Tenesteeiningsleiar - Ulstein og Hareid lensmannsdistrikt
Org. nr: - Stillingsident: 4292383630 Presentasjon av stillingen:
Ved Ulstein og Hareid lensmannsdistrikt er det ledig fast stilling som tenesteeiningsleiar.
Vi søkjer deg med gode leiareigenskapar som har evne til å sette tydelege mål og retning, og drive endring og vidareutvikling av tenesteeininga. Du skapar resultat i samhandling med andre og sørgjer for høg kvalitet.
Driftseining Sunnmøre består av Ålesund politistasjonsdistrikt, Ulstein og Hareid lensmannsdistrikt, Søre Sunnmøre lensmannsdistrikt og Indre Sunnmøre lensmannsdistrikt. Stillinga er for tida organisert ved Ulstein og Hareid lensmannsdistrikt.
Eininga omfattar kommunane Ulstein og Hareid. Denne stillinga arbeidsstad i Ulsteinvik. Noko reiseverksemd må påreknast i stillinga.
Den statlege arbeidsstyrken skal i størst mogleg grad spegle mangfaldet i samfunnet. Difor oppmodar vi alle kvalifiserte kandidatar med ulik utdanning, bakgrunn, alder, kjønn, arbeids- og livserfaring om å søkje jobb hos oss. Vi oppmodar særskilt kvinner om å søkje på leiarstillingar.
Den som vert tilsett pliktar å rette seg etter framtidige avgjerder som organisatoriske, arbeids- og/eller ansvarsrelaterte endringar knytt til stillinga.
Arbeidsoppgåver
- Leiar av Ulstein og Hareid lensmannsdistrikt
- Deltakar i leiargruppa i geografisk driftseining Søre Sunnmøre
- Personalansvar og resultatansvar
- Sørgje for planmessig polititeneste (førebygging, beredskap og etterforsking) med høg kvalitet som er kunnskapsstyrt og har gjennomgåande førebyggande innretning
- Utvikle godt medarbeidarskap, ønska kultur og god medarbeidartilfredsheit i eiga eining
- Ivareta HMS-perspektivet i arbeidet
- Sikre heilskapleg styring i eininga i tråd med gjeldande lover, regler og retningslinjer samt overordna avgjerder og prioriteringar
- Politikontakt for Ulstein kommune og Hareid kommune
Kvalifikasjonar
- Politi(høg)skulen eller juridisk embetseksamen/master i rettsvitskap
- Relevant leiarutdanning. Lang leiarerfaring med oppnådde gode resultat kan kompensere for manglande utdanning.
- Relevant leiarerfaring. Det er ønskeleg med erfaring frå endrings- og utviklingsprosessar.
- Brei erfaring frå ulike oppgåver og ansvarsområde i politiet.
- Kunnskapar om helse, miljø og tryggleik
- Oppnådd gode resultat i tidlegare stillingar
- Engelsk og norsk
- Må kunne klarerast for HEMMELIG jfr. Sikkerhetsloven
Attestar og vitnemål skal leggjast ved søknaden elektronisk. Originalt vitnemål skal takast med til intervju.
Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41.
Personlege eigenskapar
Personlege eigenskapar vert særlig vektlagt ved tilsetting i leiarstilling
- Mål- og resultatorientert med god gjennomføringskraft
- Evne til å sette retning, drive endring og skape resultat i samhandling med andre
- God evne til kommunikasjon, teambygging og relasjonsbygging internt og eksternt
- Medarbeiderorientert og har god evne til å motivere, støtte og utvikle medarbeidere
- Samfunnsorientert og har forståelse for eininga si rolle i politiet sitt samfunnsoppdrag
- God rollemodell som leiar og for politiet si medarbeiderplattform gjennom eigen åtferd
Vi tilbyd
- Ein utfordrande og spennande arbeidsplass for deg som vil vere med å forme politiet for framtida.
- Fast stilling som tenesteeiningsleiar/lensmann (SKO 0326).
- Løn frå lønstrinn 73, som for tida gir ei brutto årslønn på kr. 679 000. Endeleg plassering av løn er avhengig av erfaring, kvalifikasjonar og ansiennitet.
- Tilsetjing etter gjeldande regelverk, lov om statens ansatte, personalreglement mv.
- Det er seks månadar prøvetid.
- Medlemskap i Statens pensjonskasse (SPK) med blant anna gode pensjons- og forsikringsordningar. Sjå www.spk.no for meir informasjon. Det vert trekt to prosent av løna til SPK.
- Møre og Romsdal politidistrikt er ei IA-bedrift og er knytt til bedriftshelseteneste.
Generelle opplysingar
Vi vil rekruttere den best kvalifiserte kandidaten til stillinga, og treng difor eit bredt rekrutteringsgrunnlag. Politiet er ein open og inkluderande etat kor alle søkjarar blir vurdert likeverdig. Vi oppfordrar difor kvalifiserte kandidatar med relevant utdanning, bakgrunn, arbeids- og livserfaring til å søkje jobb hos oss.
Opplysingar om søkjaren kan bli gjort offentlege sjølv om søkjaren har anmoda om ikkje å bli ført opp på søkjerlista. Dersom anmodninga ikkje blir tatt til følgje, vil søkjaren bli varsla om dette.
Kontaktinformasjon
Oddbjørn Solheim, Driftseiningsleiar, 93418956
Arbeidsstad
Saunesvegen 10
6065 Ulsteinvik
Søk på stillinga:Klikk her
Nøkkelinformasjon:
Arbeidsgivar:Møre og Romsdal politidistrikt
Referansenr.:4292383630
Stillingsprosent: 100%
Fast stilling
Søknadsfrist: 01.11.2020
Om bedriften
Møre og Romsdal politidistrikt er eitt av 12 politidistrikt i Norge. Vi dekkjer heile Møre og Romsdal fylke og har frå 2020 ansvar for 26 kommunar der det bur ca. 266 000 innbyggarar. Politidistriktet har om lag 550 medarbeidarar. Distriktet er organisert med fem felles einingar, fire geografiske driftseiningar og tre støttestabar for politimeistaren. Politimeistaren med administrasjon er lokalisert i Ålesund.
Våre medarbeidarar jobbar etter prinsippa i medarbeidarplattformen for politiet som inneber å vere modig, heilskapsorientert, vise respekt og vere tett på.
Politiet meiner at inkludering og mangfold er ei styrkje. Vi treng medarbeidarar med ulike kompetanser, bakgrunn, erfaring og perspektiv for å bidra til enda betre oppgaveløysing. Dersom det er mogleg vil vi tilrettelegge for medarbeidere som har behov for det.
Dersom det er kvalifiserte søkjarar med funksjonsnedsetting, hòl i CV-en, eller innvandrarbakgrunn, skal vi kalle inn minst ein søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særbehandla på denne måten, må søkjarane oppfylle visse krav. Les meir om krava på Arbeidsgiverportalen.
Vi oppfordrar søkjarar til å krysse av i jobbportalen dersom dei har funksjonsnedsetting, hòl i CV-en eller innvandrarbakgrunn. Avkryssingane dannar grunnlag for anonymisert statistikk som alle statlege verksemder rapporterer i sine årsrapportar.
Etter at søknadsfristen er gått ut vert det sett opp ei offentleg søkjarliste. Opplysingar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir tatt til følgje, vil søkjaren på bli varsla om dette.
Ein må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41.