ID 953 Rimbareid skule har ledig 100% stilling som vernepleiar

Rimbareid barne- og ungdomsskule er ein 1.--10. skule med om lag 350 elevar. Skulen ligg flott til på Rimbareid i Fitjar kommune med utsikt over store delar av bygda, og står fram som attraktiv med nytt tilbygg, rehabilitert bygningsmasse og oppgradert uteområde.

Rimbareid skule skal vere ein inkluderande skule, der alle kjenner at dei høyrer til. Me strekk oss etter å stimulere elevane si nysgjerrigheit, lærelyst og meistringsglede gjennom tilrettelagt, utforskande og praktisk undervisning.

Me søkjer no ein engasjert og dyktig vernepleiar som skal bidra i dette arbeidet og leggja til rette for at alle elevane våre opplever meistring og læring i skulefellesskapet.

Arbeidstida er i hovudsak 8.00 -- 16.15 måndag til fredag, med arbeidsoppgåver både i skulen og på SFO.

Me søkjer etter ein vernepleiar som:

• Har godkjent vernepleiarutdanning frå høgskule

• Kan identifisera miljøfaktorar som fremjar opplæring og utvikling for elevar med særskilte behov og føresetnadar.

• Kan utarbeida, førebu og gjennomføra opplæringstiltak og -aktivitetar i samarbeid med lærarane.

• Har kunnskap om tilrettelegging for individuell opplæring

• Kan bidra til inkludering, deltaking og auka toleranse for mangfald.

• Er robust og løysingsorientert.

• Har erfaring frå arbeid i skulen.

• Har godt humør og gode samarbeids- og kommunikasjonsevner.

• Har evne til å ta initiativ og arbeide målretta og sjølvstendig.

Fitjar kommune praktiserer likestillingspolitikk og ynskjer søkarar uavhengig av kjønn, alder og bakgrunn. Vi oppfordrar spesielt menn til å søkje på denne stillinga.

Løns- og arbeidsvilkår vert i samsvar med gjeldande lover, reglement og tariffavtalar.

Søknad med referansar og oppdatert CVskal sendast til Fitjar kommune. Me oppmodar at ein søkjer elektronisk, http://www.fitjar.kommune.no/sok-ledige-stillinger.

Søkjarar må leggja fram politiattest før dei tek til i stillinga, jf. Opplæringslova § 10 - 9. Vitnemål og attestar skal takast med ved innkalling til intervju.