U05 Innsatsleiar
INDRE SUNNMØRE-Seksjon for vakt og beredskap, Møre og Romsdal politidistrikt
Torvmyrane 11b, 6160 Hovdebygda
Om jobben
Stillingstittel
U05 Innsatsleiar
Type ansettelse
Fast
Arbeidsspråk
Norsk
Antall stillinger
2
I Møre og Romsdal politidistrikt er det ledig to faste stillingar som innsatsleiar, politioverbetjent SKO 0287, ved seksjon for vakt og beredskap i Indre Sunnmøre politistasjonsdistrikt.
Innsatsleiar er politiet sin øvste leiar på taktisk nivå og leier politiet sitt innsats på eller ved staden der politiinnsats er nødvendig. Innsatsleiar skal koordinere innsatsen på staden mellom politiet og andre naudetatar (brann/helse) når dei opptrer saman i same oppdrag.
Innsatsleiar jobbar tredelt skift, på turnusliste.
Vi søkjer deg med gode leiareigenskapar som har evne å sjå moglegheiter, ta sjølvstendige avgjerder i ein hektisk arbeidskvardag og som skapar resultat i samhandling med andre.
GDE Sunnmøre omfattar totalt fire politistasjonsdistrikt, henholdsvis Ålesund, Ulstein og Hareid, Søre Sunnmøre og Indre Sunnmøre politistasjonsdistrikt. Stillinga ligg til Indre Sunnmøre politistasjonsdistrikt, ved seksjon for vakt og beredskap. Seksjonen har to oppmøtestadar, Ulstein og Hareid politistasjon og Volda og Ørsta politistasjon, og er organisert i tre avsnitt med eigen avsnittsleiar. Ei av desse ledige stillingane har oppmøte på Ulstein og Hareid politistasjon, den andre på Volda og Ørsta politistasjon.
Vi oppfordrar kvinner til å søkje på stillinga.
Arbeidsoppgåver
- Planleggje, leie, koordinere og kvalitetssikre akutte og planlagde operative aksjonar på taktisk nivå, herunder også "politiarbeid på staden".
- Planleggje og gjennomføre leiing ved større arrangement
- Planleggje og gjennomføre innsatsleiing og kortesjeteneste ved VIP–besøk
- Delta i å utarbeide, gjennomføre og evaluere operativt planverk og øvingar
- Ha kjennskap til relevante rutinar, instruksar og planverk
- Ansvar og deltaking innan tildelt fagfelt og utvikling av metode, herunder utvikle politidistriktets tiltakskort på taktisk nivå
- Delta i arbeidsgrupper og metodegrupper
- Aktiv samarbeidspart i relevante operative leiarforum i distriktet
- Vere med å utvikle ein kultur for openheit gjennom god leiing og aktivt medarbeidarskap
- Kontakt med media i samband med større operative hendingar
- Bidra med helse, miljø og sikkerheit på eiga seksjon, og sørge for å kvalitetssikre at HMS–arbeid blir ivaretatt før, under og etter oppdrag, jfr. HMS-regelverket i politidistriktet
- Planleggje og gjennomføre defuse/debrief etter alvorlege hendingar i medhald av PBS I
- Andre oppgåver pålagt av overordna
Kvalifikasjonar
Nødvendig:
- Vitnemål frå Politiskulen/Politihøgskulen
- Relevant erfaring frå operativ tjeneste i minimum fem år
- Søkjar må vere IP4-godkjend eller kvalifisert og villig til å bli IP-godkjend
- Godkjend som utrykningssjåfør eller kunne få slik godkjenning
- God munnleg og skriftleg formidlingsevne
- God IKT-kompetanse og kjennskap til politiet sine IKT-verktøy
- Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
- Må kunne sikkerhetsklarerast for HEMMELEG
Ønskeleg
- Gjennomført innsatsleiarstudium er ein fordel
- Gode kunnskapar om politidistriktet sitt plan- og instruksverk
- Kurs i operativ leiing eller tilsvarande
- Innsikt i kunnskapsstyrt politiarbeid og politiarbeid på staden
- Anna relevant erfaring frå politiet
Personlege eigenskapar
- Evne til å sjå moglegheiter og ta sjølvstendige avgjerder i ein hektisk arbeidskvardag
- Evne til å motivere og skape resultat i samhandling med andre, spele andre gode
- Gode evner til kommunikasjon, samarbeid og teambygging
- Evne til å tenkje klart i ein hektisk arbeidshverdag, og leie andre gjennom det samme
- Samfunnsorientert med forståing for eininga si rolle i samfunnsoppdraget til politiet
Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spennande arbeidsplass for deg som vil vere med på å forme polititenestene for framtida
- Eit arbeidsmiljø med engasjerte og dyktige kollegaer
- Stillinga som politioverbetjent (SKO 0287) med funksjon som innsatsleiar er lønna frå lønnstrinn frå kr. 635 400,- til kr. 679 700,- pr. år. For særskilt kvalifiserte kandidatar kan høgare lønn vurderast
- Godtgjersle etter gjeldande ATB og tillegg for eventuell turnusteneste
- Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon
- Møre og Romsdal politidistrikt er ei IA-bedrift og er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.
Kontaktinformasjon
Frode Halse Digernes, Seksjonsleiar, 402 82 058Arbeidsstad
Torvmyrane 11b6160 Hovdebygda
Nøkkelinformasjon:
Arbeidsgivar: Møre og Romsdal politidistriktReferansenr.: 4807283445
Stillingsprosent: 100%
Fast stilling
Søknadsfrist: 30.05.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Sektor
Offentlig
Nettsted
www.politiet.no/jobb
Annonsedata
Rapporter annonse- Stillingsnummer
2653726
- Sist endret
31. mai 2024
- Hentet fra
talentech
- Referanse
8e1a82533d04423dbf99046a3c6ee8e5