Fysioterapeut

Om stillinga

Me har ledig 100% mellombels stilling som fysioterapeut frå snarast, til utgangen av august, men stillinga kan bli forlenga.

Fysioterapiavdelinga har til vanleg to fysioterapeuter og ein turnuskandidat, som samarbeider om pasienter og oppgåvene som ligg til avdelinga. I samband med at ein av våre terapeutar har utdanningspermisjon, har me no ledig mellombels stilling. Mellombels fysioterapeut vil få hovudansvar for å tilby allmenn fysioterapi behandling og oppfølging av pasienter i ulike aldersgrupper, hovudsakleg vaksne.  Me held til i fine lokale i fjordsenteret på Onstad, som ligg like ved Aurlandsfjorden.

Fysioterapitenester er organisert i kommunalområde helse og omsorg,  og har tett samarbeid med legekontor,  ergoterapeut, kreftkoordinator, rus- og psykiatriteneste og folkehelsekoordinator med aktivitetsansvar. Fysioterapeutane har eigen fagleiar, og stabsleiar helse og omsorg er næraste personalleiar. 

Arbeids- og ansvarsområde

- utøve allmenn fysioterapi, i samsvar med kommunen sine gjeldande prioriteringar

- koordinering og tverrfagleg samarbeid

- rettleiing av pasient, samarbeidspartnarar og pårørande

- dokumentasjon og elektronisk sakshandsaming

Arbeidet vert mellom anna utført i lokala til avdelinga, i heimen til pasienten, og ved institusjon.

Me tilbyr

• ei utfordrande stilling med moglegheit for utvikling og fagleg påverknad 
• bli ein del av ein triveleg arbeidsplass der arbeidsmiljø står i sentrum 
• gode pensjons- og forsikringsordningar 
• løn etter tariff 
• tilbod om 6 års tilleggsansiennitet
• fleksitidsordning
• gratis inngang til treningsrom i Aurlandshallen 
• gratis inngang til symjehallen
• hjelp til å skaffe bustad 
• hjelp til å skaffe jobb til partnar 
• tenestebil (kan vere aktuelt å nytte eigen bil)

Sjå gjerne informasjonsbrosjyre om kommunen vår her.

. Video: https://www.youtube.com/watch?v=aFXLAnqaUbI

Kvalifikasjonar

- Bachelor i fysioterapi  med norsk autorisasjon 

Personlege eigenskapar

- er serviceinnstilt

- er fagleg dyktig

- arbeider sjølvstendig

- har god arbeidskapasitet

- samarbeider godt med andre, breitt og i team

- har behova til brukaren i fokus

- er ansvarsbevist, strukturert og lojal

Våre verdiar er:  L-Æ-R, som står for Likeverd, Ærlegdom og Respekt.  

Løns- og tilsetjingsvilkår

Tilsetting, løn og arbeidsvilkår er i samsvar med gjeldande lovverk, reglement og tariffavtale.

Etter helse og omsorgstenestelova § 5-4 må du levere godkjent politiattest før tilsetjing.

Generell informasjon om søknadsprosessen 

Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg. 

Kommunen sitt administrasjonsspråk er nynorsk. Du må kommunisere godt på norsk, både munnleg og skriftleg.  

Me ynskjer deg velkomen som søkar!