Rådgivar - folkehelse
Vi søker etter rådgivar folkehelse
Brenn du for folkehelse og lokal samfunnsutvikling?
Det er ledig 100 % fast stilling som rådgivar ved seksjon folkehelse, idrett og friluftsliv ved kulturavdelinga i Molde. Tiltreding snarast.
Møre og Romsdal fylkeskommune legg FN sine berekraftsmål som premiss for utviklinga i fylket. Å jobbe for meir rettferdige og inkluderande samfunn er avgjerande for å nå berekraftsmåla. Ei befolkning med god helse og livskvalitet er samfunnet sin viktigaste kapital.
Seksjon for folkehelse, idrett og friluftsliv samordnar folkehelsearbeidet i fylket. Seksjonen har eit særleg ansvar for oppfølging av folkehelselova, koordinering av God Helse samarbeidet med kommunar, regional utvikling av friluftsliv og frivillig sektor, drift av eldrerådet og rådet for personar med nedsett funksjonsevne, forvaltning av spelemidlar til anlegg for idrett og fysisk aktivitet i tillegg til andre tilskotsordningar innan fagområdet.
Folkehelsearbeidet krev langsiktige, systematiske og målretta strategiar for å lykkes i å skape helsefremmande og berekraftige lokalsamfunn. I folkehelsearbeidet er det nødvendig å samarbeid på tvers av sektorar og forvaltingsnivå, både på nasjonalt, regionalt og lokalt nivå. Vi jobbar med kunnskapsgrunnlag og planarbeid, tek initiativ til og legg til rette for utviklingsprosjekt, kurs og nettverksbygging.
Du får jobbe med
- vere pådrivar for, og samordne, folkehelsearbeidet i fylket
- lage og presentere oversikt og analyse av helsesituasjonen og påverkingsfaktorar gjennom til dømes regional planlegging
- formidle og stimulere til kunnskapsbaserte folkehelsetiltak
- rådgje og rettleie kommunar og andre samarbeidsaktørar i folkehelsearbeidet på tvers av fagfelt
- koordinere og legge til rette for prosjekt og langsiktig samhandling og nettverksarbeid med våre samarbeidspartar lokalt, regionalt og nasjonalt
- saksbehandling
Vi søker deg som
- har relevant høgare utdanning, helst på masternivå, fortrinnsvis innan folkehelse, førebygging, helsefremming, eller planlegging
- har erfaring med arbeid innan folkehelse, førebygging og/eller planlegging/analyse
- har god kunnskap og interesse om offentleg forvaltning og fylkeskommunens rolle som samfunnsutviklar
- er positiv og engasjert, ein pådrivar og dyktig på nettverksarbeid, samarbeid og relasjonsbygging
- har evne til å planlegge, prioritere og arbeide sjølvstendig og strukturert
- er løysingsorientert, nøyaktig og har gjennomføringsevne
- har god munnleg og skriftleg framstillingsevne
- har digital kompetanse
Det er ønskeleg at du:
- har erfaring frå prosjekt-, formidlings- og utviklingsarbeid
- har evne til å sjå heilskap og samanheng på tvers av fagfelt
- har erfaring frå utgreiingsarbeid
- er i stand til å stå i krevjande situasjonar
Vi tilbyr
- ei utfordrande stilling i eit arbeidsmiljø kjenneteikna av stor profesjonalitet og sterke fagmiljø
- god tilgang til faglege nettverk og fagleg utvikling
- introduksjonsprogram
- offentleg pensjonsordning, gruppelivs- og ulykkesforsikring
- løn etter avtale
Om arbeidsplassen
Stillinga er plassert i kulturavdelinga med arbeidsstad Molde.
Kulturavdelinga er tilretteleggjar, pådrivar og koordinator for aktivitet og satsingar innan kulturlivet og folkehelsearbeidet i Møre og Romsdal. Verksemda omfattar kunst- og kulturformidling, folkehelse, idrett og friluftsliv, kulturmiljøforvalting, regionale bibliotektenester, frivillig sektor og kreativ og kulturell næring. Kultur-, næring- og folkehelseutvalet er hovudutval for sektoren. Avdelinga driftar Eldrerådet og Råd for personar med nedsett funksjonsevne. Avdelinga har totalt 43 årsverk, kontorstader i Ålesund, Molde og Kristiansund, og eit bruttobudsjett på om lag 250 millionar kroner.
Møre og Romsdal fylkeskommune løyser sentrale utviklings- og forvaltningsoppgåver i ein regional organisasjon -- i nært samspel med kommunar, næringsliv og organisasjonar. Vi skal vere ein god tenesteytar for innbyggjarane og ein tydeleg medspelar i utviklinga av fylket.
Møre og Romsdal fylkeskommune er ein lærande organisasjon kjenneteikna av verdiskapande samarbeid og tillit. Dette verdigrunnlaget ligg til grunn for korleis vi løyser samfunnsoppdraget vårt.
Møre og Romsdal fylkeskommune har som mål å spegle mangfaldet i befolkninga. Alle med ønska kompetanse er velkomen til å søkje ledig stilling hos oss. Tilsettinga er elles på fylkeskommunale vilkår og i tråd med gjeldande lovar, avtalar og reglement. Vi nyttar nynorsk i skriftleg kommunikasjon. Opplæring blir gitt.
Møre og Romsdal fylkeskommune nyttar elektronisk søknadsbehandling. Vi ber derfor om at du sender elektronisk søknad.
Vi gjer merksam på at søkjarlista kan bli offentleg sjølv om søkjar ber om anonymitet jf. Offentleghetslova § 25.2. Om dette blir tilfelle, vil vi ta kontakt med søkaren før offentleggjering.
Om bedriften
Bli med å utvikle regionen saman med oss! Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen - hos oss får du utvikle deg sjølv og kompetansen din.