Fysioterapeut 80% kommunal fast tilsetjing
Då ein av fysioterapeutane våre går over til ny stilling har vi ledig 80% fast kommunal fysioterapeutstilling. Stillinga er organisert i fysio- og ergoterapiavdelinga og har avdelingsleiar som sin næraste leiar. Avdelinga har 2,2 årsverk fysioterapeut, 1 årsverk ergoterapeut samt 0,2 stilling vernepleier til drift av gruppetrening. Frisklivsentral er knytt til avdeldinga. Avdelinga er lokalisert ved Stryn omsorgssenter, men yter tenester i heile Stryn kommune. Det er 2 institusjonar i kommunen; Stryn og Vikane omsorgssenter.
Ansvars- og arbeidsoppgåver:
- Førebyggjande - og helsefremmande arbeid til alle aldersgrupper
- Habilitering og rehabilitering
- Trening i grupper
- Kurativ verksemd for institusjonsbebuarar og heimebuande
- Hjelpemiddelformidling
Kvalifikasjonar
- Autorisert fysioterapeut
Fordel med erfaring i:
- Arbeid med brukarar i ulike aldersgrupper, særskilt barn
- Kommunehelsetenesta
- Koordinerande arbeid, individuell plan og ansvarsgrupper
Vi leitar etter deg som:
- engasjert i fagområde og er faglig oppdatert
- er oppteken av førebygging
- ynskjer å nå alle brukarane i målgruppa
- er på leit etter gode løysingar for å legge til rette for meistring
- likar å samarbeide med andre og har eit tverrfagleg fokus
- har stor arbeidskapasitet
- har god datakompetanse
Personleg eignaheit vil bli vektlagt.
Du må ha førarkort og disponere bil.
Vi tilbyr:
- Gode arbeidstilhøve i nye lokalar
- Kompetente kollegaer i godt arbeidsmiljø
- Spennande, mangfaldige og utfordrande arbeidsoppgåver
- Løn etter tariff
- Gode pensjonsordningar
Kopi av rettkjende attestar og vitnemål kan alternativt sendast pr post (vil ikkje bli returnert)
Søkjarane er som hovudregel offentlege og det er strenge kriterie for å bli unnateke, jf. offentleglova §25. Dersom du ønskjer å reservere deg frå offentleg søkjarliste må du grunngje det i søknaden.
Link til søknadsskjema: Send søknad
Om bedriften
Stryn kommune med sine om lag 7 200 innbyggjarar er sentralt plassert i ein større bu- og arbeidsregion i Nordfjord / Søre Sunnmøre. Her er omfattande turisme, eit rikt kulturliv og gode oppvekstvilkår for born og unge. Det er eit ekspansivt næringsliv med etterspurnad etter ulik type arbeidskraft. Det er gode kommunikasjonar med Oslo, Bergen, Ålesund og Tronheim. Flyplass er Ørsta - Volda eller Sandane med reisetid ca. 1 time.