Vitskapleg assistent ESS,        Institutt for politikk og forvaltning

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Vitskapleg assistent

Ved Institutt for politikk og forvaltning, Universitetet i Bergen, er det ledig ei stilling som vitskapleg assistent for ein periode på opptil 2 år.

Vitskapleg assistent er ei rekrutteringsstilling der hovudoppgåva er å vere ein støttespelar for den vitskaplege staben i deira undervisnings- og forskingsverksemd. Stillinga skal gi høve til innsikt i vitskapleg arbeid og metode. Samla tilsetjingstid kan ikkje overstige to år.

I denne stillinga skal du jobbe med den Europeiske samfunnsundersøkelsen – European Social Survey (ESS) saman med nasjonal koordinator for ESS i Noreg.

Stillinga er finansiert av NFR.

Arbeidsoppgåver er mellom anna:

• Dataanalyse og formidling av resultat,
• Bidra til omsetjing og kvalitetssikring av norske spørjeskjema,
• Bidra til organisering av ESS i Noreg,
• Delta i organisering av forskingsaktivitetar og arrangement, som konferansar, workshops og nettaktivitetetar,
• Aktivt bidra til det akademiske livet ved instituttet

Kvalifikasjonar og eigenskapar:

Kvalifikasjonar

• Mastergrad i statsvitskap eller tilsvarande 
• God kjennskap til statistiske metodar
• God språkkunnskap i engelsk og norsk, munnleg og skriftleg 
• God administrativ IT – kompetanse

Personlege eigenskapar

• Evne til å arbeide systematisk og resultatorientert 
• Gode samarbeids- og kommunikasjonsevner 

Vi kan tilby:

• Eit godt og fagleg utfordrande arbeidsmiljø
• Årsløn som vitskapleg assistent, stillingskode 1020, kr. 509 300, - (lønssteg 51) ved tilsetjing
• Medlemsskap i Statens pensjonskasse 
• Gode velferdsordningar

Søknaden skal innehalde:

Søknad med CV, vitnemål, karakterutskrift og attestar skal leggjast inn elektronisk i JobbNorge via lenke på denne sida "Søk på jobben".

Søknadsfrist: 4. november 2024. Søknaden må merkast: 2024/13420.

Aktuelle søkarar vil bli invitert til intervju.

Generell informasjon:

Utfyllande opplysningar om stillinga kan ein få ved å vende seg til: Sveinung Arnesen, sveinung.arnesen@uib.no. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.