Sjukepleiar
Kirurgisk sengepost Volda, Helse Møre og Romsdal HF
Kløvertunvegen 1, 6100 Volda
Om jobben
Stillingstittel
Sjukepleiar
Oppstart
1. april 2024
Type ansettelse
Vikariat
Antall stillinger
3
Kirurgisk og ortopedisk sengepost er ein spennande arbeidsplass med eit solid fagmiljø, hyggelege og engasjerte kollegaer og med tydleg fokus på best mogleg pasientbehandling. Vi har i hovudsak kirurgiske-, ortopediske-, men også gynekologiske pasientar.
Vi samarbeider for at pasientane skal få ei god oppleving av opphaldet på sjukehuset. Det er ein arbeidsplass med høgt tempo, mange varierte og spennande utfordringar for rett person. Sengeposten har mange ulike diagnosetyper og er ein fin arbeidsplass som gir breidde i erfaringar for deg som sjukepleiar. Vi har fleire prosjekt med fokus på pasientsikkerheit, simulering og pasientflyt.
Vi har ledig:
- 2 vikariat 100% stilling frå 01.06.2024-31.08.2025
- 1 Vikariat 100% stilling frå 01.04.2025-31.12.2025
Andre stillingsprosentar kan bli ledige som følgje av interne rokkeringar.
Du finn Volda midt i det beste Noreg kan by på av fjell og fjord. Her kan du oppleve dei ville og vakre sunnmørsalpane med alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Her er også eit særs blomstrande kultur- og idrettsliv og eit attraktivt studiemiljø ved Høgskulen i Volda. Det er gode kommunikasjonar med flysamband til Oslo og Bergen frå Ørsta/Volda lufthamn. Sjå meir om Volda her: https://www.youtube.com/watch?v=FHDuVf1TpYY og her: https://www.youtube.com/watch?v=NGSg6xygovY
Vitnemål, attestar og tenestebevis må lastast opp som vedlegg til søknad/CV.
Arbeidsoppgåver
- 3-delt turnus inkludert nattevakter
- Arbeid gjennomsnittleg kvar 3. helg
- Pre- og postoperativ sjukepleie til planlagde og akutte operasjonar
- Planlegge og utføre ulike sjukepleieprosedyrer
- Sjukepleie til akutt og kronisk sjuke
- Sjukepleie til palliative pasientar
- Samhandling med kommunane
Kvalifikasjonar
- Norsk autorisasjon som sjukepleiar
- Må meistre norsk skriftleg og munnleg
Personlege eigenskapar
- Ansvarsbevisst
- Personlege eigenskapar og fagleg engasjement vert vektlagt
- Må trivast med høg aktivitet i arbeidet
- Vilje og evne til samarbeid med ulike yrkesgrupper
- Medverke til å oppretthalde eit godt psykososialt arbeidsmiljø
Vi tilbyr
- Sterkt tverrfagleg samarbeid
- Ein inkluderande arbeidsplass
- Løn etter gjeldande overeinskomstar
- Medlemskap i god offentleg pensjonsordning og fordelaktige forsikringsvilkår
Kontaktinformasjon
Aina Torine Rangsæter, Seksjonsleiar, +47 70058389Arbeidssted
Kløvertunvegen 16100 Volda
Nøkkelinformasjon:
Arbeidsgiver: Helse Møre og Romsdal HFReferansenr.: 4784265473
Stillingsprosent: 100%
Vikariat
Startdato: 01.04.2024
Sluttdato: 31.12.2024
Søknadsfrist: 16.04.2024
Om bedriften
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal
Sektor
Offentlig
Nettsted
Annonsedata
Rapporter annonse- Stillingsnummer
2593206
- Sist endret
17. april 2024
- Hentet fra
talentech
- Referanse
9a878f7e0cb940c7bd987c533bfac814