Vi søker engasjert barnehagelærar til Orre barnehage
Orre barnehage har ledig fast stilling som pedagogisk leiar i 100% stilling fom 01.02.20.
Pedagogisk leiar er ein del av barnehagen sitt leiarteam, som er ansvarleg for barnehagen sin heilskap og skal delta aktivt i utviklinga av organisasjonen.
Pedagogisk leiar har det fagleg-pedagogiske ansvaret for avdelinga /basen han/ho er knytte til, og skal bidra til at barnehagen samla driv som ei godt tilrettelagt pedagogisk verksemd, i tråd med barnehageloven sitt formål og rammeplan. Pedagogisk leiar har ansvar, saman med styrar, for det psykososiale miljøet på avdelinga, og skal arbeida for at både barn, foreldre og medarbeidarar har ein god kvardag i barnehagen
Klepp kommune har utarbeida eigen stillingsinstruks for pedagogiske leiarar.
Kvalifikasjonskrav:
- Godkjent barnehagelærar utdanning.
- Samarbeida godt med andre, dela kunnskap, erfaringar og informasjon. Støtta og utfordra andre for å nå teamet sitt mål.
- Kommunisera på ein klar, presis og strukturert måte.
- Vera ein autoritativ leiar. Skapa ein god atmosfære, støtta, utfordra og oppmuntra teamet.
- Ansvar for målsetting og resultatar.
- Ansvar for å halda seg fagleg oppdatert.
- Sensivitet overfor enkeltbarn og barnegruppa.
Personlege eigenskapar:
- Gode kommunikasjons- og samarbeidsevner
- Løysningsfokusert og raus
- Evne til refleksjon og nytenking
- Evne til å jobbe strukturert og systematisk
- Fagleg sterk og opptatt av barnas beste
Før oppstart må det leggjast fram tilfredsstillande tuberkulinstatus i tråd med forskrift om tuberkulose kontroll, samt politiattest i tråd med opplæringslova § 10-9/barnehagelova §19.
Stillingsnummer: 20/67
Om bedriften
Klepp kommune ligg midt på Jæren, 25 km sør for Stavanger. Landskap og natur er prega av jordbrukslandskap, mildt kystklima og lange flotte sandstrender. Tinghaug er høgaste staden i Klepp og ligg 102 m.o.h. Jordbruk, industri, privat og offentleg tenesteyting er hovudnæringar i kommunen som har omlag 19 300 innbyggjarar. Kommunen sitt administrasjons- og handelssentrum er Kleppe. Andre tettstader er Verdalen, Orstad, Klepp st., Kåsen, Pollestad og Voll. Stavanger lufthavn, Sola ligg få kilometer nord for kommunegrensa og Jærbanen går gjennom den austre delen av kommunen.
Orre barnehage er ein kommunal barnehage. Inneverande barnehageår har me 83 barn, fordelt på 7 avdelingar. Me er ein avdelingsbarnehage, men har stort og godt samarbeid avdelingane i mellom. Eit av hovedfokusa våre er at alle barn skal være godt inkludert i barnehagen vår, og barnehagen skal være ein trygg, god og utviklande stad for barna å tilbringe dagane sine.