Lege i spesialisering onkologi og hematologi
Ynskjer du å bli ein del av eit fagfelt i rivande utvikling, der du får utfordre og utvikle deg både sjølvstendig og i team med dyktige kollegaer?
Kreftavdelinga ved Helse Førde har ledig fast 100% stilling for lege som vil bli spesialist innan hematologi, og eitt toårig vikariat i 100% stilling for lege som vil spesialisere seg innan onkologi.
Kreftavdelinga har ansvar for medikamentell kreftbehandling for innbyggjarane i tidlegare Sogn og Fjordane, og består av sengepost og poliklinikk.
Avdelinga har pasientar innan fagområda; onkologi, hematologi og palliasjon
Avdelinga er godkjent for spesialistutdanning innan hematologi og onkologi gruppe 2-teneste. Ved fullstendige utdanningsforløp har vi avtale internt og eksternt for både gruppe 1- og gruppe 2-teneste
LIS-legar går inn i 5-delt vaktordning, (helg 09:00 - 14:00) saman med overlege innan hematologi eller onkologi
Oppstart snarast eller etter avtale.
Arbeidsoppgåver
- Klinisk arbeid ved sengepost og etterkvart poliklinikk tilpassa kompetanse
- Behandling og oppfølging av pasientar innan onkologi og hematologi
- Deltaking i internundervisning for avdelinga
Kvalifikasjonar
- Norsk autorisasjon som lege
- Søkjar til fast stilling må ha gjennomført LIS1-teneste
- Søkjar som ventar på LIS1-teneste, eller ynskjer praksis på sjukehus, kan vere aktuelle for vikariat
- Relevant og klinisk yrkeserfaring vert vektlagt
- God munnleg og skriftleg kommunikasjonevne
Personlege eigenskapar
- Motivasjon og interesse innan fagfeltet
- God fagleg vurderingsevne, arbeider målretta og strukturert
- Kommunisere godt med pasientar, pårørande og kollegaer
- Evne til å bidra positivt til eit godt fagleg og kollegialt arbeidsmiljø
Vi tilbyr
- Ein spennande, utfordrande jobb, i eit travelt og utviklande fagleg miljø
- Lønn i samsvar med gjeldande overeinskomst
- Gode pensjons og forsikringsordningar
- Eit meiningsfylt arbeid som gjev personleg utvikling
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Kontaktinformasjon
Ingunn Solheim Terøy, Seksjonsleiar, +47 57839313Arbeidsstad
Svanehaugvegen 26812 Førde
Nøkkelinformasjon:
Arbeidsgivar: Helse FørdeReferansenr.: 4795075588
Stillingsprosent: 100%
Fast, Vikariat
Søknadsfrist: 22.04.2024
Om bedriften
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Helse Vest skal så langt som råd avspegle mangfaldet i befolkninga. Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.