I Vest politidistrikt, for tida ved Felles eining for etterretning og etterforsking(FEE) seksjon for etterforsking av drap, vald og seksuallovbrot er det ledig stilling som politioverbetjent spesialist med funksjon som politifagleg etterforskingsleiar PEL (stillingskode 0287). Stillinga er mellombels, og har ein varigheit på 1 år frå 1.1.2025.

Stillinga er underlagd avsnitt for etterforsking av grove seksuallovbrot.

Seksjon for etterforsking av drap, vald og seksuallovbrot består av to avsnitt; avsnitt for etterforsking av drap og grov vald mot barn og avsnitt for etterforsking av grove seksuallovbrot. Seksjonen har som hovudfunksjon å leia dei grovaste vald og seksuallovbrots-sakene i Vest politidistrikt.

Stillinga som PEL kombinert med etterretningsfunksjon/førebyggjande funksjon inneber saksansvar og politifagleg etterforskingsleiing i saker som omhandlar grove seksuallovbrot, koordinering og leiing av NCMEC/Cypertip vuderingsgruppe og leiing av tiltaksgruppe innanfor seksuelle overgrep.

Arbeidsoppgåver

Etterforsking i saker som er nevnt i lokal straffesaksinstruks- pkt. 2-2; grove seksuallovbrot
Saksansvar og politifagleg etterforskingsleiing i tildelte saker
Prioritere etterforskingsskritt saman med påtaleansvarleg i tråd med hypoteser og bevistema, og utarbeida etterforskingsplan
Benytte Indicia som arbeidsverktøy i saker og i vurderingsgruppe/tiltaksgruppe
Styre etterforskinga og vurderingsgruppa gjennom prosjektmodul i Indicia, og se til at den blir utnytta effektivt
Medverka til god kvalitet og resultatoppnåelse i eigne saker
Medverka til at relevant spesialkompetanse blir kopla på etterforskinga ved behov
Utnytte tildelte ressursar i teamet effektivt
Yta fagleg rettleiing og medverka til systematisk erfaringslæring innan fagområde
Politifagleg etterforskingsleiar inngår i helgeturnus ved Felles straffesaksinntak
Andre oppgåver pålagt av overordna

Kvalifikasjonar

Nødvendig

Krav om politiskule/politihøgskule
Tilfredstille kompetansekrava for pb3 og ha arbeida innan relevant fagfelt i minimum 5 år. Ved anna relevant bachelor-eller mastergrad kan heile eller delar av kompetansekravet fråvikast.
Erfaring med etterforsking av seksuelle overgrep mot barn
Erfaring med etterforsking av seksuelle overgrep mot barn på Internett
God munnleg og skriftleg framstillingsevne
Du må ha plettfri vandel og vere skikka for teneste i politiet og politiattest (uttømmande og utvida) må innhentas ved ev. tilsetjing jfr. politiloven § 18 og politiregisterloven § 41

Ønskeleg

Erfaring med straffesaker som inneheld direkteoverførte bestillingsovergrep (DOBO) og Strl. § 311 er ein fordel
Kjennskap til og/eller erfaring med gjennomgang av digitale spor er ein fordel
Kjennskap til og/eller erfaring med tilrettelagde avhøyr er ein fordel
Kjennskap til og/eller erfaring med skjulte etterforskingsmetodar er ein fordel

Personlege eigenskapar

Gode leiareigenskapar med evne til å motivere medarbeidarane, setje retning, drive endring og bidra til god verksemdsutvikling
Evne å ta avgjerder og gjennomføre oppgaver under høgt arbeids- og tidspress
Gode evner til samarbeid, leiing av etterforsking, kommunikasjon og relasjonsbyggjing
Evne til å arbeide systematisk
Vere ein aktiv deltager i å skape eit godt samarbeidsklima
Samfunnsorientert med evne til å tenkje heilskap og forstå eininga si rolle i samfunnsoppdraget til politiet

Som medarbeidar i politiet har du høgt etisk medvit, du blir kjenneteikna av å vera modig og heilskapsorientert, du viser respekt og er tett på. Du kan lesa meir om dei etiske retningslinjene våre og medarbeidarplattform her: https://www.politiet.no/om-politiet/jobb-i-politiet/medarbeiderplattform/

Vi tilbyr

Ein utfordrande og spanande arbeidsplass for deg som vil vera med på å forma framtidas politi
Eit arbeidsmiljø med engasjerte og dyktige kollegaer
Stillinga som politioverbetjent med funksjon som politifagleg etterforskingsleiar (stillingskode 0287) vert for tida lønna frå ltr 75 / 759 100,- brutto per år. Vidare lønnsutvikling vil skje gjennom lokale lønnsforhandlingar, jfr. hovudtariffavtalane i staten
Medlemskap i Statens pensjonskasse, med blant anna gode pensjons- og forsikringsordningar (www.spk.no)
Bedrifthelseteneste

Generelt

Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla minst inn éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lesa meir på arbeidsgivarportalen https://arbeidsgiver.difi.no/positivsaerbehandling.

Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Saksnr: 24/271616

Kontaktinformasjon

Kristine Lindebjerg Eikemo, Avsnittsleiar, 41434506
Tore Salvesen , Seksjonsleiar, 55556300
Seksjon for HR, Spørsmål om elektronisk søknad/CV, 207.hr@politiet.no

Arbeidssted

Allehelgens gate 4
5016 Bergen

Nøkkelinformasjon:

Arbeidsgiver: Vest politidistrikt

Referansenr.: 4880050990
Stillingsprosent: 100%
Vikar
Startdato: 01.01.2025
Sluttdato: 01.01.2026
Søknadsfrist: 16.12.2024

Rapporter annonse