Bygningsvernrådgjevar

Har du eit sterkt engasjement for bygningsvern?

Musea i Sogn og Fjordane søker etter bygningsvernrådgjevar i 100% fast stilling. Vi leitar etter deg som trivast i eit utviklande fagmiljø og som brenn for å ta vare på kulturhistoria i Sogn og Fjordane.

Om stillinga

Stillinga som bygningsvernrådgjevar vil ha varierte og spanande oppgåver i eit fagmiljø med unik kompetanse og erfaring. Stillinga vil ha dagleg arbeidsstad ved Dei Heibergske Samlinger - Sogn Folkemuseum, men kan i ein oppstartsfase ha verkeområde i heile Sogn og Fjordane. 

Sentrale arbeidsoppgåver:

• Gje fyrstegongs rådgjeving til eigarar og forvaltarar av eldre og verneverdige bygningar i Sogn og Fjordane
• Gje råd og rettleiing om lokale, regionale og nasjonale tilskotsordningar
• Vere primærkontakt mellom Musea i Sogn og Fjordane og relevante utdanningsinstitusjonar. 
• Bidra til vedlikehald og forvalting av museet sine antikvariske bygningar saman med museet sine handverkarar
• Utforme søknadar og rapporteringar til vernemyndigheiter
• Delta i relevant nettverksarbeid

Utdanning og kompetanse:

• Relevant utdanning innan bygg og/eller bygningsvernrelaterte fag på høgskule eller universitetsnivå, eller anna relevant handverksfagleg utdanning. Relevant kompetanse og erfaring kan kompensere for manglande høgare utdanning
• Erfaring med rådgjeving og prosjektleiing
• Kunnskap om byggeskikk og arkitektur 
• Erfaring frå kulturmiljøforvalting, kulturminnevern eller museum
• Interesse for og kjennskap til utdanningsstruktur og utdanningsmoglegheiter innafor byggeskikk og kulturminnevern
• God kjennskap til relevante lovar og regelverk innan bygningsvern og byggeprosjekt
• Erfaring med tilstandsvurdering, dokumentasjon, finansiering og søknadsskriving
• God munnleg og skriftleg formidlingsevne
• Reising i stillinga førekjem, og førarkort klasse B er eit krav

Vi søker deg som motiverast av å gjere antikvarisk bygningsarbeid i Sogn og Fjordane meir synleg og tilgjengeleg. Du må vere initiativrik og strukturert, med evne til å arbeide effektivt med høg fagleg kvalitet – både sjølvstendig og i samarbeid med andre.

Ekstern bistand og rådgjeving til private og kommunale eigarar og forvaltarar av antikvariske bygningar er ein sentral del av stillinga. Stillinga er plassert i avdeling for forsking og bevaring, og rapporterar til avdelingsdirektør. 

Fleire fagbakgrunnar kan vere relevante for stillinga, og vi kjem derfor til å sjå på kvar søkar ut i frå ei heilskapleg vurdering av erfaring, kompetanse og personleg dyktigheit. 

Kvifor skal du søke på stillinga? 

Har du eit brennande engasjement for bygningsvern og bygningsantikvarisk arbeid, og trivst i ei koordinerande og rådgjevande rolle? Då kan denne jobben vere for deg! 

Som bygningsvernrådgjevar vil du bidra til å ta vare på gamle og verneverdige bygningar i Sogn og Fjordane, bistå private og offentlege aktørar i arbeidet med å ivareta delar av kulturarven vår og jobbe tett saman med museet sine antikvariske handverkarar.

Hjå oss vert du ein del av eit fagleg nettverk, og du delar arbeidskvardagen din saman med eit dedikert og engasjert kollegium som alle brenn for å ta vare på kulturarven vår!