Ambulansearbeidar i standby-crew
Ambulansetenesta, Helse Førde
Svanehaugvegen 2, 6812 Førde
Om jobben
Stillingstittel
Ambulansearbeider i Sunnfjord
Oppstart
1. oktober 2024
Type ansettelse
Fast
Arbeidsspråk
Norsk
Antall stillinger
4
Ambulansetenesta søkjer etter personell til følgjande stillingar:
- 4 x 100 % fast stilling som ambulansearbeidar standby-crew Sunnfjord
Ambulansetenesta ligg organisert i avdeling for prehospitale tenester og AMK i kirurgisk klinikk som eigen seksjon. Tenesta har i dag 19 døgnambulansar, 8 dagambulansar i tillegg til 2 moderne ambulansebåtar som dekkjer kystlinja vår frå stasjon i Solund og Florø.
Tenesta har omlag 230 tilsette fordelt over stasjonane i Helse Førde sitt nedslagsfelt.
Tenesta har etablert ei ordning med overtallsbemanning / standby-crew i Sunnfjord med tilsette som skal gå i definert arbeidsplan med oppmøte og vaktslutt i Førde. Intensjonen er at funksjonen skal dekkje opp for uføresett fråvær primært for stasjonane i område 1, 2 og 4, men ev også i andre område innimellom. Vaktlengda er som ordinær døgnambulanse med vakt på vaktrom, ev vakter på dagbil med mellom 10-12 timar aktiv tid.
Formålet med ordninga å sikre større grad av føreseieleg drift. Ordninga er primært eit rekruttering- og stabiliseringstiltak for nyutdanna som kan få fast tilsettingsforhold i standby-crewet i ein periode og kanskje fram til ein søkjer seg over til anna stilling ved ein konkret stasjon.
Søkjar må vere budd på organisatoriske endringar som følgje av nye og endra oppgåver innan fagfeltet.
Arbeidsoppgåver
- Beredskap for, og utføring av ambulanseoppdrag
- Beredskapsretta arbeid, internt utviklingsarbeid og internundervisning
- Delta på undervisning og sertifisering / utsjekk i tråd med tenesta sin kompetanseplan
- Eigentrening og teamtrening
- Kontroll og vedlikehald av beredskapsutstyr og ambulansar
- Reinhald og klargjering av utstyr, uniformar og stasjon
- Interne arbeidsoppgåver på stasjonen og elles i avdelinga
- Utføre sitt arbeid i tråd med gjeldande lover, forskrifter, prosedyrer og internt reglement som gjeld for føretaket
Kvalifikasjonar
- Autorisasjon som ambulansearbeidar
- Førarkort kl. C1
- Utrykkingskompetanse K160 og må gjennomføre vedlikehaldstrening for utrykningsførar
- Tilfredstille medisinske krav til førarkort klasse D
- Delta og bestå trinn 2 kompetanse i Helse Førde etter tenesta sin kompetanseplan
- Grunnleggande IKT kunnskap
- Stor arbeidskapasitet
- God fysisk og psykisk helse. Søkjar må bestå fysisk test før tilsetting. Testen kan bli gjennomført i forkant eller i samband med intervju. Nærare informasjon om krava finn du på Helse Førde og ambulansetenesta si internettside.
- Geografisk kjennskap til lokalområdet er fordelaktig
- God norsk munnleg og skriftleg framstillingsevne
- Søkjarar utanfor Skandinavia må dokumentere kunnskap i norsk skriftleg og munnleg
- Politiattest krevst før tilsetting i stillinga etter lov om Helsepersonell § 20a.
Personlege eigenskapar
- Personlege eigenskapar vektleggast
- Imøtekomande, høfleg, positiv og serviceinnstilt
- Fleksibilitet med omsyn til intensjonen i ordninga og vakter på ulike stasjonar i området
- Pasientorientert med respekt for den einskilde pasient
- Gode samarbeids- og kommunikasjonsevner
- Evne til å jobbe sjølvstendig, men og vere ein god teamarbeidar/teamleiar for m.a. kunne ta leiing og jobbe effektivt i akuttmedisinske situasjonar
- Like å tidvis ha det hektisk og jobbe med høg aktivitet
- Pliktoppfyllande
- Bidra til eit godt arbeidsmiljø
Vi tilbyr
- Lønn i samsvar med gjeldande overeinskomst
- Gode pensjons- og forsikringsordningar
- Ein arbeidsplass som er ei inkluderande arbeidslivsbedrift (IA-bedrift)
- Triveleg arbeidsmiljø med høve til å påverke eigen arbeidsplass
- Fagleg og personleg utvikling
- Sterkt tverrfagleg samarbeid
- Kompetanseutvikling i form av fagstige
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet ). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Kontaktinformasjon
Leif Otto Halland, Ass. ambulansesjef, 415 30 504, leif.otto.halland@helse-forde.noArbeidsstad
Svanehaugvegen 26812 Førde
Nøkkelinformasjon:
Arbeidsgivar: Helse FørdeReferansenr.: 4839190583
Stillingsprosent: 100%
Fast
Startdato: 01.10.2024
Søknadsfrist: 31.08.2024
Om bedriften
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Sektor
Offentlig
Nettsted
Annonsedata
Rapporter annonse- Stillingsnummer
2718422
- Sist endret
1. september 2024
- Hentet fra
talentech
- Referanse
c013cadba59749dca857205cd185f6dd