Sunnfjord kulturskule søker distriktsmusikar

Vi søker etter ein musikar med relevant utdanning og erfaring, med trompet som hovudinstrument.

Sunnfjord kulturskule er ein av dei største i regionen med ca. 500 elevar og 24 tilsette. Skulen fekk nytt, moderne bygg i 2020. Som distriktsmusikar inngår du i gruppa med 8 musikarar på ulike instrument – trekkspel, hardingfele, fiolin, piano, song, fløyte og gitar. Stillinga består av 50% utøvarverksemd og 50% undervisning. I regionen er det tilsett totalt 20 distriktsmusikarar som er viktige samarbeidspartar.

Kulturskulen gir undervisning i kunstfaga teater, musikk og visuell kunst. Kulturskulen har utarbeidd eigen læringsplakat, der målet er at undervisninga og arbeidsmiljøet skal vere kjenneteikna av vår visjon “Oppleve-Skape-Dele". Kulturskulen har hovudbase i eigne lokale i Førde sentrum i tilknyting til kulturhuset Førdehuset. I tillegg har kulturskulen undervisning på fleire andre lokasjonar rundt i kommunen. Kulturskulen samarbeider med ei rekke kulturaktørar i regionen, både profesjonelle og med det frivillige kulturlivet. Les meir om skulen på sunnfjordkulturskule.no

Vi har ledig: 

Arbeidsoppgåver: 

• 50% musikaroppdrag solo eller i gruppe: 
  - utvikling av eigne konsertar 
  - konsertverksemd med tilhøyrande presentasjon 
  - utøvande verksemd i den kulturelle skulesekken og på omsorgsentra.
• 50% undervisning individeuelt eller i gruppe
  -  dirigere og instruere skulekorps. 
• Oppfølging av elevar og føresette. 
• Delta i det profesjonelle læringsfellesskap på skulen gjennom møter med fagteam, kollegaer og personale. 
• Skape gode rammer for konsertar/utstillingar/framsyningar for eleven i samarbeid med kollegaer og på eige initiativ. 
• Kvelds- og helgearbeid må påreknast.

Krav til søkar:

• Utøvande studie i musikk på høgskule- eller universitetsnivå, helst med pedagogikk. Realkompetanse kan vurderast.
• Relevant musikarerfaring.
• Relevant pedagogisk undervisnings-/produksjonserfaring.
• Gyldig politiattest av ny dato
• Førarkort klasse B og gjerne disponere bil
• Norsk språknivå tilsvarande B1 (gjeld dersom anna morsmål enn skandinavisk)

Prøvespel med intervju vert i Førde i veke 14 (3.4/4.4).
Innhald:

• Haydn 1. og 2. sats + variert program inntil totalt 25 min
• Pedagogisk del 10 min der du presenterer instrumentet for ei gruppe barn
• Bladspel/prima vista
• Kort intervju

Personlege eigenskapar:

• Kreativ, engasjert og positiv pedagog og musikar
• Evne og vilje til å bygge gode relasjonar med barn, ungdom og vaksne
• God teamdeltakar med evne til å ta ansvar og bidra med initiativ
• Fleksibel og løysingsorientert
• Evne til å jobbe sjølvstendig, langsiktig, strukturert og målretta

Vi tilbyr: 

• eit sterkt fagmiljø med spanande arbeidsoppgåver med moglegheit for tverrfagleg samarbeid og utviklingsarbeid
• arbeidsmiljø prega av positivitet og entusiasme
• løn og stillingskode etter gjeldande tariffavtale
• Sunnfjord kommune si pensjons- og velferdsordning

Du må søke elektronisk.