Bygningsrådgjevar/-handverkar
Om stillinga
Setesdal har unike byggjetradisjonar, og det er ei viktig oppgåve å ivaretake bygningsarven gjennom restaurering, dokumentasjon, innhenting og formidling av handboren kunnskap.
Setesdals bygningsvernsenter har i dag to tilsette med handverkar- og rådgjevingskompetanse
Vi ynskjer ein bygningsrådgjevar med praktisk og teoretisk kompetanse og erfaring.
Du skal samarbeide og vere rådgjevar når det gjeld både eigarar av antikvariske bygningar og forvaltninga.
Ønskte kvalifikasjonar
Det er ulik kompetanse og fagbakgrunn som kan vere av interesse for denne stillinga. Fagbrev eller meir er ynskjeleg men relevant praktisk arbeidserfaring i tillegg er av interesse for oss.
Utdanning innan bygningsvern, kulturminneforvaltning, arkitektur, eller anna kompetanse knytt til historisk trebebyggelse
Gode datakunnskapar
Førarkort bil m/tilhengar (BE) og traktor (T)
Evne til å arbeide sjølvstendig og effektivt
Personlege eigenskapar vert lagde vekt på
Hovudoppgåver
- Ivareta rådgjeving i høve private eigarar
- Skrive utredningar, rapportar og søknadar for bygningsvernsenteret
- Samarbeid med ressurspersonar og andre institusjonar innan fagfeltet
- Bidra til å utvikle bygningsvernsenteret som senter for rådgjeving og kompetanseheving
- Praktisk restaureringsarbeid på verneverdige og freda bygningar
- Vere med på å ivareta AAma sitt heilskaplege arbeid med bygningsvern
Vi kan tilby
- Varierte og utfordrande oppgåver med sjølvstendig ansvar
- Arbeidsfellesskap med mye kompetanse
- Moglegheit for kurs og kompetanseheving
- Løn etter avtale
- God pensjonsordning gjennom KLP
Anna
Spørsmål om stillinga kan rettast til Anna Stella Karlsdottir tlf. 917 21 361 eller e-post: ask@setesdalsmuseet.no
Om bedriften
3-årig prosjektstilling som bygningsrådgjevar
Setesdalsmuseet vart stifta i 1938 som eit museum for dei tre øvste kommunane i Setesdal. Det er først og fremst eit kulturhistorisk museum. Til saman inviterer Setesdalsmuseet til besøk på 13 ulike arenaer; dei fleste berre sesongopne. Sjå www.setesdalsmuseet.no for meir informasjon.
Setesdalsmuseet er i dag ei avdeling av Aust-Agder museum og arkiv IKS.
Setesdalsmuseet sitt administrasjonsbygg ligg på Rysstad, og er utgangspunkt for alle aktivitetar oppover og nedover dalen. Ut over dette forvaltar museet ei stor gjenstandssamling, foto m.m., og det er etablert eit bygningsvernsenter i nær tilknyting til museet.