Psykolog i poliklinikk 100% fast
Org. nr: - Stillingsident: 4401665018 Presentasjon av stillingen:
Er du opptatt av faget ditt, liker å engasjere deg, raus med å dele og er opptatt av godt arbeidsmiljø? Da er du den rette psykologen for oss på BUP.
BUP søkjer etter ein psykolog til poliklinikken i 100% fast stilling.
BUP har som mål å ha høg fagleg kompetanse, og at fagpersonane deltar aktivt i fagleg utvikling. BUP Haugesund driv med mange ulike behandlingsmetodar som f.eks. B4DT (4-dagers), TF-CBT, DBT m.m. Nyansatte får nødvendig opplæring, kurs og vidareutdanning for å kunne bidra i ulike behandlingstilbod.
Vi er opptatt av stor trivsel på arbeidsplassen og vi har fleire sosiale arrangement i løpet av året som felleslunsjer, fagdager, moglegheit for felles lunsjtrening og sammenkomstar på kveldstid. Fagleg leiing er vekta høgt i poliklinikken og lederteamet består av to psykologspesialistar, legespesialist og merkantil.
Det er ønskjeleg at ein engasjerer seg i å byggje framtidas BUP slik at ein opplever dette som den beste arbeidsplassen innan fagfeltet på Haugalandet.
Psykologfaggruppa består av ein god kombinasjon av relativt nyutdanna og meir erfarne psykologar og psykologspesialistar. Det er derfor tilgang til eit godt fagleg og sosialt fellesskap. Ein legg til rette for spesialisering for psykologar, og vedlikehold av spesialitet for spesialistar. Ein har tilgang til psykologspesifikk undervisning, i tillegg til fellesundervisning og kurs for heile BUP.
Det er etablert regelmessige faggruppemøter med fokus på fagleg utvikling og samarbeid.
Vi er opptatt av godt samarbeid og samhandling. Kjenner du til barn og unges helseteneste? Sjå filmen og bli litt betre kjent med oss: https://youtu.be/FKTrqoZHBxM
BUP Haugesund gir tenester på spesialistnivå til barn og unge (0-18 år). Opptaksområdet for poliklinikken dekker 10 kommunar (Karmøy, Haugesund, Utsira, Sveio, Tysvær, Bokn, Vindafjord, Etne, Sauda og Suldal).
BUP Haugesund har poliklinikk, ungdomspsykiatrisk post og barnepsykiatrisk post. Døgnpostane har akuttfunksjonar og dekker heile opptaksområdet til Helse Fonna. Poliklinikken er inndelt i 2 geografiske allmennpsykiatriske team.
BUP Haugesund er godkjent som utdanningsinstitusjon innan barne- og ungdomspsykiatri.
Arbeidsoppgåver
- Utgreiing, diagnostisering og behandling av barn og ungdom.
- Bidra fagleg gjennom rettleiing, undervisning, teamarbeid og engasjert deltaking i BUP si utvikling via fagnettverket.
- Kontakt med føresette og andre aktuelle instansar rundt barn/ungdom.
Kvalifikasjonar
- Norsk autorisasjon som pykolog / spesialistgodkjenning.
- Det er ønskjeleg med erfaring frå arbeid i BUP.
- Må kunne godt norsk skriftleg og munnleg.
Utdanningsretning
- Psykologi
Utdanningsnivå
- Profesjonsstudium
- Vidareutdanning / Tilleggsutdanning utover oppnådd grad
Personlege eigenskapar
- Evne til samarbeid og formidling av kunnskap internt og eksternt.
- Arbeider strukturert og sjølvstendig.
- Kreativ, nytenkjande og fleksibel.
- Personlege eigenskapar blir vektlagde i henhold til eksisterande team.
- Personleg presentasjon, CV og referanser blir vektlagt i rekrutteringsprosessen.
Language
- Norsk
Vi tilbyr
- Eit utfordrande og spennande arbeidsfelt i utvikling.
- Arbeid i tverrfaglege team.
- Kompetanseheving.
- Eit godt fagmiljø og kjekke kolleger.
- Faggruppemøter i ei stor og engasjert psykologgruppe.
- Lønn etter gjeldande overeinskomst.
- Stillinga er på dagtid, 37,5 t/veke og mogelegheit for fleksitid.
Kontaktinformasjon
Margrethe Reigstad Aase, Funksjonsleiar/psykologspesialist, 52732850, margrethe.reigstad.aase@helse-fonna.no
Marit Elisabeth Ness, Funksjonsleiar / Psykologspesialist, 52732850, marit.elisabeth.ness@helse-fonna-no
Arbeidsstad
Vinjesgt.10
5522 Haugesund
Søk på stillinga:Klikk her
Nøkkelinformasjon:
Arbeidsgivar:Helse Fonna HF
Referansenr.:4401665018
Stillingsprosent: 100%
Fast
Søknadsfrist: 22.06.2021
Om bedriften
Helse Fonna har rundt 4000 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland. Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar. Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
For å bli betre kjend med oss, kan du sjå www.helse-fonna.no. Følg oss også gjerne på Facebook.