Utdanningskoordinerande overlege HMR HF
Spesialutdanning, Helse Møre og Romsdal HF
Åsehaugen 5, 6017 Ålesund
Om jobben
Stillingstittel
Utdanningskoordinerande overlege HMR HF
Type ansettelse
Fast
Arbeidsspråk
Norsk
Antall stillinger
1
Vil du vere med å organisere og utvikle LIS-utdanning i Helse Møre og Romsdal?
Vi søkjer ein motivert lege med eit brennande engasjement og interesse for utdanning til funksjonen som utdanningskoordinerande overlege i helseforetaket.
For meir informasjon, sjå gjerne vår artikkel på INNSIDA om dette her.
Helse Møre og Romsdal har som utdanningsverksemd overordna ansvar for fagleg innhald og praktisk gjennomføring av spesialistutdanning av legar i alle våre 31 spesialitetar i tillegg til LIS 1. Dette skal sikre at LIS får gjennomført si utdanning med god fagleg kvalitet innanfor ei akseptabel tidsramme og i samarbeid med andre foretak.
I rolla som UKO kan HMR tilby deg breie moglegheiter for kompetanseheving, eit engasjerande og inspirerande arbeidsmiljø i samarbeid med kliniske miljø, fagavdelinga og leiargruppa, samt med konkurransedyktig løn.
Stillinga er ledig frå snarast, og startdato kan avtalast. Arbeidsstad kan vere på ein av våre lokasjonar.
Vi ber om at attestar og tjenestebevis vert lasta opp som vedlegg til søknaden. Vi ser fram til å høyre frå deg.
Arbeidsoppgåver
Dei viktigaste oppgåvene vil vere det daglege ansvaret for å ivareta og utvikle vidare LIS-utdanninga i helseforetaket, frå LIS1 til ferdig spesialist, innanfor lokale, regionale og nasjonale krav og ønsker. For LIS 1 vil du i tillegg få ansvar for gjennomføring av introduksjonskurs og det faglege innhaldet i deira utdanningsløp i samarbeid med aktuelle avdelingar. I samarbeid med dei kliniske miljøa skal du sikre god fagleg kvalitet i dei respektive spesialiseringsløpa for LIS 2/3. Både regionalt og nasjonalt er det etablert jamnlege faste møtepunkt med utdanningskoordinerande overlegar i regionen og regionalt utdanningssenter som du vert inkludert i. Du må rekne med noko reiseverksemd i foretaket for å møte dei kliniske miljøa og leiarar, samt noko reise regionalt for møte med dei andre foretaka i vår region og samarbeid med Regionalt utdanningssenter. Du rapporterer til utdanningssjefen, men har ei fagleg linje også til medisinsk fagsjef og fagdirektør.Kvalifikasjonar
- Du må vere overlege og spesialist med god kjennskap til spesialisthelsetenesta generelt og Helse Møre og Romsdal spesielt
- Interesse, engasjement og formell kompetanse innan utdanning, rettleiing, pedagogikk og forsking vil vere ein fordel, men er ikkje eit krav
Personlege eigenskapar
- Du er sjølvstendig og arbeider systematisk
- Du har god munnleg og skriftleg formidlingsevne
- Du er flink til å motivere, engasjere og inkludere kollegaer - ein god relasjonsbyggar med gode samarbeidsevne i team
Personlege eigenskapar vert tillagt stor vekt.
Vi tilbyr
- Størrelse på stillinga kan vere mellom 70-100% alt etter dine ønsker og moglegheiter
- Moglegheit for kompetanseheving
- Engasjerande og inspirerande arbeidsmiljø med samarbeid både med resten av fagavdelinga, leiargruppa, kliniske miljø i foretaket og regionale fora
- Konkurransedyktig løn
- Medlemskap i god offentleg pensjonsordning og fordelaktige forsikringsvilkår
Møre og Romsdal har mykje å vise fram! Her er eit mangfold av fjordar, øyer og fjell som ventar på å få begeistre deg. Opplev ville og vakre Sunnmørsalper i Volda, opera og klippfisk i Kristiansund, roser og jazz i Molde og jugendarkitektur i Ålesund. Regionen har et rikt kultur- og konsertliv med både nasjonale og internasjonale artistar, nærhet til flyplass og eit framoverlent næringsliv. Les meir om Møre og Romsdal her.
Kontaktinformasjon
Guro Berge, Utdanningssjef, 90 51 31 95, Guro.Berge@helse-mr.noIngeborg Henriksen, UKO, 90 50 45 88
Arbeidsstad
Åsehaugen 56017 Ålesund
Nøkkelinformasjon:
Arbeidsgivar: Helse Møre og Romsdal HFReferansenr.: 4810987499
Stillingsprosent: 100%
Fast
Søknadsfrist: 01.06.2024
Om bedriften
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal
Sektor
Offentlig
Nettsted
Annonsedata
Rapporter annonse- Stillingsnummer
2653629
- Sist endret
2. juni 2024
- Hentet fra
talentech
- Referanse
e8e860d6a3aa419a82fb4d6ffc966eaa