Driftsingeniør 100% fast veg og park, 2 gongs utlysing
Omtale av stillinga
Eining for veg og park har ansvar for drift og vedlikehald av 190 km kommunale vegar, 15 kaiar og 40 bruer. I tillegg har eininga ansvar for den kommunale bil- og maskinparken, og park- og idrettsanlegg. Det er eit stort vedlikehaldsetterslep og eininga har fått tillagt nye oppgåver, eininga treng derfor styrkast. Den som vert tilsett vil rapportera til einingsleiar for veg og park. Oppmøteplass vert ved Husnes driftsbase.
Aktuelle arbeidsoppgåver
- Planlegging og gjennomføring av standardheving/oppgradering knytt til vegar, kaiar, bruer og anna infrastruktur
- Førebyggande arbeid knytt til klimaendringar
- Utarbeiding av konkurransegrunnlag for innkjøp av driftsrelaterte tenester, og mindre investeringar
- Kartlegging og registrering av vegljos og andre tekniske anlegg
- Bidra til «Grønt skifte», bl.a. overgang til EL bilar og utbygging av ladestasjonar for kommunal bilpark m.m.
- Etablering av lokalt hamnestell
- Gjennomføring av mindre trafikktryggingstiltak på og langs kommunalt vegnett
- Sakshandsaming knytt til drift, vedlikehald og forvaltning
Kvalifikasjonar
- Relevant utdanning frå høgskule eller fagskule. Det vil vera ein fordel med fordjuping innan veg og infrastruktur.
- Erfaring med gjennomføring av drift- og utbyggingsrelaterte oppgåver knytt til veg og infrastruktur er ønskeleg.
- Relevant erfaring kan kompensera for manglande utdanning.
- Gode IT-kunnskapar.
- God munnleg og skriftleg norsk framstilling.
- Det er viktig å ha gode samarbeids- og kommunikasjonsevner, og kunna arbeida sjølvstendig, systematisk og ansvarsbevisst.
- Personlege eigenskapar vil bli vektlagt.
- Søkjar må ha førarkort klasse B og kunne disponera eigen bil.
Det er ønskjeleg at søkjar oppgjer referansar som evt. kan kontaktast.
Vi tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom KLP.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentleggjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Link til søknadsskjema: Send søknad