Vi søkjer engasjert ergoterapeut som vil bidra til utvikling

Bjørnafjorden kommune Luranetunet bu -og behandlingssenter

Solstrandsvegen 39, 5200 Os

Stillingsannonsen er inaktiv.

Om jobben

Stillingstittel: Ergoterapeut
Type ansettelse: Fast, heltid 100%
Antall stillinger: 1

Vi har ledig 100 % stilling med arbeid i turnus for ein engasjert ergoterapeut som vil bidra til utvikling av tenestene ved Luranetunet bu- og behandlingsenter avd. Fjordheim.

Er dette deg?
Luranetunet bu- og behandlingssenter ser på ulike måtar å organisere arbeidet på for å sikre kvalitet i tenestene og ha rett kompetanse på rett plass. Vi treng deg som ønsker å være med å vidareutvikle denne måten å jobbe på og ser moglegheiter framfor begrensinger.

Som ergoterapeut i avdelinga vil du få eit særskilt og sjølvstendig ansvar for:

Kartlegge behov, bestille/søke om og tilpasse hjelpemiddel
Rettleie og vere ein ressursperson i høve til ergonomi
Fungere som forflytningskontakt på Fjordheim og bidra med kompetanse inn i nettverket for forflytningskontakter
Bidra med kompetanse ut over eiga avdeling, samt mynde til å instruere anna personell i situasjoner der ein ønsker ei vurdering av ergoterapeut.

Avdeling Fjordheim er ei avdeling med 20 bebuarar som har diagnosen demens. Dei bur i eigne omsorgsbustadar i 1. etg på Luranetunet med utgang til Sansehagen (ute) og Tropehagen.

Vi ser etter deg som:

har autorisasjon som ergoterapeut
har eit hjarte som bankar ekstra for eldreomsorg
ser kva for oppgåver som er viktige i arbeidet med å aktivisera og stimulera bebuarane for å få fram glede og trivsel i kvardagen
deler kompetansen din og har gode kommunikasjons- og samarbeidsevner.
er bevisst handlingane dine og set respekt, lojalitet og etikk høgt.
bidrar positivt til arbeidsmiljøet i avdelinga, og er villig til å bidra på andre avdelingar med kompetansen din når det trengst.

Det vil bli lagt vekt på dine personlege eigenskapar
Søkjarar må ha gode norske språkferdigheitar, både munnleg og skriftleg

Søknadane blir handsama fortløpande og det er kun aktuelle søkjarar som vil bli kontakta og kalla inn til intervju.

Arbeidsstad
Kun nokre minuttars køyring frå Bergen ligg Luranetunet Bu- og behandlingssenter. Senteret rommar 2 korttidsavdelingar og 7 langtidsavdelingar. Dei to korttidsavdelingane er rehabiliteringsavdeling og behandlingsavdeling med til saman 40 plassar. Her kjem det inn pasientar inn både frå heimen og sjukehuset for behandling og rehabilitering. På langtidsavdelingane har vi 2 buavdelingar, og 5 avdelingar tilpassa personar med demens sjukdom. Bebuarane våre er i ulike fasar av sjukdomen sin. Nokre er i god fysisk form, medan andre er i livets sluttfase. Vi ønskjer å bli kjent med personen bak sjukdommen, og har fokus på kommunikasjon og miljøarbeid. Saman med bebuaren, pårørande og andre helsetenester jobbar vi for å finne dei beste løysingane for kvar enkelt.

Luranetunet sin visjon er «Varme og vekst i samspel». Visjonen spring ut av den flotte, overbygde tropehagen på 1300 m2 i sentrum av Luranetunet. Her er det varmt og godt heile året, og aktivitet på både dag- og kveldstid.
Hagen er ein god plass å vere for bebuarar, pårørande og tilsette - og alt anna som veks og trivst når vi legg til rette for det. Ute har vi sansehage med lysthus, bærbuskar, tre og planter.
Varme og vekst står for den gode omsorga bebuarane våre skal oppleve, den personlege og fagleg utviklinga vi ønskjer for dei tilsette, og den varme velkomsten vi vil gi til pårørande og andre som kjem på besøk til oss.
Luranetunet er ein utdanningsinstitusjon med mange studentar, lærlingar og elevar i praksis og vi har eigne sjukeheimslegar i faste store stillingar.
Som helsepersonell må du vera førebudd på å arbeide utover eiga avdeling og bruka kompetansen din der behovet til ei kvar tid er størst.

Vil du lesa meir om Luranetunet bu- og behandlingssenter sjå vår heimeside:
Luranetunet bu- og behandlingssenter - Bjørnafjorden kommune (bjornafjorden.kommune.no)

Vi gjer merksam på at du må legge fram politiattest.

Vi kan tilby:

100 % stilling i eit aktivt miljø, med høgt tempo, fokus på fag og gode kollegaer
Per i dag har denne stillinga arbeid 4. kvar helg med langvakter. Dersom du ønsker å jobbe ordinære vakter vil du jobbe 3. kvar helg. DU kan koma med ønsker ift din turnus.
Vi har fokus på heiltidskultur og fleksible arbeidstidsordningar. Stillingane inneber arbeid på dag, kveld og helg, i to-delt turnus, turnus med langvaktar. I tillegg har vi eigne nattevaktslag med tilsette som berre jobbar nattevakter.
Som ny i avdelinga vil du få god oppfølging og rettleiing
Luranetunet har plan for internundervisning og det er moglegheit for relevant vidareutdanning.
God pensjonsordning, yrkesskade- og gruppelivsforsikring
Løn etter gjeldande avtalar

Etter utløpt søknadsfrist, vil det bli generert ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar kan bli offentlege sjølv om ein har kryssa av for å bli unnateke. Dersom anmodningen ikkje vert tatt til følgje vil søkjaren bli varsla om det.

Vi vil aldri be søkjar om å oppgi BANK-ID informasjon i søknadsprosessen.

Link til søknadsskjema: Søk her

Om bedriften

Bjørnafjorden kommune har i overkant av 26 000 innbyggarar og rundt 1800 kommunalt tilsette. Vi er ein nær og varm kommune, noko som gjenspeglar seg i misjonen vår “Det gode liv for alle”. Som arbeidstakar bidrar du med oppgåver som er viktig for innbyggarane våre og lokalsamfunnet vårt. Du betyr noko, og det du gjer betyr noko! Vi jobbar med fleire spennande prosjekt, og er alltid på utkikk etter engasjerte folk med hjartet på rette staden. Er det deg?

Sektor: Offentlig

Annonsedata

Rapporter annonse

Stillingsnummer: 2689317
Hentet fra: visma-easycruit
Referanse: 3372521_196063_nn