Ledig fastlegeheimel Stryn legekontor
Org.nr.:963989202 Stillingsident: Presentasjon av stillingen :
Vi søkjer etter engasjert fastlege til ledig heimel med listetak på 900 pasientar. Det er behov for legekompetanse i andre allmennlegeoppgåver i kommunale deltidsstillingar. Akkurat nå er det behov for skulelege i 10 prosent stilling,
Stryn kommune har 10 fastlegeheimlar og 1 turnuslege. Legetenesta er samla i nybygde lokaler på Stryn helsesenter. Kontoret er godt utstyrt og er bemanna med dyktig hjelpepersonale. Her er gode økonomiske vilkår med <> ved at kommunen står ansvarleg for drift av legesenteret og eig utstyret. Du som lege arbeider som sjølvstendig næringsdrivande utan utgifter til drift og med inntekter basert på takster i normaltariffen.
Legetenesta nyttar fagprogrammet Infodoc . Digitale løysingar er etablert for meldingsutveksling med spesialisthelsetenesta og med pleie/omsorgstenestene. Vi tilbyr også mogliheiten for e-konsultasjon gjennom Helsenorge.no.
Det er lite vaktbelastning for legane ved Stryn legekontor, men det finns gode moglegheiter for vaktauke om dette er ønskjeleg. Måndag til fredag er det organisert daglegevakt ved legekontoret kl. 08.00-16.00. Utanom kontortid deltek legane i Nordfjord legevakt. Denne er lokalisert til sjukehuset på Nordfjordeid, og med Eid kommune som vertskommune. Interkommunal legevakt omfattar 5 kommunar med ca 23 200 innbyggjarar og ca 23-delt vakt. Det er tilstadevakt med gode fastlønsvilkår. Legevakta er bemanna med kompetente sjukepleiarar.
Kvalifikasjonar for stillinga:
Du må ha:
Norsk autorisasjon som lege og gjennomført turnusteneste
God kunnskap i norsk, munnleg og skriftleg
Vere spesialist i allmennmedisin eller avtale om å starte på spesialisering
Du må vere :
Fagleg engasjert og klar til å involvere deg i arbeidsplassen din
God på kommunikasjon og samarbeid
Fleksibel, strukturert og ansvarsbevisst
Vi kan tilby:
Triveleg miljø og nybygde lokale frå våren 2017
Faglege utfordringar
Basistilskotet dekker leige av lokale, utstyr og hjelpepersonale.
Administrativ leiar ved legekontoret som syte føre all logistikk og koordinering av ressursar ved kontoret
Løn og vilkår slik det går fram av gjeldande lov- og avtaleverk
Hjelp til å skaffe bustad
Hjelp med kontaktar m.o.t. arbeid for partner
Mykje flott natur og opplevingar i nærområdet og i regionen. Sjå bl.a. www.nordfjord.no for å sjå kva kommunen har å by på.
Den blir stilt krav om politiattest i tråd med reglane i helsepersonellova.
Kopi av rettkjende attestar og vitnemål kan alternativt sendast pr post (vil ikkje bli returnert)
Søkjarane er som hovudregel offentlege og det er strenge kriterie for å bli unnateke, jf. offentleglova §25. Dersom du ønskjer å reservere deg frå offentleg søkjarliste må du grunngje det i søknaden.
Link til søknadsskjema: Send søknad
Om bedriften
Stryn kommune med sine om lag 7 200 innbyggjarar er sentralt plassert i ein større bu- og arbeidsregion i Nordfjord / Søre Sunnmøre. Her er omfattande turisme, eit rikt kulturliv og gode oppvekstvilkår for born og unge. Det er eit ekspansivt næringsliv med etterspurnad etter ulik type arbeidskraft. Det er gode kommunikasjonar med Oslo, Bergen, Ålesund og Tronheim. Flyplass er Ørsta - Volda eller Sandane med reisetid ca. 1 time.