Hopp til innhold

Familierettleiar / tiltakskonsulent

Arbeidsgiver

Sogndal kommune Sogn barnevern

Sted

Dalavegen 2, 6856 Sogndal

Om jobben

Type ansettelse
Fast, heltid 100%
Antall stillinger
2
Arbeidsspråk
Norsk

Søk på jobben

Søk senest mandag 7. desember

Vil du jobbe tett på barn og familiar og bidra til endring?

Sogn barnevernsteneste søkjer to familierettleiarar/tiltakskonsulentar. Me har ledig éi fast stilling og eitt vikariat på eitt år, begge i 100 %.

Hos oss får du arbeide med barn, unge og familiar, følgje opp tiltak og samarbeide med familiane og nettverket rundt dei. Du blir ein del av eit team på inntil sju personar med eigen teamleiar.

Du kan velje om du vil ha base i Lærdal eller Sogndal. Reiseverksemd må påreknast.

Om Sogn barnevernsteneste
Frå 1. januar 2027 blir det etablert ei felles barnevernsteneste for kommunane Aurland, Luster, Lærdal, Sogndal, Vik og Årdal. Sogndal kommune er vertskommune for den nye tenesta, som vil ha kontorlokasjonar på begge sider av Sognefjorden.

Me skal byggje eit større fagmiljø, styrkje samarbeidet på tvers av kommunar og tenester og sikre likeverdige og gode tenester til barn og familiar. Som familierettleiar/tiltakskonsulent får du vere med på å forme korleis me skal arbeide, samarbeide og utvikle tenesta.

Arbeidsoppgåver
Du skal følgje opp barn, unge og familiar i tråd med barnevernslova.

Arbeidet omfattar:

  • Sakshandsaming etter barnevernslova.
  • Endringsfokuserte og utviklingsstøttande tiltak.
  • Praktisk bistand og oppfølging.
  • Samtalar med barn og ungdom.
  • Kartleggingar.
  • Samarbeid med barnet, familien, det private nettverket og offentlege instansar.
  • Arbeid med å styrkje nettverket rundt barnet og familien.
  • Deltaking i møte som gjeld barnet og dei føresette.

Lista er ikkje uttømmande.

Kvalifikasjonar
  • Bachelor innan sosialfag.
  • Gode munnlege og skriftlege kommunikasjonsevner på norsk.
  • Førarkort klasse B, også avgrensa til automatgir.

Me ser etter deg som har:

  • Erfaring frå kommunalt eller statleg barnevernsarbeid, tilgrensande tenester eller tiltaksarbeid.
  • Kompetanse innan rettleiing og foreldrestøttande program.
  • Kompetanse innan familieterapi.
  • Kompetanse i nettverksorienterte tilnærmingar.
  • Kompetanse i samtalar med barn.
  • Minoritetskompetanse.
  • Relasjonskompetanse.
  • Erfaring med konflikthandtering.
  • Digital kompetanse og ferdigheiter i digitale fagprogram.

Kven er du?
Du er tydeleg og strukturert, og du evnar å skape gode relasjonar til barn, familiar og samarbeidspartnarar. Du ser verdien av å samarbeide og styrkje nettverket rundt familiane.

Me ser etter deg som:

  • Er fagleg engasjert, analytisk og utviklingsorientert.
  • Arbeider sjølvstendig, tek ansvar og finn løysingar.
  • Er lojal og fleksibel.
  • Samarbeider godt i team og bidreg til eit positivt arbeidsmiljø.
  • Er oppteken av tverrfagleg samarbeid.

Me legg stor vekt på personlege eigenskapar.

Me tilbyr
  • Ei meiningsfull rolle der du får bidra til endring i kvardagen til barn og familiar.
  • Moglegheit til å vere med på å byggje opp ei ny interkommunal barnevernsteneste.
  • Eit inkluderande, engasjert og utviklingsorientert arbeidsmiljø.
  • Eit team med eigen teamleiar og samarbeid med eit større fagmiljø.
  • Gode moglegheiter for fagleg utvikling og samarbeid på tvers av kommunar og tenester.
  • Månadleg rettleiing etter ein strukturert plan.
  • Løn etter gjeldande avtaleverk.
  • Gode pensjons- og forsikringsordningar.

Arbeidstida er hovudsakleg på dagtid, med høve til fleksibilitet ut frå oppgåver og behov. Du må pårekne noko arbeid på kveld og i helg.

Mangfald og tilrettelegging
Me ønskjer eit arbeidsmiljø prega av mangfald, og at dei tilsette skal spegle folkesetnaden elles. Me oppmodar alle kvalifiserte til å søkje, uavhengig av alder, funksjonsevne, kjønn eller minoritetsbakgrunn.

Administrasjonsmålet i kommunen er nynorsk. Alle nytilsetjingar blir gjorde med ei prøvetid på seks månader.

Me gjer merksam på at opplysningar om søkjaren kan bli offentleggjorde etter offentleglova § 25 andre ledd, sjølv om du har bede om å bli unnateken den offentlege søkjarlista. Dersom du ber om unntak, må du grunngje dette i søknaden. Du blir varsla dersom ønsket om unntak ikkje blir teke til følgje.

Send søknaden med CV innan søknadsfristen via rekrutteringssystemet EasyCruit.


Link til søknadsskjema: Søk her

Kontaktperson for stillingen

Elin Pettersen

99286156

elin.pettersen@sogndal.kommune.no

Om bedriften

Velkommen til fagre Sogn! Staden der du kan kombinere ei spanande karriere med eit liv i frisk luft og fantastiske omgjevnadar. Sjekk ut sogn.no for fleire grunnar til å kome til Sogndal og Sogn. Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er me vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1300 medarbeidarar. Kvar dag leverer me gode tenester i tråd med innbyggjarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon. Tilgjengelegheitserklæring: https://uustatus.no/nn/erklaringer/publisert/187f2156-519b-4500-aa98-4e70dee1f837

Sektor

Offentlig

Del annonsen

Annonsedata

Rapporter annonse
Stillingsnummer

001ce9e4-824f-46b6-be1b-987bef78d9fe

Sist endret

16. november 2026

Hentet fra

visma-easycruit

Referanse

3679395_198529_nn

Lignende annonser

Laster lignende annonser