Rådgjevar

Laboratorieklinikken i Helse Bergen er ein av dei største leverandørane av laboratorietenester i landet. Laboratorieklinikken har over 900 tilsette og er fordelt på åtte einingar: Avdeling for medisinsk biokjemi og farmakologi, Avdeling for patologi, Mikrobiologisk avdeling, Avdeling for immunologi og transfusjonsmedisin, Avdeling for medisinsk genetikk, Kreftgenomikk, Biobank Haukeland og Seksjon for bioinformatikk. Den største delen av verksemda er lokalisert til Haukelandsområdet, men vi har også laboratorium ved Kysthospitalet i Hagevik, Voss sjukehus, samt prøvetakingseiningar i Norhordaland og Bergen sentrum.

Laboratorieklinikken har no ei ledig stilling som rådgjevar med særleg ansvar for oppfølging av forsking og innovasjon. Laboratorieklinikken har stor forskingsaktivitet og godt samarbeid med andre sjukehus og universitet. Rågjevaren vil bidra til å følgje opp forsking- og innovasjonsstrategien i Laboratorieklinikken, utøve lokal forskingsstøtte og ha ansvar for forskingsadministrasjon. Utover dette er det aktuelt at rådgjevaren deltar i prosjektarbeid og andre prosessar som pågår i klinikken. 

Stillinga rapporterer til direktør for Laboratorieklinikken. Leiinga i Laboratorieklinikken består av direktør, to assisterande direktørar, og tre rådgjevarar. I tillegg er det tett samarbeid med controller og personalrådgjevar for klinikken. Rådgjevarane jobbar teambasert med nokre sjølvstendige ansvarsområde. 

Arbeidsoppgåver

• Forskingsadministrasjon, oppfølging av forskingsprosjekt og biobankar
• Forskingsstøtte, inkludert bistand i utforming av søknadar om ekstern finansiering
• Prosjektarbeid og saksbehandling, inkludert prosjektleiing og deltaking i endrings- og utviklingsprosjekt, delta i planlegging av ny aktivitet, og koordinering og oppfølging av avdelingane i Laboratorieklinikken
  
• Administrasjonsoppåver for Laboratorieklinikken
• Leiarstøtte for direktør

Kvalifikasjonar

• Doktorgrad i relevant fagfelt 
• Erfaring med forsking og/eller forskingsadministrasjon og forskingsstøtte
• Kjennskap til laboratoriefag er ein fordel
• Erfaring med prosjektarbeid vil vere ein fordel
• Må meistre norsk og engelsk skriftleg og munnleg

Personlege eigenskapar

• Du er målretta, og får oppgåvene gjort
• Evne til å ta sjølvstendige avgjerder
• Du har god skriftleg og munnleg framstillingsevne
• Du må kunne arbeide godt både sjølvstendig og i team
• Du har gode samarbeidsevner, er arbeidsvillig og initiativrik

Vi tilbyr

• Eit aktivt og godt fagmiljø under stor utvikling
• Løn etter avtale
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Linda Sleire, Ass. direktør, +47 99246588

Arbeidsstad

Haukelandsveien 22
5021 BERGEN

Nøkkelinformasjon:

Arbeidsgivar: Helse Bergen

Referansenr.: 4917638133
Stillingsprosent: 100%
Fast
Søknadsfrist: 10.02.2025