Ønsker du å jobbe hos oss i Helse- og omsorgsdepartementet?
Jobbnorge ID: 173823
Førstekonsulent/rådgjevar i Primærhelsetenesteavdelinga
Helse- og omsorgsdepartementet (HOD) har det overordna ansvaret for folkehelsearbeidet og for at folk får gode og likeverdige helse- og omsorgstenester. I Primærhelsetenesteavdelinga, seksjon for tverrfaglege tenester og tannhelsetenester er det no ei ledig stilling.
Primærhelsetenesteavdelinga har eit hovudansvar for staten sin politikk knytta til kommunane sine helsetenester og tannhelsetenestene. Avdelinga koordinerer mellom anna departementet sitt arbeid på rus-, volds og det psykiske helsefeltet. Samarbeid med kommunesektorens organisasjon (KS) er viktig. Avdelinga har etatsstyringsansvar for Statens helsetilsyn og Statens undersøkelseskommisjon for helse- og omsorgstjenesten.
Seksjon for tverrfaglege tenester og tannhelsetenester har ansvar for arbeidet med psykisk helse, rus og vald, tannhelsetenesta og eit koordinerande ansvar for avdelinga sitt arbeid knytt til forsking, kvalitet og pasientsikkerheit.
Eigenskapar vi ser etter:
Den nye kollegaen vår
- er analytisk, leveringsdyktig og fleksibel.
- har godt humør og gode samarbeidsevner.
- har høg arbeidskapasitet, og må kunne ha fleire ballar i lufta samtidig og greie å prioritere mellom arbeidsoppgåver. Det kan til tider vere høgt tempo i arbeidet.
- må ha interesse for fagområda seksjonen arbeider med, generelle samfunnsspørsmål og politiske prosessar.
Vi legg særleg vekt på om du høver som person.
Arbeidsoppgåver i rolla
- Arbeidsoppgåvene vil i hovudsak vere knytt til psykisk helsefeltet.
- Du må óg rekne med andre oppgåver innanfor seksjonen sitt ansvarsområde.
- Oppgåvene er varierte: frå enkeltsaker med korte fristar, løpande arbeidsoppgåver og komplekse koordineringssaker.
- Arbeid med statsbudsjettet.
- Langvarige utviklingsoppgåver.
Krav til kvalifikasjonar
- Relevant høgare utdanning på masternivå.
- Minimum 1 års relevant erfaring.
- God skriftleg og munnleg framstillingsevne på norsk.
- Kjennskap til psykisk helse-, rus- og/eller valdsfeltet er ein stor fordel.
Vi tilbyr
- spennande arbeidsområde med gode utviklingsmoglegheiter.
- eit godt arbeidsmiljø med kompetente, engasjerte og hyggelege kollegaer.
- fem veker ferie.
- fleksitidsordning.
- gode velferdsordningar.
- fast stilling med 100 prosent stillingsbrøk.
- god pensjonsordning.
- trening i arbeidstida.
- løn kr 449 400 - 580 000. For særleg kvalifiserte søkjarar kan vi vurdere høgare løn.
HOD har eit personalpolitisk mål om å oppnå ein balansert alders- og kjønnssamansetnad, å rekruttere personar med innvandrarbakgrunn, å rekruttere personar med nedsett funksjonsevne, og å rekruttere uavhengig av livssyn og seksuell orientering. Vi ønskjer fleire menn på arbeidsplassen vår, og oppmodar difor menn til å søkje.
For nærare opplysningar om stillinga, kontakt avdelingsdirektør Øystein Gjeset Ellingsen, tlf. 901 12 340.
Se annonsen og søk på stillingen www.jobbnorge.no
Om bedriften
Helse- og omsorgsdepartementet (HOD) har det overordna ansvare for folkehelsearbeidet og for at folk får gode og likeverdige helse- og omsorgstenester.
I Primærhelsetenesteavdelinga, seksjon for tverrfaglege tenester og tannhelsetenester er det no ei ledig stilling.
Primærhelsetenesteavdelinga har eit hovudansvar for staten sin politikk knytta til kommunane sine helsetenester og tannhelsetenestene. Avdelinga koordinerer mellom anna departementet sitt arbeid på rus-, volds og det psykiske helsefeltet. Samarbeid med kommunesektorens organisasjon (KS) er viktig. Avdelinga har etatsstyringsansvar for Statens helsetilsyn og Statens undersøkelseskommisjon for helse- og omsorgstjenesten.
Seksjon for tverrfaglege tenester og tannhelsetenester har ansvar for arbeidet med psykisk helse, rus og vald, tannhelsetenesta og eit koordinerande ansvar for avdelinga sitt arbeid knytt til forsking, kvalitet og pasientsikkerheit.