Informasjonsrådgjevar
Kvam herad
Grovagjelet 16, 5600 Norheimsund
Om jobben
Stillingstittel
Informasjonsrådgjevar
Oppstart
12. august 2024
Type ansettelse
Vikariat
Arbeidsspråk
Norsk
Antall stillinger
1
Kvam herad har ledig vikariat til ein engasjert og strategisk informasjonsrådgjevar. Vikariatet er ledig frå snarast og gjeld i tida fram til 30.11.2025.
Informasjonsrådgjevaren vil jobba tett med ordførar, rådmannen, rådmannen si leiargruppa og fellessekretariatet for å sikra god intern og ekstern informasjon i kommunen.
Er du rett personen for stillinga, har du evne til å sjå og utnytta ulike former for kommunikasjon, forstår media og det politiske landskapet og har evne til å gjera kompliserte bodskap enkle og forståelege.
Arbeidsoppgåver
- Ansvar for å koordinera kommunen sitt kommunikasjonsarbeid, både strategisk og operativt
- Oppfølging og vidareutvikling av Kvam herad sin kommunikasjonsstrategi
- Vidareutvikla interne og eksterne kommunikasjonsplattformar
- Redaksjonelt arbeid/innhaldsproduksjon på nettsider, intranett og sosiale media
- Kommunikasjonsfagleg rådgjeving, trening og rettleiing
- Ansvar for kommunen si handtering av informasjon og kommunikasjon under kriser
- Oppfølging og arbeid med kommunen sin språkprofil og "Klart språk"
Kvalifikasjonar
- Høgare utdanning og erfaring innan kommunikasjonsfag og mediehandtering
- Det er ein fordel om du også har kjennskap til informasjonsarbeid under kriser
- Har god innsikt i det digitale medielandskapet og kan sosiale media
- Har interesse/kunnskap om digitale løysingar, og har kjennskap til aktuell programvare innan bilete-/videoredigering, design og layout
- God munnleg og skriftleg formuleringsevne, både på nynorsk, bokmål og engelsk
Personlege eigenskapar
Me søkjer deg som er:
- Serviceinnstilt og engasjert
- Kreativ, løysingsorientert og strategisk
- Møter andre på ein respektfull og open måte
- Skapar tillit og viser høg etisk standard
- Samarbeidsvillig, tek ansvar, men og kan arbeida sjølvstendig
- Er endringsvillig og ønskjer kontinuerleg forbetring i arbeidet
Vi tilbyr
- Ein sentral rolle i kommunen sin organisasjon, med spennande og utfordrande arbeidsoppgåver i ein kommune med engasjerte innbyggjarar og tilsette
- Gode fagmiljø innan eit breitt mangfald av fagområde
- Høve til fagleg og personleg utvikling
- Løn etter avtale
- Gode pensjons- og forsikringsordningar
Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
Kontaktinformasjon
Lars Ese Ur, Teknisk sjef, +47 979 55 054Arbeidsstad
Grovagjelet 165600 Norheimsund
Nøkkelinformasjon:
Arbeidsgivar: Kvam heradReferansenr.: 4828564932
Stillingsprosent: 100%
Vikar
Startdato: 12.08.2024
Sluttdato: 30.11.2025
Søknadsfrist: 11.08.2024
Om bedriften
Oppdag Kvam - framtida er her!
Med sine 8500 innbyggjarar ligg Kvam vakkert plassert i hjarta av Hardanger og ved Hardangerfjorden, berre ein times køyretur frå Bergen. Her møter du ein natur som inviterer til aktiv fritid både sommar og vinter. Kvam, heimkommunen til nobelprisvinnar Jon Fosse, byr på eit rikt kultur- og organisasjonsliv med festivalar for ein kvar smak.
Naturopplevingar og aktivitetar
Ved fjorden finn du idylliske badestrender midt i sentrum av både Norheimsund og Øystese. For deg med lidenskap for langrenn eller toppturar, tilbyr Sjusete skisenter og fjellområdet Kvamskogen fantastiske skiforhold.
Ein kommune for framtida
Kvam satsar på barn og unge og er Årets ungdomskommune i 2024. Me har to vidaregåande skular, og ein ny, moderne vidaregåande skule er under bygging i sentrum av regionsenteret vårt Norheimsund.
Eit variert næringsliv
Næringslivet i Kvam er mangfaldig og inkluderer m.a. handel- og reiselivsnæring, lokal matproduksjon, jordbruk og industri. Dette gir mange moglegheiter for både jobb og fritid.
Opplev det beste av natur, kultur og samfunn i Kvam - i hjarta av Hardanger! Les meir
Sektor
Offentlig
Nettsted
Annonsedata
Rapporter annonse- Stillingsnummer
2688588
- Sist endret
12. august 2024
- Hentet fra
talentech
- Referanse
7308faba5ef741f6b9601c678b14fd7f