Sjukepleiar/ spesialsjukepleiar/ helsefagarbeidar

Er du sjukepleiar, spesialsjukepleiar eller helsefagarbeidar med interesse for lunge, nyre, fordøying og endokrinologi? Då søker vi nettopp deg til sengeposten vår på SNR! 

Våren 2025 flyttar vi inn i eit heilt nytt og moderne sjukehus på Hjelset. Sengeposten er organisert i avdelinga for medisin og har totalt 30 sengeplassar. Alle pasientromma på sengeposten er einerom med tilgang til eige bad.

Tryggleik, respekt og kvalitet er kjerneverdiar i vårt daglege arbeid, i møte med pasientar, pårørande og i samarbeid med kollegaer. Vi jobbar for å tilby ei heilskapleg pasientbehandling med fokus på pasienttryggleik. Vi har som mål å byggje ei sengepost med høg fagleg kvalitet, engasjement og eit godt og trygt arbeidsmiljø. Vi skal jobbe saman i team der vi lærer av kvarandre og gjer kvarandre gode. Vi legg opp til eigne fagdager i turnus for alle tilsette.

Vi har allereie fleire dyktige medarbeidarar på sengeposten vår, men vi har behov for fleire gode kollegaer. Vi har ledige stillingar i ulike stillingsstorleikar, så oppgi gjerne kva stillingsstorleik du ser for deg. Vi har i utgangspunktet tredelt turnus, men vi vil leggje til rette for at tilsette kan kome med ønskjer for eigen turnusplan. Vi vurderer også å tilby langvakter med arbeid kvar fjerde helg for dei som ønskjer det. Som tilsett hos oss vil du få ein variert arbeidskvardag med moglegheiter for fagleg utvikling og kompetanseheving. 

Bli med oss på laget!

Arbeidsoppgåver

• Sjukepleie til akutte og kroniske sjuke pasientar
• Sjukepleieadministrative oppgåver
• Legemiddelhandtering
• Ivaretaking av pasientane sine behov for heilskapleg omsorg
• Arbeid i team rundt pasienten
• Kontinuerleg forbetringsarbeid
• Rettleiing av studentar og kollegaer
• Samhandling med kommunar

Kvalifikasjonar

• Autorisert sjukepleiar eller helsefagarbeidar
• Relevant spesialkompetanse
• Meistrar norsk skriftleg og munnleg
  

Personlege eigenskapar

• Du er positiv og har gode samarbeidsevner
• Du arbeider både sjølvstendig og i team
• Du er motivert for å utføre varierte arbeidsoppgåver
• Du bidreg til fagleg utvikling og kontinuerleg forbetringsarbeid
• Du er ansvarsbevisst
• Du er påliteleg og lojal
• Du er løysingsorientert
• Du bidreg til eit godt arbeidsmiljø

Vi tilbyr

• Eit godt og positivt arbeidsmiljø
• Dyktige og engasjerte medarbeidarar
• Spanande og varierte arbeidsoppgåver
• Faglege utfordringar
• Fagutvikling og kompetanseheving
• Fagdagar i turnus
• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Mathilde Stranden, Seksjonsleiar, +47 48282250, mathilde.stranden@helse-mr.no

Arbeidssted

Opdølvegen 1
6450 Hjelset

Nøkkelinformasjon:

Arbeidsgiver: Helse Møre og Romsdal HF

Referansenr.: 4893254368
Stillingsprosent: 100, 50%
Fast
Søknadsfrist: 02.03.2025