Rektor Firda vidaregåande skule

Er du ein leiar som tek vare på mangfaldet blant elevane, og vil utvikle profesjonsfellesskapet i skulen? Vil du setje retning og bidra med å utvikle ein framtidsretta vidaregåande skule i Vestland fylke?

Vestland fylkeskommune søkjer ein engasjert, utviklingsorientert og tydeleg rektor for Firda vidaregåande skule. Rektor må ha evne og vilje til å vidareutvikle skulen og kvaliteten i opplæringa. Vi har som ambisjon og målsetjing at alle elevar som tar til i vidaregåande skule skal fullføra, og at opplæringstilbodet heile tida vert forbetra.

Firda vidaregåande skule ligg i kommunesenteret Sandane, i Gloppen kommune. Skulen ligg sentralt i Nordfjord ved E39 og 10 km frå flyplass. Skulen har 312 elevplassar. I tillegg har skulen ca. 80 deltakarar i opplæringstilbod for vaksne. Firda vidaregåande skule samarbeider og med nettskulen i Vestland fylke om å tilby nettbaserte programfag. Det er ca. 65 tilsette ved skulen.  

Skulen sitt anlegg er svært godt tilpassa utdanningsprogramma våre: helsefagarbeidar- og tannhelsesekretærutdanning for vaksne, studiespesialiserande, idrett og musikk, dans, drama.  

Det er eit tett samarbeid mellom skulen og Gloppen kommune, både gjennom anlegg, kultur og arbeidsliv, eit samarbeid som vi ynskjer å styrkje og vidareutvikle. Naturen i området byr på unike kvalitetar og mange moglegheiter for eit aktivt liv både på bre, fjell og fjord.  

Det er forventa at rektor er ein aktiv bidragsytar og vil medverke til å oppfylle samfunnsoppdraget: vi set retning, engasjerer og samhandlar for å utvikle gode tenester og eit framtidsretta Vestland.

Arbeidsoppgåver

Ansvarsområde for stillinga:

- utvikle skulen i samsvar med mål og visjon for skuleeigar
- sikre eit trygt og godt skulemiljø og god medverknad frå elevane
- sikre eit godt arbeidsmiljø for dei tilsette, fagleg utvikling, god medverknad og kulturbygging
- leie strategi- og utviklingsprosessar
- leie skulen sitt pedagogiske utviklingsarbeid og kompetanseutvikling
- personalleiing
- ivareta medverknad mot næringsliv, opplæringskontor og andre samarbeidspartar
- økonomistyring

Kvalifikasjonar

Den som vert tilsett må stette dei formelle krava i Opplæringslova § 9-1: ”Den som skal tilsetjast som rektor, må ha pedagogisk kompetanse og nødvendige leiareigenskapar”.
 
Det er ønskjeleg at du:
- set elevane si læring og deira utvikling i sentrum for skulen sitt arbeid
- har god kjennskap til vidaregåande opplæring og relevant erfaring 
- har praksis frå utviklingsarbeid og god gjennomføringsevne
- markerer skulen som ein sentral utdanningsinstitusjon i lokalmiljøet og arbeider heilskapleg og forpliktande saman med lokalt arbeidsliv
- har gode leiareigenskapar, relevant leiarerfaring og leiarutdanning
- byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling
- opptrer tydeleg som arbeidsgivar og gjennomfører politiske og administrative vedtak

Erfaring utanfor opplæringssektoren kan òg vektleggjast.

Personlege eigenskapar

Din leiingspraksis er kjenneteikna av at du er:
- open, nytenkjande og tillitsskapande
- har evne til å arbeide målretta, systematisk og løysingsfokusert
- har gode kommunikasjonsevner og evne til å skape tryggleik i krevjande situasjonar 
- har gode samarbeidsevner og er sosial og inkluderande

Vi tilbyr

- givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse
- ein raus organisasjonskultur der vi vil kvarandre vel, ser kvarandre og bidrar til fellesskapet
- deltaking og fellesskap i rektorkollegiet og leiarutviklingsprogram
- løn etter avtale
- fylkeskommunale tilsetjingsvilkår med gode pensjons- og forsikringsordningar

Vestland fylkeskommune legg vekt på godt samarbeid, tett dialog og oppfølging mellom rektorane og fylkesdirektøren for opplæring og kompetanse.

Andre opplysningar
Tilsetting skjer på grunnlag av lov- og avtaleverk og føreset godkjent politiattest. Stillinga har seks månader prøvetid. Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste, vil du alltid bli varsla før søkjarlista vert offentleggjort. Stillinga er ledig frå 1. mars 2025.

Kontaktinformasjon

Rolf Årdal, områdeleiar, 91819546, rolf.ardal@vlfk.no

Nøkkelinformasjon:

Arbeidsgivar: Vestland fylkeskommune*

Referansenr.: 4873114879
Stillingsprosent: 100%
Fast
Søknadsfrist: 17.11.2024