Politietterforskar med økonomifagleg kompetanse
FEFE - Avsnitt for etterforsking av økonomi- og miljøkrim. - Møre og Romsdal politidistrikt
Nedre Strandgate 50, 6005 Ålesund
Om jobben
Stillingstittel
Politietterforskar med økonomifagleg kompetanse
Type ansettelse
Fast
Arbeidsspråk
Norsk
Antall stillinger
1
Møre og Romsdal politidistrikt styrkar innsatsen mot økonomisk kriminalitet, og vi ser etter deg som har økonomifagleg utdanning i tillegg til fullført Politi(høg)skule. Du vil bruke kompetansen din til å etterforske saker med profittmotivert preg innanfor alle typar fagfelt. Vi kan garantere ein variert saksportefølje med utfordrande arbeidsoppgåver!
Hovudoppgåver ved avsnittet er etterforsking av alvorleg økonomisk kriminalitet og alvorleg miljøkriminalitet. I tillegg bistår vi i andre saker i politidistriktet som dreier seg om profittmotivert kriminalitet og inndraging av økonomisk utbytte. Avsnittet har også fagansvar for arbeidslivskriminalitet. Dette arbeidet blir utført i samarbeid med andre etatar i form av kontrollar, etterretning og etterforsking. Arbeidspresset er i periodar høgt, og vi jobbar med krevjande og komplekse straffesaker.
Vi ser derfor etter deg med gode kommunikasjons- og samarbeidsevner som ønsker å bidra aktivt i etterforskinga av dei prioriterte sakene til avsnittet. Har du også erfaring frå etterforsking, er interessert i å tilegne deg kunnskap om fagfelta som avsnittet arbeider med, og trivast med å jobbe strukturert og analytisk, kan dette vere ei stilling for deg.
Avsnitt for etterforsking av økonomi- og miljøkriminalitet ligg under seksjon for etterforsking ved FEFE. Avsnittet består i dag av avsnittsleiar og sju medarbeidarar med tverrfagleg kompetanse. I tillegg har vi ein bistandsrevisor frå Skatteetaten hos oss. Vi held til ved politihuset i Ålesund og politihuset i Molde. Arbeidsstad for den aktuelle stillinga er Ålesund. Noko reiseverksemd må påreknast.
Ta gjerne kontakt om du har spørsmål til stillinga.
Arbeidsoppgåver
- Taktiske etterforskingsoppgåver innanfor økonomi- og miljøsaker, samt i andre saker som er lagt til avsnittet
- Bidra innan finansiell analyse
- Ansvar for eiga portefølje
- Bidra aktivt i tverretatleg arbeid innanfor fagområdet "Arbeidslivskriminalitet" som gjeld førebygging, etterretning og etterforsking
- Pårekne presentasjon av eige arbeid internt/eksternt medrekna i retten
- Bidra til at dei faglege oppgåvene som er lagt til seksjonen blir utført i samsvar med gjeldande lover, reglar og instruksar
- Delta i operative aksjonar i regi av eige avsnitt eller som bistand til andre einingar. Dette inneber også bruk av ulike typar tvangsmiddel, herunder gjennomføre pågriping, ransaking og beslag
- Andre oppgåver tildelt av leiar
Kvalifikasjonar
Nødvendig:
- Fullført og bestått politi(høg)skule. Karakterskjema skal fyllast ut og leggast ved søknaden, sjå https://www.politiet.no/sok/?SearchText=karakterskjema2023.xlsx
- Minimum utdanning tilsvarande eit år innan økonomi frå høgskule eller universitet
- Gode IT-kunnskaper og beherskar Excel
- Norsk og engelsk skriftleg og munnleg
- Må pårekne å ta relevant vidareutdanning innan fagfeltet
- Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Ønskeleg:
- Kompetanse og erfaring med taktisk etterforsking
- Vidareutdanning frå Politi(høg)skulen innan finansiell etterforsking eller vidareutdanning innan etterforsking
- Erfaring frå etterforsking av økonomi- eller miljøsaker
- Digital kompetanse
Personlege eigenskapar
- Gode kommunikasjonsevner og samarbeidsevner
- Fagleg engasjert, god til å sjå moglegheiter, tar initiativ og engasjerer
- Strukturert og analytisk med høg arbeidskapasitet
- Bidragsytar til eit godt arbeidsmiljø
Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spennande arbeidsplass for deg som vil vere med på å forme politiet i framtida
- Fast stilling som politibetjent 3/2/1 (stillingskode 1461/1459/1457) Tilsetting er avhengig av kompetanse,jf. kompetansekriteriene for politibetjenter
- Politibetjent 3 - brutto årslønn frå kr. 575 400 - kr. 667 700
- Politibetjent 2 - brutto årslønn frå kr. 509 300 - kr. 565 900
- Politibetjent 1 - brutto årslønn frå kr. 487 700 - kr. 532 200
- For særskilt kvalifiserte kandidatar kan høgare lønnsplassering bli vurdert
- Godtgjering etter gjeldande ATB
- Du vil bli medlem i Statens pensjonskasse som gir deg mange gode i tillegg til livsvarig alderspensjon og AFP. Du kan ha rett til økonomisk støtte dersom du blir sjuk eller ufør, familien din kan ha rett til økonomisk støtte om du går bort, du blir forsikra mot yrkesskade eller yrkessjukdom, og du får gode vilkår på bustadlån. Les meir om tilsettgoda dine på www.spk.no/medlemskap-i-spk
- Møre og Romsdal politidistrikt er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.
Kontaktinformasjon
Linn Breivik Erstad, Fungerande driftseiningsleiar, 92813729Ole Ivar Nybø, Avsnittsleiar, 70118700
Arbeidsstad
Nedre Strandgate 506005 Ålesund
Nøkkelinformasjon:
Arbeidsgivar: Møre og Romsdal politidistriktReferansenr.: 4835566451
Stillingsprosent: 100%
Fast stilling
Søknadsfrist: 28.07.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Sektor
Offentlig
Nettsted
www.politiet.no/jobb
Annonsedata
Rapporter annonse- Stillingsnummer
2701271
- Sist endret
29. juli 2024
- Hentet fra
talentech
- Referanse
960f9c7fe23840a2a21f8f8f31fbba63