagogisk kompetanse (PPU), jmfr Opplæringslova.

I tillegg til relevant fagleg og pedagogisk kompetanse ynskjer me tilsette med god fagdidaktisk kompetanse.

Personlege eigenskapar

Du kjenner deg igjen i verdiane våre som er open, kompetent og modig.

Du er ein trygg og tydeleg klasseleiar med evne til å skapa gode relasjonar til elevane

Du arbeider sjølvstendig og nøyaktig, men deltek aktivt i eit profesjonsfellesskap

Du har gode evner til samarbeid, og kommuniserer godt både med elevar, tilsette og føresette

Du samarbeider godt med eksterne fagmiljø for å utvikla gode undervisingstilbod og synleggjera skulen

Du er løysingsorientert og har evne til omstilling

Du er utviklingsorientert og tek medansvar for å utvikla faggruppa

Du har ei pedagogisk forståing i tråd med skulen sitt elevsyn

Vi tilbyr

Hos oss får du:

Eit aktivt og stimulerande profesjonsfellesskap

Nært samarbeid med kollegaer

God delingskultur og positiv innstilling

Ein arbeidsplass som ligg i rolege og fine omgjevnader

Løn og lønsutvikling i tråd med Vestland fylkeskommune sin lønspolitikk

Gode offentlege forsikrings- og pensjonsordningar

Kontaktinformasjon

Gunnar Ljones Dolve, avdelingsleiar, 91615814

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 5045941264
Stillingsprosent: 0%
Vikar
Startdato: 08.12.2025
Sluttdato: 31.07.2026
Søknadsfrist: 04.12.2025