Miljøterapeut eller fengselsbetjent til tverrfagleg Ungdomsteam

Om stillinga

Kriminalomsorga region vest etablerte i 2022 eit ungdomsteam som gir forsterka oppfølging til unge i aldersgruppa 18 til og med 24 år som er under straffegjennomføring i Bergen. Ungdomsteamet er ambulerande og dekker kriminalomsorga sine einingar i Bergen – Bergen fengsel, Bjørgvin fengsel, Lyderhorn overgangsbustad, ND-senteret og Hordaland friomsorgskontor.

I tillegg til ungdomsteamet i Bergen har kriminalomsorga ungdomsteam i Trondheim og Oslo. Det er ei målsetting at dei tre teama skal ha mest mogleg lik praksis. Teamet i Bergen er underlagt Bjørgvin fengsel, men har lokalar på utsida av Bergen fengsel. Teamet vert leia av ein teamleiar.

 

Ungdomsteamet skal vere tverrfagleg samansett. Det er nå eit ledig vikariat i teamet som fengselsbetjent eller miljøterapeut fra dags dato til 30.09.2025. Det er ønskjeleg med snarleg tilsetting.

Arbeidsoppgåver

•  bidra til forsterka oppfølging av unge under straffegjennomføring
•  oppfølging av og samarbeid med unge vaksne under straffegjennomføring, individuelt og i grupper
•  samarbeide med kontaktbetjent og andre tilsette og bidra i einingane sitt arbeid med unge
•  vere ein ekstra ressurs i samband med framstillingar, samarbeidsmøter og programverksemd for unge
•  ha kontakt med og vere til stade for ungdommar under heile straffegjennomføringa, bidra til kontinuitet og at ting er føreseielege
•  bidra til målretta progresjonsarbeid med unge 
•  arrangere aktivitetar for unge, både i og utanfor fengsel
•  tverrfagleg og tverretatleg samarbeid
•  vere ein pådrivar for at unge får sine rettar ivareteke under straffegjennomføring
•  rettleie tilsette i kriminalomsorga
•  ambulerande arbeid og nærvær i alle kriminalomsorga sine einingar i Bergen
•  journalføring og dokumentasjon

 

Den som blir tilsett, må rekne med endringar i ansvars- og arbeidsområde.

Kvalifikasjonskrav

Som miljøterapeut må du ha:
•    sosialfagleg høgskule- eller universitetsutdanning, eller anna relevant høgskule- eller universitetsutdanning på bachelornivå
•    erfaring frå miljøterapeutisk arbeid
•    erfaring frå arbeid med unge
•    god kunnskap og erfaring i bruk av IKT - system eller verktøy
•    førarkort klasse B

Som fengselsbetjent må du ha:
•    bestått fengselsbetjentutdanning frå Kriminalomsorgens høgskule og utdanningssenter KRUS
•    erfaring frå relasjonsarbeid
•    erfaring frå arbeid med unge
•    god kunnskap og erfaring i bruk av IKT - system eller verktøy
•    førarkort klasse B

Det er ønskjeleg at du har
•    erfaring frå tverrfagleg og tverretatleg samarbeid
 

Personlege eigenskaper

•    trivast med og vere eigna til arbeid med unge
•    trivast med og vere eigna til å arbeide i team
•    personlege eigenskapar i tråd med etaten sine verdiar
•    ha personlege interesser som kan takast inn i arbeidet - musikk, trening, kunst, kultur eller andre ting
•    ha evne til å ta avgjersler og til etisk refleksjon, vere kreativ og fleksibel
•    vere lyttande, interessert, open og trygg i møter med unge - ha evne til å vise empati og forståing
•    evne til å søke gode løysningar saman med ungdommen, og i samspel med andre kollegaer, leiing og eksterne samarbeidspartnarar
•    vere tålmodig og ansvarsfull og ha evne til å motivere ungdommar i ein vanskeleg situasjon
•    har evne til tryggleikstenking, grensesetjing, og å vere ein samtalepartnar og rollemodell for ungdommane
•    evne til å arbeide under motstand og kunne stå i vanskelege situasjonar

•    gode kommunikasjons- og samarbeidsevner
•    evne til å arbeide sjølvstendig og systematisk
 

Vi tilbyr

•    meiningsfulle oppgåver i ein etat med eit viktig samfunnsoppdrag
•    gode pensjons-, forsikrings- og låneordningar i Statens pensjonskasse.

 

Miljøterapeutar blir lønna etter stillingskode 1201 miljøterapeut i lønnstrinn 44 - 60 som for tida utgjer ei årslønn på 460 600,- til 584 500,-, avhengig av ansiennitet/kvalifikasjonar.

Fengselsbetjentar blir lønna etter stillingskode 0264 fengselsbetjent i lønnstrinn 41 - 57 som for tida utgjer ei årslønn på 443 000,- til 557 100,-, avhengig av ansiennitet/kvalifikasjonar. Det blir trekt 2 % innskot til Statens pensjonskasse.

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.

Vi jobbar for å realisere regjeringa sin inkluderingsdugnad om at 5 % av ny tilsetjingar i staten skal vere personar med nedsett funksjonsevne eller hol i CV-en.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her.

 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing. Du må vere villig til å gjennomføre kriminalomsorgas tryggleiksopplæring.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Nærare opplysningar om stillinga får du ved å vende deg til teamleiar Thomas Johannesen, tlf. 970.96 112.

For spørsmål om elektronisk utfylling av CV kan Jobbnorge kontaktast på 75 54 22 20.