Bistevaš 100% virgi Vuosttašamanueansa / Vuosttašlektor / Allaskuvlalektor Sámi girjjálašvuođas
Vuosttašamanueansa / Vuosttašlektor / AllaskuvlalektorSámi girjjálašvuođas - 100% bistevaš virgi
Giella, duodji ja servodatdiehtagiid goađis (GDS) lea fásta virgi vuosttašamanueansan, vuosttašlektorin dahje allaskuvlalektoriin sámi girjjálašvuođas.
Virgi lea vuosttažettiin čadnon sámegiela oahpuide bachelor-, master ja/dahje doavttirgrádaoahpuide, muhto sáhttet maid doaimmat sámegiela álgokurssain.
Virggis sáhttet maid leat doaimmat ja ovttasbarggut oahpaheaddjeoahpuiguin SOA-goađis.
Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.
Gelbbolašvuođagáibádusat
Virgái ohcat olbmo geas lea vuosttažettiin doavttergráda sámi girjjálašvuođas dahje
vástideaddji gelbbolašvuohta. Ohccit geain lea mastergráda sámi girjjálašvuođas dahje vástideaddji oahpuin main fáddá ja sisdoallu gullá sámi girjjálašvuhtii ávžžuhuvvojit maid ohcat.
Gelbbolašvuođagáibádusat virgái leat meroštallojuvvon universitehta- ja allaskuvlalága láhkaásahusas ”forskrift 9.2.2006 nr. 129 om ansettelseog opprykk i undervisnings- og forskerstillinger” §1-4 (vuosttašamanueansa), §1-5 (vuosttašlektor) dahje §1-6 (allaskuvlalektor).
Virgái gáibiduvvo buorre máhttu sámegielas, sihke njálmmálaš ja čálalaš.
Jus leat ohccit virgái geat eai deavdde praktihkalaš-pedagogalaš gelbbolašvuođagáibádusa mii gáibiduvvo láhkaásahusas § 1-4 gitta § 1-5,
sáhttá virgáibidjanorgána árvvoštallat virgáibidjat muhtin ohcci gaskaboddosaččat, dainna eavttuin ahte ohcci háhká gelbbolašvuođa dan áigodagas go lea virgáibiddjon. Árvvoštallan dahkko de universitehta- ja allaskuvlalága § 6- 5 vuođul.
Mii fállat
• Virggi mas ovdánahttinvejolašvuođaid, viiddis ja máŋggabealat fágabirrasis
• Ođđaáigásaš visttiid ja máŋggabealat čálgofálaldagaid
• Heivehahtti bargoáiggi
Bálká
Virgi bálkáhuvvo Stáda bálkáregulatiiva 17.510 mielde. Bálká mearriduvvo ohcci oahpu- ja bargohárjáneami vuođul čuovvovaš bálkáplánain:
• Vuosttašamanuensa, virgekoda 1101, bálkárámma 24
• Vuosttašlektor, virgekoda 1198, bálkárámma 24
• Allaskuvlalektor, virgekoda 1008, bálkárámma 25
Bálkkás gesso 2% geatnegahtton divat Stáda penšuvdnakássii.
Ohcan
Ohcamis galgá mielde CV, duođaštuvvon oahppo- ja bargoduođaštusat, ollislaš listu
dieđalaš publikašuvnnain ja relevánta publikašuvnnat.
Bivdit almmuhit unnimusat guokte referánsa
Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte. Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: kundeservice@jobbnorge.no dahje riŋget telefovdnii: 75 54 22 20.
Ohcanáigemearri: 02.07.21
Oktavuođadieđut
Eanet dieđuid virggi birra oažžu goahtejođiheaddjis Anne Britt Klemetsen Hætta tlf. +4778448499 e-poasta: annebkh@samas.no
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide
Norgga stáhtas ja allaskuvlasektoris.
Sámi allaskuvla galgá nu bures go vejolaš speadjalastit álbmoga girjáivuođa ja mii
ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš
ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta
ohcci guđege joavkkus jearahallamii. Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea
sisafárrejeaddjiduogáš. Mearkumat bargoohcciportálas hábmejit vuođu
anonymiserejuvvon statistihkkii maid buot stáhtalaš ásahusat raporterejit iežaset
jahkeraporttain.
Sámi allaskuvla lea IA-ásahus ja deattuha bargodili heiveheami ovttaskas bargái.
Ohccit sáhttet gohččot bargojearahallamii ja doallat geahččalanlogaldallama.
Dievdoolbmot ávžžuhuvvojit ohccát virgái universitehta- ja allaskuvlalága (ual.) § 6-3 (2) vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallái nissonolbmo/nissonolmmoš ovddabeallai dievdoolbmo, gč. ual. § 6-3 (3) gos boahtá ovdan ahte galgá deattuhit dásseárvvu virgáibidjamis.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Om bedriften
Sámi allaskuvla
Sámi allaskuvla lea stáda alit oahppo- ja dutkanásahus. Das lea sámi ja eamiálbmot vuolggasadji buot oahpahusas ja dutkamis mas sámegiella, árbevirolaš máhttu ja ođasmahttin leat guovddážis.
Sámi allaskuvllas leat sullii 200 studeantta ja 100 bargi. Sámi lohkanguovddáš, mii lea nášunala gelbbolašvuođaguovddáš, lea maiddái oassin Sámi allaskuvllas.