Sakshandsamar ved helse og omsorg

Om stillinga

Me ha ledig 100% fast stilling som sakshandsamar ved helse og omsorg  frå 01.01.25.

Stillinga er organisert i kommunalområde helse og omsorg, under stabstenester i forvaltning og tildeling. 

Dei andre avdelingane i dette kommunalområdet er  bu og miljø, institusjonstenester og heimetenester.

Hovedoppgåva i denne stillinga er å fatte vedtak om tenester etter helse og omsorgstenestelova. Du kjem til å handsame søknader om behov for helse og omsorgstenester frå 0 - 100+ år, og du vil ha tett samarbeid med dei andre avdelingane i helse og omsorg. 

Aurland kommune har i kommuneplanen sin samfunnsdel mål om at innbyggjarane har moglegheit til å leve aktive og sjølvstendige liv og ta medansvar for eiga helse. Du vil vere med å bidra til å nå dette målet, og utvikle målretta tenester etter behova til innbyggarane, ressursar og eigenmeistring.

Kommunen satsar på velferdsteknologi og vi søker deg som er opptatt av kvalitet, er nytenkande og kreativ. Målet vårt er å utvikle gode og berekraftige tenester. Kommunen nyttar i dag Visma Profil og Elements som sakshandsamingssystem, og samhandlingsverktøyet Visma Flyt Samspill som plattform for samhandling kring individuell plan. Sakshandsamar vil ha ei nøkkelrolle i prosessar der kommunen skal vidareutvikle systema som er viktige for forvaltning og tildeling, og du må difor trivast med utviklings- og prosjektarbeid. 

Arbeids- og ansvarsområde

• sakshandsame søknader og førespurnadar om kommunale helse- og omsorgstenester. Dette inneber å ta avgjerd om tildeling / avslag på kommunale tenester etter gjeldande lov, forskrift, rutinar og rettleiingar
• handsaming av vederlag for opphald ved institusjon
• sikre rettane til pasientar og brukarar i sakshandsaminga
• samarbeid med koordinerande einingar og handsame søknader om individuellplan og koordinator
• delta i kartlegging, ta avgjerd og tildele tenester for å sikre behovet til  innbyggarane 
• arbeide med prisar og gebyr 
• ha oversikt over behov og tilgang til dei ulike tenestene
• samarbeid i samband med sakshandsaming 
• gje råd og rettleiing til innbyggarane
• bidra til tenesteutvikling og gode pasientforløp 
• kvalitetsforbedringsarbeid, utarbeide prosedyrer, oppdatere tildelingskriteria og heimesida til kommunen for fagområdet
• sakshandsame klager
• opplæring av kollegaer innan fagfeltet
• legge fram saker  til politisk handsaming
• systemadministrator for Visma Profil og Visma Flyt Samspill
• prosess- og utviklingsarbeid
• andre oppgåver kan bli lagt til stillinga

Me tilbyr

• ei utfordrande stilling med moglegheit for utvikling og fagleg påverknad 
• bli ein del av ein triveleg arbeidsplass der arbeidsmiljø står i sentrum 
• gode pensjons- og forsikringsordningar 
• fleksitidsordning
• gratis inngang til treningsrom i Aurlandshallen 
• gratis inngang til symjehallen 
• hjelp til å skaffe bustad 
• hjelp til å skaffe jobb til partnar 

Sjå gjerne informasjonsbrosjyre om kommunen vår her.

Kvalifikasjonar

• minimum tre - årig helse og sosialfagleg, pedagogisk, juridisk eller anna relevant høgare utdanning frå universitet / høgskule
• vidareutdanning innanfor helserett, forvaltningsrett er ein fordel 
• erfaring med sakshandsaming og anna arbeid innan helse og omsorg er ein fordel

         I tillegg ynskjer me at du:

• har vilje til kompetanseheving, delta på kurs og opplæring 
• har gode digitale og skriftlege ferdigheiter 
• har kjennskap til helse- og omsorgstenester som omsorgsstønad, brukarstyrt personleg assistanse (BPA) og praktisk bistand og opplæring

Personlege eigenskapar

Me ynskjer at du:

• er strukturert, løysingsorientert og har gode kommunikasjonsevner 
• har evne til å sjå ressursane og moglegheitane til  brukarane 
• har gjennomføringskraft og evne til å ta avgjerd i komplekse problemstillingar 

Våre verdiar er:  L-Æ-R, som står for Likeverd, Ærlegdom og Respekt. 

Løns- og tilsetjingsvilkår

• tilsetting, løn og arbeidsvilkår er i samsvar med gjeldande lover, reglement og tariffavtale
• politiattest etter helse- og omsorgstenestelova  må leverast før du byrjar i stillinga

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon 

Aurland kommune praktiserer meiroffentlegheit og kunngjer forenkla søkarlister til ledige stillingar. Søkarar, som har oppmoda om at namnet blir unnateke søkarlista, må krysse av for dette og grunngje valet i søknadsteksten. Me tek kontakt med søkarar som har bedt om dette, dersom me meinar at grunngjevinga ikkje er tilstrekkeleg. 

Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere. 

Me ynskjer deg velkomen som arbeidssøkar i Aurland kommune.