Er du oppteken av å skape gode medarbeidaropplevingar?
TELEMARK BILRUTER AS
Industrivegen 1, 3840 Seljord
Om jobben
Stillingstittel
HR- og administrasjonsansvarleg
Type ansettelse
Fast
Antall stillinger
1
HR- og administrasjonsansvarleg Telemark Bilruter AS, Seljord
Telemark Bilruter AS er eit konsern med hovudkontor i Seljord kommune i Vest-Telemark. Verksemda er eit stort og viktig selskap for regionen, og har ambisjonar om vekst og berekraftig utvikling.Me søkjer deg som er driven engasjert i å profesjonalisere leiinga og HR-funksjonane i Telemark Bilruter. Du har brukarane i fokus, skaffar deg innsikt i deira behov og er ein tilretteleggjar som vil vere med på vår reise. Er det deg me ser etter?
Ansvar og arbeidsoppgåver:
- Totalansvar for HR-arbeidet i konsernet
- Personalsaker og lønnspolitikk
- Fraværsoppfølging
- Administrere tilsette sine forsikringar og pensjonsordningar
- Rekruttering og kompetanseutvikling, og bidra til kursing og opplæring av leiarar og tilsette
- Employer branding og omdømmebygging, byggje og vedlikehalde selskapets omdømme
- HMS oppfølging
- Organisasjonsutvikling og leiarstøtte
- Bistå i intern og ekstern kommunikasjon
- Bistå gjennom endringar og omstillingsprosessar
- ISO-oppfølging og resertifisering
Dine kvalifikasjonar og eigenskapar:
Me søkjer ein leiar som har god pedagogisk tilnærming, sterk digital kompetanse og gode kommunikasjonsevner.Du bør ha høgare utdanning, helst innan HR. Konsulent- eller relevant erfaring frå arbeid og prosess- og organisasjonsutvikling.
Du må ha ein strukturert og systematisk arbeidsmetode, og evne til å prioritere oppgåver.
Du bør kunne vise til gode resultat frå tidlegare relevant arbeid og vere flink med menneske.
Me tilbyr:
Dersom du ønskjer ein leiarstilling i Telemark, er dette ein god moglegheit. Her får du vere med i leiargruppa i eit stort selskap som har stor tyding for regionen. Selskapet er i vekst, har store ambisjonar om vidare utvikling, og eit tydeleg fokus på miljø og samfunnsansvar. Du vil bli ein del av leiargruppa i konsernet og jobbe saman med ein dyktig stab som er stolte av arbeidsplassen sin og som gjer sitt beste for at TBR skal vere kundane sitt førsteval.For meir informasjon om stillinga, kan du kontakte ein av våre rådgjevarar i Skagerak Consulting: Geir Nordvold telefonnummer 938 28 100 eller Cathrine Svendsen, telefonnummer 926 06610.
For å unngå svindelforsøk, vil vi presisere at vi aldri ber om BankID-informasjon i søknadsprosessen.
Skagerak Consulting AS er ein unik, tverrfagleg rådgjevingsmiljø. Vi jobbar med å utvikle menneske og organisasjonar for å skape varige forbetringar og verdiar i offentlege og private verksemder. Vårt arbeid er basert på ein kombinasjon av dokumentert metodikk, praktisk erfaring og sunn fornuft.
Les meir om Skagerak Consulting AS her: www.skc.no
Om bedriften
Telemark Bilruter (TBR) er eit transportkonsern med sterk tradisjon, men samtidig ei framtidsretta bedrift som har tatt betydelege steg for utvikling dei siste åra.
Konsernet består no av åtte dotterselskap som er involvert i gods, buss, verkstad, eigedom og tenester. Med nærare 170 tilsette har konsernet stor aktivitet over store delar av Sør-Noreg.
Selskapet har nyleg flytta inn i heilt nye lokale i Seljord, der det er etablert ein ny verkstad for alle køyretøy og ein eigen gods-terminal.
Vi har også nyleg flytta inn i nye lokale på Rødmyr i Skien, der to av våre dotterselskap har hovudkontor. TBR legg stor vekt på å bli ein leiande og berekraftig aktør i ein transportbransje som er under stor utvikling. Vi vart derfor tidleg medlem av Grønt Landtransport Program (GLP), som bidrar til å hjelpe oss mot nullutslepp.
Selskapet har til saman 247 lasteinheiter i konsernet, med stort fokus på overgang til ein framtidsretta og grøn bilpark.
Sektor
Privat
Annonsedata
Rapporter annonse- Stillingsnummer
2513206
- Sist endret
20. mars 2024
- Hentet fra
recman
- Referanse
355926