Erfaringskonsulent
Ønskjer du ein variert og spennande jobb der du kan bruke din kompetanse frå eigne livserfaringar, for å forbetre tenester? Då er du rett person for oss på BUP Haugesund.
BUP søkjer erfaringskonsulent med ønskje om snarleg tiltreding.
BUP har som mål å ha høg fagleg kompetanse, og at fagpersonane saman med erfaringskonsulenten deltar aktivt i utvikling av tenesta med likeverd. Det vert tenkt at stillinga kan nyttast både på systemnivå og jobbe delvis klinisk, og vil ha ein rådgivande funksjon opp mot leiinga.
Fagleg leiing er vektlagt høgt i poliklinikken, og leiarteamet består av to psykologspesialistar, legespesialist og merkantil. Særleg her ynskjer vi erfaringskonsulentstemmen med inn. Det er ønskjeleg at ein engasjerar seg i å byggje framtidas BUP slik at ein opplever dette som den beste arbeidsplassen innan fagfeltet på Haugalandet.
BUP Haugesund gir tenester på spesialistnivå til barn og unge (0-18 år). Opptaksområdet for poliklinikken dekker 10 kommunar (Karmøy, Haugesund, Utsira, Sveio, Tysvær, Bokn, Vindafjord, Etne, Sauda og Suldal).
Vi har poliklinikk, ungdomspsykiatrisk post og barnepsykiatrisk post. Døgnpostane har akuttfunksjonar og dekker heile opptaksområdet til Helse Fonna. Poliklinikken er inndelt i 2 geografiske allmennpsykiatriske team. BUP Haugesund er godkjent som utdanningsinstitusjon innan barne- og ungdomspsykiatri.
Vi er opptatt av godt samarbeid og samhandling. Kjenner du til barn og unges helseteneste? Sjå filmen og bli litt betre kjent med oss HER https://vimeo.com/810538556
Arbeidsoppgåver
- Vidareutvikle og gjennomføre gruppetilbodet “Heile meg” for henviste ungdommar på BUP
- Bidra til auka recoveryorientert praksis og fokus på brukarmedverknad både på system- og individnivå
- Ta initiativ til å samarbeide om utvikling av undervisning og kurs/undervisningsmateriell for pasientar, pårørande og tilsette
- Aktiv rådgjevar til leiinga og fagpersonar
- Aktivt bidra, forbetre og følgje opp brukarundersøkingar
- Bidra med erfaringskompetanse i overføring, vidareutvikling og evaluering av tiltak / tenesta
- Samarbeide og bidra i nettverksmøter med andre erfaringskonsulentar og ungdomsrådet i Helse Fonna
Kvalifikasjonar
- Eigenerfaring med psykisk liding eller erfaring som pårørande, og ha eit avklart forhold til dette
- Erfaring/kunnskap frå BUP og kan representere barn og unge.
- Erfaring frå aktivitet i ungdomsråd, brukerråd eller liknande engasjement er ønskjeleg.
- Ønskjeleg med helsefagleg utdanning, men ikkje eit krav
- Erfaring med prosjektarbeid
- God evne til å kommunisere med øvrige tilsette, samarbeidspartar og brukarar/klientar
- Gjennomført kursleiarutdanning, til dømes frå Recovery Ressursbase
- Det kan bli ein del reiseverksemd, difor er det ei fordel å ha sertifikat.
- Det vert lagt vekt på personlege eigenskapar.
Personlege eigenskapar
Det vil bli lagt stor vekt på at personen er eigna for stillinga:
- Eigen erfaring som brukar/pasient med helseutfordringar som kan, og dermed villig til å nytta denne erfaringa inn i stillinga som heilhet
- Evne til strukturert og sjølvstendig arbeid
- God på å ta initiativ
- Gode samhandlingsevner
- Tydeleg og fleksibel
- Har stå på vilje og gjennomføringsevne
Vi tilbyr
- Fagleg og personleg utvikling
- Moglegheitar for å jobbe kreativt og sjøvstendig med eigne idear for forbetring
- Eit utfordrande og triveleg arbeidsmiljø i utvikling.
- Du vil bli del av eit tverrfagleg miljø med tilsette frå helseføretak.
- Stillinga er løna etter Statens lønsregulativ.
- Stillinga gir medlemskap i KLP.
Mangfaldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
Kontaktinformasjon
Georg Walter Reinhardt, Avdelingsleiar, 52732850Marit Elisabeth Ness, Psykologspesialist/funksjonsleiar, 52732850
Margrethe Reigstad Aase, Psykologspesialist/Funksjonsleiar, 52732850
Lene Elisabeth Nordtveit, Sekretær, 52732850
Arbeidsstad
Vinjes gate 105522 HAUGESUND
Nøkkelinformasjon:
Arbeidsgivar: Helse Fonna HFReferansenr.: 4779700747
Stillingsprosent: 40%
Fast
Søknadsfrist: 01.04.2024
Om bedriften
Helse Fonna har rundt 4000 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.
Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar.
For å bli betre kjend med oss, kan du sjå www.helse-fonna.no. Følg oss også gjerne på Facebook.