Sjukepleiar ved Hogatunet bu- og behandlingssenter
Vil du vere med og forme helsetenestene i Stad kommune?
Vi har ledige, faste stillingar som sjukepleiar.
Hogatunet har 52 institusjonsplassar fordelt på fem avdelingar. Det er fire avdelingar for langtidsopphald der to avdelingar er spesielt tilpassa bebuarar med behov for skjerming i kvardagen. Ei avdeling er tilrettelagt for korttids- og avlastningsopphald.
Hogatunet har eige institusjonskjøkken som og leverer mat til heimebuande, Fossevegen og Bryggja bufellesskap.
Du vil få ansvarsfulle faglege oppgåver, høve til å kunne utvikle deg og vere med å påverke tenesta. Vi søkjer deg som er innovativ, jobbar for kontinuerleg forbetring og som kan bidra med nye idear og perspektiv i tenesteutviklinga. Som tilsett i eininga vil du samarbeide med andre tenester som heimetenesta, sjukehus, legetenesta og fysio-og ergoterapitenesta.
Stillinga har tredelt turnus.
Er du i sluttfasen av sjukepleiestudiet? Start gjerne di utvikling som sjukepleiar hos oss!
Arbeidsoppgåver
- Sjukepleiefaglege oppgåver, omsorg og medisinsk behandling
- Kartlegging og vurdering av behov for brukarane
- Oppfølging og dokumentasjon etter gjeldande krav til kvalitet, lovverk og kommunale retningslinjer
- God organisasjons- og systemforståing
- Rettleie medarbeidarar, studentar og lærlingar
- Tverrfagleg samarbeid med anna fagpersonell
Kvalifikasjonar
- Off. godkjend sjukepleiar
- Er du sjukepleiarstudent oppfordrar vi deg til å søkje
- Gjerne relevant vidareutdanning og kurs
- Gode språkkunnskapar i norsk både munnleg og skriftleg
Personlege eigenskapar
- Du jobbar for eit kontinuerleg godt og utviklande arbeidsmiljø
- Gode kommunikasjons- og samarbeidsevner
- Du likar utfordringar og varierte arbeidsdagar
- Er fleksibel, tek initiativ og ansvar
- Du kan arbeide sjølvstendig og samarbeid med andre
For oss er det viktig at du trivast med menneske og at du ønskjer å bruke faget ditt til det beste for våre brukarar. Dei vi skal hjelpe har ulike medisinske behov, og du må difor kunne setje deg inn i ulike sjukdomsbilete og anbefalte behandlingsmetodar.
Vi tilbyr
- Godt og nært tverrfagleg samarbeid
- Godt arbeidsmiljø og høve til fagleg utvikling
- Løns- og arbeidsvilkår i samsvar med lokalt og sentralt avtaleverk
- Gode pensjons- og forsikringsordningar
- Kompetansetillegg (inntil kr 28 000)
- Høve til å inngå avtale om å arbeide fleire helgar i årsarbeidsplan eller hjelpeturnusperiodar mot ekstra kompensasjon
- Høve for inkludert 10% frie timar i turnus
- Tilbod om flyttegodtgjersle om du flyttar til kommunen vår
- Høve til fagleg utvikling og tilrettelegging for vidareutdanning på område kommunen har behov for
Vi ber om at attestar, vitnemål og relevante referansar vert lagt ved søknaden.
Informasjon om pensjons- og forsikringsordningane til Stad kommune finn du her.
Stad kommune har seks månader prøvetid. Vi ber om referansar av nyare dato. Politiattest skal leggjast fram før start i stillinga.
Etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Dersom du har spørsmål om stillinga kan du ta kontakt med einingsleiar Heidi Munch Starheim.
Kontaktinformasjon
Heidi Munch Starheim, einingsleiar Hogatunet bu- og behandlingssenter, 48045210Arbeidsstad
Skulevegen 246770 Nordfjordeid
Nøkkelinformasjon:
Arbeidsgivar: Stad kommuneReferansenr.: 4767648839
Stillingsprosent: 100%
Fast
Søknadsfrist: 08.04.2024
Om bedriften
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad og Bryggja vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!