Overlegevikariat pediatri

Velkomen til oss ved Barne- og ungdomsklinikken i Stavanger! Vi har ledig eit langtids-overlegevikariat frå januar 2026. 

Kven er vi?

Vi behandlar born i alle aldersgrupper, 0-18 år. Avdelinga er inndelt i nyføddintensiv, sengepost for born og unge samt poliklinikk. Barnepopulasjonen er på ca 86.000 born, SUS har ca 4500 fødslar/år, BUK har ca 2500 innleggingar/år og poliklinikken har ca 18.000 konsultasjonar/år.

Vi har 42,5 legestillingar korav 19,5 er overlegestillingar tilknytta born/ungdom. Overlegane er fordelt i fleire faggrupper med fagansvarlege overlegar i alle pediatriske fagfelt. Vi har utdanningsansvarleg overlege, eit CL-team med psykologar og eit tverrfagleg barnepalliativt team. BUK underviser medisinstudentar frå Universitetet i Bergen og medisinstudentar tilknytta Vestlandslegen. 

Pga. forskingspermisjon er det ledig eit overlegevikariat tilknytta gastroseksjonen frå januar 2026 til september 2028. 

Gastroseksjonen har ein IBD-dagpost, og ein samarbeidar tett med gastroenterologisk avdeling spesielt rundt ungdomspopulasjonen med IBD. Legane tilknytta gastroteamet jobbar i tverrfaglege spiseteam. Ved BUK er det etablert eit kvalitetsregister for funksjonelle mage- og tarmsjukdomar hos born, og det pågår eit spanande prosjekt for utvikling av digital poliklinikk med bruk av Checkware spørjeskjema. Innsamling av data pågår, og det vil vera moglegheit for vidare prosjektarbeid og forsking knytta til dette nybrottsarbeidet

 Kva tilbyr vi?

Hos oss inngår du i eit triveleg arbeidsmiljø med spanande faglege utfordringar og eit stort spenn av ulike tilstandar og diagnosar. Du blir del av eit hyggeleg kollegium med sosiale treff. Kursdeltaking blir gjennomført i henhold til tariffavtale (inntil 10 dagar per år), og vi oppfordrar legane til å delta i nasjonale barnelegemøte, interessegrupper o.l.  Det er ønskeleg at alle overlegar tar veiledningskurs og dette blir tilbydd om ein ikkje har det frå før.

Stavanger er ein triveleg by med alt ein kan ønska seg av uteliv, kultur og shopping, og der er mange flotte friluftsområde i og like utanfor byen, anten ein likar seg på vatnet eller i fjellet.

Praktiske forhold:   

Det er no ledig eit overlegevikariat frå 01.01.26 til 30.09.2028. Det kan bli moglegheit for forlenging. Ved intern tilsetjing kan det bli ledige vikariat. 

Den som får tilbod om tilsetjing må legga fram tilfredsstillande politiattest (vandel), jfr Lov om helsepersonell § 20a.

Attester, referansar og eventuell annan relevant dokumentasjon må vedleggast søknaden. Ta kontakt med avdelingsoverlege om du har spørsmål! 

Arbeidsoppgåver

• Arbeidsoppgåver vil omfatta arbeid ved poliklinikk, dagpost og sengepost. Vaktarbeid i p.t. 12-delt sjikt (bakvakt). 
• Legen deltar i avdelinga sitt undervisningsprogram, i supervisjon og rettleiing av legar i spesialisering, i studentundervisning samt i faggruppe gastro.
  

Kvalifikasjonar

• Vi søker primært etter spesialist i pediatri. LIS med kort tid igjen til spesialitet kan også vurderast for stillinga. Resterande tenestetid og etterspurt kompetanse må i så fall oppgjevast i søknaden.
• Søkar bør ha interesse for/kompetanse i pediatrisk gastroenterologi, i tillegg til generell pediatrisk erfaring. 
• Søkar må ha norsk autorisasjon.
• Søkar må beherska norsk skriftleg og munnleg svært godt. Søkarar med anna morsmål enn norsk, svensk eller dansk, og som ikkje har fullført norskspråkleg vidaregåande skule, må min. ha bestått Bergenstesten eller annan norsktest på B2-nivå. Dokumentasjon må vedleggast søknaden. Ved tilsetjing av allereie fast tilsett i foretaket kan ein unntaksvis, i særlege tilfelle, fråvika kravet om bestått norsktest på B2-nivå.
• Det vil bli krevd politiattest av den som blir tilsett, jfr. Helsepersonelloven §20a.
  

Personlege eigenskapar

• Fagleg engasjement og god vurderingsevne.
• Gode kommunikasjons- og samarbeidsevner med kolleger og pasienter. 
• Evne til å arbeida strukturert, effektivt og målretta.
• Evne til både å jobba sjølvstendig og tverrfagleg i team.
• Søkar må vera ansvarsbevisst, fleksibel og løysingsorientert. 
• Evne til å prioritera, vera tydeleg og ta avgjerder.
• Evne til å bidra positivt i arbeidsmiljøet, både fagleg og kollegialt
  

Vi tilbyr

• Triveleg arbeidsmiljø og høgt fagleg nivå.
• Lønn i samsvar med gjeldande overenskomst.
• God pensjons- og forsikringsordning.
• Ein arbeidsplass som er ei inkluderende arbeidsliv(IA)-bedrift.
• Gode velferdsordningar som turgruppe og bedriftidrettslag.

Vi oppfordrer alle søkere til å benytte Vitnemålsportalen for å laste opp verifiserte vitnemål og karakterutskrifter, der det er mulig. Har du utdanning fra utlandet, legg ved godkjenning fra Direktoratet for høyere utdanning og kompetanse.

Mangfoldserklæring
Foretaksgruppen i Helse Vest ønsker å gjenspeile mangfoldet i befolkningen i vår rekruttering. Vi oppfordrer alle som er kvalifiserte til å søke ledige stillinger uansett kjønn, alder, funksjonshemming og flerkulturell bakgrunn. Det samme gjelder dersom man har hatt et lengre opphold fra arbeidslivet. Foretaksgruppen Helse Vest ønsker å legge til rette for et inkluderende rekruttering.

Kontaktinformasjon

Ann Marit Gilje, Avdelingsoverlege, +47 90189384

Arbeidssted

Gerd Ragna Bloch Thorsens gate
4019 Stavanger

Nøkkelinformasjon:

Arbeidsgiver: Helse Stavanger HF

Referansenr.: 5019531417
Stillingsprosent: 100%
Vikariat
Startdato: 01.01.2026
Sluttdato: 30.09.2028
Søknadsfrist: 05.10.2025