Senioringeniør (100% vikariat)
Universitetet i Bergen
Årstadveien 19, 5009 Bergen
Om jobben
Stillingstittel
Senioringeniør (100% vikariat)
Type ansettelse
Vikariat, heltid 100%
Arbeidsspråk
Norsk eller engelsk
Antall stillinger
1
Søk på jobben
Søk senest mandag 14. oktober
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Senioringeniør
Ved Det medisinske fakultet, Institutt for klinisk odontologi, er det ledig eit vikariat i 100% stilling som senioringeniør med tiltreding snarast mogleg og for eit år. Stillinga er knytt til forskingslaboratoria ved instituttet og Centre for Translational Oral research (TOR).
Laboratorieverksemda omfattar mellom anna metodar innan kunstig vevsbygging og forsking innan nano/biomaterialer og relevante metodar som kan nyttast i klinisk odontologisk forsking. Instrumentparken består av instrument og fasilitetar for cellekulturar, vevsdyrking, utstyr for material karakterisering, inkludert mikrocomputertomografi (mikro CT). Preparering av prøver frå mjuk- og hardvev er aktuelle metodar. Ulike formar for mikroskopi er mykje nytta. Analyser av organiske og uorganiske emne er aktuelt. Laboratoriet vert nytta av forskarar, stipendiatar, studentar og til kliniske forskingsprosjekt som treng ulike laboratoriemetodar.
Arbeidsoppgåver:
Stillinga omfattar høgt kvalifisert fagleg arbeid.
- Mikrocomputertomografi (micro CT)
- Snitting av hardvev og blautvev, udekalsinert
- Diverse immunhistokjemiske metodar
- Histologi for lys-, fluorescence- og elektron mikroskopi
- Dyreforsøk
- Arbeid med cellekulturar
- Forskjellige biologiske analysemetodar, PCR/RT-PCR, protein analyser
- Oppgradering og tilrettelegging av protokollar og prosedyrar
- Koordinering og opplæring av brukarar av laboratorieutstyr og teknikkar (dette omfattar personar og studentar på alle nivå)
Den som vert tilsett må også delta i oppgåver knytt til den daglege drifta av forskingslaboratoriet
Det kan verte aktuelt å leggje andre oppgåver til stillinga.
Kvalifikasjonar og eigenskapar:
- Søkjarar må ha minimum mastergrad innanfor eit relevant fagområde.
- Søkjarar må i tillegg ha god IT-kompetanse.
- Søkjarar må beherske ein stor del av metodane som vert nytta i stillinga og elles ha dei nødvendige tekniske ferdigheitene for å skaffe seg full teoretisk og teknisk forståing av nye metodar. Søkjarar må ikkje vere allergisk mot forsøksdyr eller kjemikal som vert handtert med vanlege sikringstiltak. Søkjarar må ha kunnskap om handtering av relevante forsøksdyr (smågnagarar).
- Kjennskap til og røynsle frå universitetssystemet og offentleg forvaltning er ein føremon.
- Relevant praksis er eit krav.
- Gode språkkunnskapar og god evne til å kommunisere munnleg og skriftleg på norsk og engelsk er eit krav.
Vi søkjer en person som:
- Har gode kommunikasjons- og samarbeidsevner
Har digital kompetanse og evne til å tileigne seg nye ferdigheiter
Ved vurdering av søkjaren vil vi leggje stor vekt på dei personlege eigenskapane som er naudsynte for stillinga.
Vi tilbyr:
- Spanande og utviklande arbeidsoppgåver i eit sterkt fagmiljø.
- Løn er for tida kr 657 300 – 692 400 (kode 1181, lønssteg 67-70, med mastergrad). Løn er for tida kr 657 300 – 720 100 (kode 1181, lønssteg 67-72, med doktorgrad/ph.d.). Løn er brutto pr. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn.
- Medlemsskap i Statens pensjonskasse
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til: professor Kamal Mustafa: kamal.mustafa@uib.no / 5558 6097, eller administrasjonssjef Ove Kristian Bakkevig: ove.bakkevig@uib.no / 5558 6688.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.
Kontaktperson for stillingen
Om bedriften
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det medisinske fakultet består av fem institutt og åtte senter. Les meir om fakultet og tilhøyrande institutt.
Sektor
Offentlig
Del annonsen
Annonsedata
Rapporter annonse- Stillingsnummer
2759948
- Sist endret
4. oktober 2024
- Hentet fra
jobbnorge
- Referanse
10225121