Vil du drive med kreativ opplæring innan hotell og matfag?

Styret i opplæringskontoret skal no tilsette ny dagleg leiar då noverande skal gå av med pensjon våren/sommaren 2025.

Arbeidsoppgåver:

• Følge lærlingar frå dei går ut av vidaregåande skule til dei skal gjennomføre fag-, sveine-, eller kompetanseprøve.

• Rettleiing i samarbeid med lærebedrifter.

• Planlegge og gjennomføre teoretiske og praktiske kurs

• Rekruttering av lærlingar og lærebedrifter.

• Rekruttering til faget i samarbeid med skule.

• Tilrettelegge ekstra oppfølging av lærekandidatar.

• Formidle ledige læreplasser til potensielle kandidatar.

• Mellomledd mellom Fylkeskommunen og lærebedrift.

• Behjelpeleg med lærlingkonkurransar.

Kvalifikasjonar og eigenskapar vi ynskjer:

• Eitt relevant fagbrev / sveinebrev som opplæringskontoret tilbyr.

• God formidlingsevne og gjerne erfaring innan både digital plattform og klassisk undervisningsmodell.

• God økonomisk forståing

• Trivast saman med ungdom og kan vere ein god, motiverande rollemodell.

• Nettverksbygging i faget og bransjen, lokalt og nasjonalt med bedrifter og andre samarbeidsorgan.

• Sjølvstendig i arbeidsdagen

Hos oss får du:

• Fridom til å strukturere og planlegge eigen arbeidskvardag.

• Kontor saman med andre opplæringskontor i Førde.

• Fleksibel arbeidstid.

• Reise i Sogn, Sunnfjord og Nordfjord for å følge opp lærlingar.

• Løn etter avtale i fast 100% stilling.

• Arrangere studieturar og utveksling for lærlingar med samarbeidsskule i La Rochelle, Frankrike. (Erasmus+)

Stillinga inneber ein del reiseaktivitet.

Tilsetjing våren 2025.