Spesialpedagog / logoped
Pedagogisk fagsenter Os PPT søkjer spesialpedagog / logoped i 80 % fast stilling.
Stillinga er ledig frå 01.08.19. Os og Fusa PPT har felles leiing frå 01.08.2019 og vil frå kommunesamanslåinga 2020 bli Bjørnafjorden PPT.
Pedagogisk fagsenter er ein del av Pedagogisk psykologisk teneste (PPT). Fagsenteret er ei rettleiings - og oppfølgingsteneste som har ansvar for det spesialpedagogiske arbeidet retta mot barnehagane i kommunen. Fagsenteret sine oppgåver er å gje spesialpedagogisk hjelp til barnehagane og det enkelte barn, både i høve vedtak etter Barnehagelova § 19A, organisasjons og kompetanseheving og Lavterskeltiltak.
Fagsenteret bidrar også i arbeidet kring rettleiing og utvikling av tenestetilbodet til barn med nedsett funksjonsevne.
Vi søkjer etter spesialpedagog / logoped som ønskjer å jobbe direkte inn i barnehagane i Os og Fusa.
Arbeidsstad
Barnehagane i Os og Fusa kommunar / Pedagogisk Fagsenter Os PPT.
Arbeidsoppgåver
-Spesialpedagogisk hjelp etter Barnehagelova § 19A
-Jobba saman med og rettleie personalet i barnehagen når det gjeld barnehagen som system og det individuelle
barnet sine behov.
-Samarbeid med føresette og andre instansar rundt barnet.
Kvalifikasjonar
- Høgskuleutdanning, fortrinnsvis master, innanfor fagområda pedagogikk, spesialpedagogikk eller logopedi
- Rettleiingskompetanse i høve heim og barnehage
- Evne til å arbeide sjølvstendig, vise fleksibilitet og kreativitet i høve arbeidet
- Forståing for viktigheten av heilskap i arbeidet med barn
- God skriftleg og muntleg framstillingsevne og digital kompetanse
- Endringsvilje
- Gode samarbeidsevner i høve ulike arenaer og tenester med ulikt oppdrag
Det vert lagt stor vekt på personlege eigenskapar.
Vi gjer merksam på at du må leggja fram politiattest.
Vi tilbyr
- Utfordrande arbeidsoppgåver i eit hektisk og godt miljø
- Stor grad av sjølvstende i arbeidet
- Fagleg rettleiing
- Løn etter avtale
- Pensjonsordning i KLP
Vi arbeidar for å få etablert heiltidskultur i kommunen.
Slik søkjer du
Klikk på "søk på stilling" og følg vidare instruksjonar.
Eksterne søkjarar må oppretta brukarnamn og passord før dei loggar seg på første gang.
Tilsette i kommunen er allereie definert som brukar i systemet, og skal ikkje registere seg på nytt. Dersom du ikkje har internt brukarnamn og passord, kan du få dette tilsendt på e-post via funksjonen "Glemt brukernavn/passord" eller ta kontakt med Personalavdelinga.
Om bedriften
1.januar 2020 slår Os og Fusa kommunar seg saman til Bjørnafjorden kommune."Saman for vekst og utvikling!" er visjonen for arbeidet med kommunesamanslåinga, og større og meir robuste fagmiljø er eit viktig mål. Vi ser etter medarbeidarar som lyttar med respekt , finn smarte løysingar, gjer det dei seier og er inkluderande.