Innkjøpssjef \| Alver kommune
Alver kommune søkjer ein strategisk og utviklingssterk person til å utvikle innkjøpsområdet i den nye storkommunen i Nordhordland. Kommunen gjennomfører innkjøp for mange hundre millionar i året, og innkjøpssjefen får hovudansvaret for å utvikle strategiar og system for å profesjonalisere arbeidet med anskaffingar og innkjøp i heile organisasjonen.
Ansvar og oppgåver
- Etablere, leie og utvikle innkjøpsområdet i Alver kommune
- Bidra gjennom leiarstøtte og gode prosessar til at kommunen når strategiske mål
- Utvikle og implementere strategiar, system, verktøy og rutinar som sikrar tenlege innkjøpsprosessar og -rutinar
- Handtere regelverk for offentlege anskaffingar
- Planlegge og gjennomføre konkrete anbods- og innkjøpsprosessar
- Budsjett- og økonomiansvar
Kvalifikasjonar
- Høgare relevant utdanning frå universitet eller høgskule. Relevant erfaring kompensere for manglande utdanning
- Erfaring og kunnskap om offentlege anskaffingar
- God forståing for offentleg sektor og samspelet mellom politisk og administrativt nivå
- Evne til å jobbe både strategisk og operasjonelt
Personlege eigenskapar
- Du kommuniserer på ein god og tillitvekkande måte -- både munnleg og skriftleg
- Du er tydeleg og strukturert
- Du er utviklings- og resultatorientert
- Du er open og involverande, og er ein god relasjonsbyggjar
- Du har evne til ta avgjerder for å sikre god gjennomføring
- Du har god rolleforståing
Innkjøpssjefen rapporterer til ass. rådmann Martin Kulild. Administrasjonsmålet i Alver kommune er nynorsk.
For meir informasjon om stillinga, ta kontakt med Visindi ved Hege Solbakken på 911 04 141 eller Knut Eide på 916 56 107. A ll kontakt vil bli handsama konfidensielt, om ynskjeleg og overfor oppdragsgjevar i innleiande fase. Søknaden skal sendast via "stillinger" på Visindi.no innan 15. mars 2020. Stillinga er omfatta av Offentleglova. Søkjaren vil alltid bli kontakta på førehand dersom søkjarlista blir offentleggjort .
Om bedriften
Alver kommune er med om lag 30 000 innbyggjarar, ein av dei største kommunane i Vestland. Alver kommune ligg nord for Bergen og er eit kraftsentrum i regionen. Vi skal vere ein heilskapleg samfunnsutviklar og byggje fellesskap i ein region med sterk vekst og utvikling. Til dette oppdraget treng vi engasjerte og kompetente medarbeidarar -- som ser på oppgåvene sine som meiningsfylte og del av eit viktig samfunnsoppdrag. Vi er allereie godt i gang med det viktige arbeidet og ønskjer deg med på laget!