Engasjement som sakshandsamar Landbruk
100 % engasjement som sakshandsamar ved landbrukskontoret ledig pr. omgåande og til
31.12.19. Søknadsfrist 22. juli 2019. For full lysingstekst, sjå www.ullensvang.herad.no .
Ullensvang herad har ledig engasjement som sakshandsamar ved landbrukskontoret.
Engasjementet er inntil 100 % stilling til 31.12.19.
Arbeidsoppgåver:
Arbeidsoppgåvene vil i hovudsak vera knytte til landbruksfaglege oppgåver, med hovudvekt
på handsaming av saker etter jordlova og konsesjonslova i Ullensvang herad og Odda
kommune. Det kan bli aktuelt med handsaming av delingssaker etter plan- og bygningslova i
Ullensvang herad. I tillegg vil du bidra inn i fagmiljøet og til andre oppgåver innan tenesta for
samfunnsutvikling. Oppgåvene kan verta endra.
Stillinga vil ligga til tenesta for Samfunnsutvikling i Ullensvang herad. Ullensvang herad sel
landbruksfaglege tenester til Kvam herad og Odda kommune.
Ynskte kvalifikasjonar:
- Relevant høgare utdanning, helst innan landbruksfag eller juridiske fag
- Kjennskap til aktuelt lovverk og erfaring frå fagområda
- Gode evner til skriftleg presentasjon. Administrasjonsspråket i Ullensvang herad er
nynorsk.
Eigenskapar:
- Evne til å arbeida systematisk
- Gode samarbeids- og kommunikasjonsevner
- Fleksibilitet og positiv innstilling
- Gode gjennomføringsevner og evne til å ta avgjerder
Me tilbyr:
- Løn etter avtale
- Inkluderande arbeidsliv (IA), fleksibel arbeidstid og gode permisjons- og
pensjonsvilkår.
Tilsetjinga skjer etter gjeldande lover, tariffavtale og reglement. Den som vert tilsett må
disponera eigen bil i tenesta. Dersom du finn stillinga interessant og kan tenkja deg å arbeida i
Ullensvang herad, er du velkomen som søkjar.
Nærare opplysningar er å få hjå:
Fagleiar landbruk Trygve Vik, telefon 900 69 759
E-post trygve.vik@ullensvang.kommune.no
eller
Tenesteleiar teknisk drift Marit Ystanes, telefon 926 82 815
E-post: marit.ystanes@ullensvang.kommune.no
Søknad skal skrivast på eige søknadsskjema. Fullstendig søknad, vedlagt rettkjende kopiar av
vitnemål og attestar skal sendast Ullensvang herad, 5780 Kinsarvik, innan 22 . juli 2019.
Søknadsskjema, nærare informasjon om utlyste stillingar og tilsetjingsvilkår, finn du på
heradet sine heimesider, www.ullensvang.herad.no. Søknadsskjema kan du og få hjå
fellestenestene tlf 53 67 15 00.